1 PITAR 2:5 - NITI GONTU N.T. (BSI)

⁵ ho turnii yalañ chuli nunu atohtiirḛ pencha siito yajiyallo udemi, darii nyibupa, yajiyallo ka membi niimi bidupa nii mina Pinii lariidonii Jisu Kristo kiilo.

1 PITAR 2:5 ပူးပေါင်းရင်းမြစ်များ

1 PITAR 2:9

Hojalo nunu kahenii haluke, radde ka nyibu atañ, darii ganda, Pinii ka atoh miyu, niimpalukoda nunumi luko kiine dupa mohka hempḛr aya miigo miiniiñmi huna nunumi gyoliñ tiinii kamo hokii mohka hempḛr kapyo hutoh ho.

1 KORINTIA 3:9

Niimpalukoda ngunu Pinii ka miigo miihiñ ahiñ; nunu Pinii ka aji, Pinii ka ude.

MIHUKAKIÑNIIÑ 5:10

ho mohlumi raddeganda pa miitii ho ngunuka Pinii ka nyibu atañpa, ho mohlu kiiddiapiñ mi sangii kendo.”

1 KORINTIA 3:16

Nunu chimapo nunu Pinii ka piniiude hiila ho Pinii ka Yajiyallo nunuko dudu hiila?

HIBRU 3:6

hojalo Kristo lotii tii Pinii ka ude ho oho pa lyila. Ho ngunu mohka ude ngunu matiirḛ ngunuka hatii la hentii nyimi biitola dukoda ngunuka hentiñho.

MIHUKAKIÑNIIÑ 20:6

Lyankonii ho darii hiika hii hutiina kapyo turiturku rilyi ho turbo rikiñ donii! Hiika hiipa ronye niipaka shiiniiñ ho hang harchichike giima, hojalo mohlu nyibu pa lyikiñdo Pinii la Kristo nyipa, ho mohlu sangii sambo monkiñdo anyañ jare.

1 KORINTIA 6:19

Nunu chimapo nunuka apo hii Darii Yajiyallo ka piniiude hiila, nii mina nunu Pinii kokii larii tiinii? Nunu atoh kiisu kuma ke;

ROM MIKA POL KA SIITI KENIIÑ 12:1

Ngo nunumi yardu hopa, anubarmii atañ, Pinii ka aroh lo, nunuka apo mi turdopa hempa siibito, darii ho Pinii mi lariidopa, hiikahii nunuka yajiyallo loka herii niike.

MIHUKAKIÑNIIÑ 1:6

ho ngunumi miitii raddeganda pa, mohka Pinii la Aba nyika nyibupa, mohmi assañ kencho ho pamiñbiinii ayudahe dokiñ cho. Amen.

PILIPIA 4:18

Ngo poteje ngiika injomi labiitiiku, ho abuyapa; ngiikii potedoku, Ipaproditas mika nunuka ahmiñayiñ bilii niimi lariikiile, narunempyo biniiñ hiilyañdo, membiniimi lariitii ho Pinii mi hempyo miipatii.

2 KORINTIA 6:16

Niitañpa talii lakiñdo Pinii ka piniiude hii miichi niika agiñho? Niimpalukoda ngunu turnii Pinii ka piniiude; Pinii hiila lutii, “Ngo mohluka agiñho dubo monchi ho mohluka agiñho imbo monchi, ho ngo mohluka Pinii, ho mohlu ngiika miyu.

MIHUKAKIÑNIIÑ 3:12

Hii huna pamiñtiinii, Ngo mohmi ngiika Pinii ka piniiude ka siirañpa miichi; pema mo hiiko hokii agoho linkiñma, ho ngo mohko ngiika Pinii ka armyañ mi kechi, ho ngiika Pinii ka citi ka armyañ mi, niti Jerusalem niihna ngiika Pinii kokii todonii dariiganda hokii, ho ngiika atohka niti armyañ mi.

ROM MIKA POL KA SIITI KENIIÑ 15:16

Jisu Kristo ka miira pa lyila Midomiyu atañ ko nyibu ka miigomi Pinii ka aya puyu mi ludupa, niimpalukoda Midomiyu atañka biniiñ mi larii ladopa, Darii Yajiyallo lo darii miibiidola.

1 TIMOTI 3:15

ngo matiirḛ dahii lyimilo, nunumi chinke nendupa niihtañ pana kone Pinii ka ude ho miikiñpakiñ donii, niihna turnii Pinii ka gyoliñkonii nii, rali ho jije ka batiñ pa lyidonii.

KOLOSIA 3:17

Ho niijalo nunu miichi, aguñ pajalo malo miilajalo, kapanemi Attoh Jisu ka armyañ pa miitolya, Pinii Aba mi payapacho lubiidola mohkiilo.

PILIPIA 2:17

Ngiimi siipuñ ponchañ ho pombii siilyi jalo membi sako nunuka henjepa, ngo hempyo talyi ho sobo talyi hikha nunuka agiñho.

1 PITAR 4:11

hujalo luchi, kone Pinii ka luniiñ mika lubinii hiilyañ; hujalo miigo miiho talyi, miihoto hiimi Pinii kokii ka tamo bitii niihiilyañ; niimpalukoda kapaneho Pinii mi assañdopa Jisu Kristo kiilo. Mohkiike tatukatu hii ho pamiñ biiniiñhii ayudahepa. Amen.

PILIPIA 1:11

denki ka ahee atañmi hinyato niihna Jisu Kristo kokii ahdonii, tatukatu ho Pinii mi assañ naniiñpa.

GELESIA 6:10

Hiiko hopa, ngunuko myodu aya dohoso, kiije ngunu hikha miyu atañpa aya miigo miisa, ho luchila hiika atañpa hutiina henje ka uru ahiñnii.

1 PITAR 4:17

Niimpalukoda myodu si ahlyi kuke ayakacho kari biidu kupa Pinii ka ude atañ hokii kari biila; ho hiikahii matiirḛ ngunu kokii kari biido koda, nii lyikiñdo mohluka kamikalo hii hutiina Piniika aya puyu mi luniiñ tama nenii?