1 PITAR 2:24 - NITI GONTU N.T. (BSI)

²⁴ Mo ngunuka ingyamiigya atañmi bapa bitii mohka apo ho pogyañho, niimpalukoda ngunumi ingyamiigya ho shiike nendu kupa ho denki ho sanke nendu kupa. Mohka une giiko hopa nunumi miipya tiiku.

1 PITAR 2:24 ပူးပေါင်းရင်းမြစ်များ

METHU 8:17

Siikasi nii hiila na nyibuhenii Aijaya lutiinii hiimi lyipe kiine dupa lyitii, “Mo ngunuka ajju mi ho achih-ahe mi bapa bitii.”

ROM MIKA POL KA SIITI KENIIÑ 6:11

Hopa nunu tiirḛ atohmi ingyamiigya ho shiitiiku hiila hensuto ho Pinii Kristo Jisu ko turdoku hiila.

MIHUKAKIÑNIIÑ 22:2

citi ka lembo ka liipa jaho hokii biliñdo, akota, kiiley ka pache pache pada, sango ka sannii du hiikaho pulyañlenye ahee ponsa ponsa hido, piilo karmyañmi yohe yohe ya ahee hila; ho sannii ka anniih hii ganda atañmi miipya naniiñpa done.

1 JON 2:29

Nunu matiirḛ chindo koda mo denki hiila, nunu chinkiñdo kone abi hutiina denki mi miidonii hii mohloka bukonii.

JEMS 5:16

Hopa nunuka ingyamiigya niimi kone anyañ khako siitoku, ho kone anyañpa kuto, niimpalukoda nunu miipya kodupa. Denki miyu ka kuniiñ ho anouro harchichike giidoke hiimi miipya naniipa.

HIBRU 9:28

hopa Kristo, rongepa bisutii abujeka ingyamiigya atañmi bagii dupa, ahti kendo ronye niipa, ingyamiigyaniimi miilyañ dupa hiilama hojalo lyangur dupa huna mohmi kalya rela dunii.

GELESIA 3:13

Kristo ngunumi tupyatiiku dapo ka beniiñ hokii, ngunu paka beko sanii mi beko biidola-niimpalukoda hiila ketii, “Kone abiko beniiñ dokiñdo huna sannii ho hosḛr siida nii”,

ROM MIKA POL KA SIITI KENIIÑ 6:2

Pema hiila ma! Niihtañpa ngunu huna ingyamiigya ho shiitii kunii hiira hiiko sankañ la dachi?

KOLOSIA 3:3

Niimpalukoda nunu shiine ku, ho nunuka sango mi achuñ tiiku Kristo ka agiñho Pinii ko.

ROM MIKA POL KA SIITI KENIIÑ 6:13

Iche tiirḛ nunuka asiialyo kone mitrḛ ingyamiigya ho miita nankoyo diimmah ka miitaluta naniiñpa, hojalo nunu atohmi Pinii koya tiilii siibito, hiika miyuatañ hiilyañ humina shiiniiñ hokii sango biku tiikunii, ho nunuka asiialyo mi Pinii ka denki mika miitaluta naniiñ paya biito.

JON KA AYAPUYU 1:29

Allo lohe yaho mo Jisu mi mohkii dalyi ahla dopa kappatii, ho lutii, kato, Pinii ka subuñ atu, huna dohadolo ka ingyamiigya niimi bapa bidonii!

ROM MIKA POL KA SIITI KENIIÑ 7:6

Hojalo siisi ngunumi dapo hokii apalintiiku, niimpalukoda nii hona ngunumi nyima latu tola dotiinii hokii ngunu shiitii ku, Hopa ngunu bilo ka khu keto laka dapo donii hiilyañ miiho make hojalo Yajiyallo ka niti sango hoke.

1 JON 3:7

Himme atu atañ, kone lotrḛ talubalo koyo. Mo huna miidikomi miidonii hii denki ke, niihtañpa mo denki.

ROM MIKA POL KA SIITI KENIIÑ 6:7

Niimpalukoda mo huna shiitii kunii hii ingyamiigya hokii tupya kotiiku.

ROM MIKA POL KA SIITI KENIIÑ 6:16

Nunu chimapo nunu matiirḛ konemijalo atohmi bilii siido koda luniiñ taniibo miirapa, nunu hiika miira ke huka luniiñ mina nunu tadonii, ingyamiigya ka, niihna shiigo ubu ho ingii donii, malo luniiñtanii kii ha, niihna denki dalyiho pagii donii?

2 KORINTIA 6:17

Hopa mohluka agiñ hokii linto ku, ho mohluka agiñ hokii ponsa pa dato, Attoh ludo, ho kacho drih mi tenne yo; ho ngo nunumi larii talyi,

MIINIIÑ 5:30

Ngunuka aba atañka Pinii Jisu mi turidopa miitii humina nunu sannii ho leda lala membii nenii.

LUK KA AYAPUYU 4:18

“Attoh ka Yajiyallo ngiiko do, niimpalukoda ngiimi mo arrḛyartiiku aya puyu mi arro atañmi tonsḛrkhenyo kiine dupa. Mo ngiimi kiiniñtii gyuko niipa miyudornii atañ mika tupya kosaniimi ho micha atañka mida kusaniimi, hutiina hensḛrkadu la danii hiimi dasḛrpa dake nendupa hiila,

METHU 5:20

Niimpalukoda Ngo lukoso nunumi, nii dahepa niika denki hii siika pagenii atañ la Parisi atañmi uro yate ma, nunu iche tiirḛ dariiganda ka raddeganda ho ahla kemma.

HIBRU 12:13

ho lembo mi parda pa miito nunuka alih kiipa, niimpalukoda liichabomi inji mapa lyima dopa hojalo hiilamapa miipya kodo paya.

MIINIIÑ 13:29

Ho mohlu hikha mo piigo mika ketola doniimi miipe lala, mohlu mohmi sannii hokii akañ ho jolo tii, ho mohmi byuh ho atiitii.

MIINIIÑ 10:35

hojalo ganda ponge abi hujalo mohmi biiso talyi ho miidi komi miichi hiimi larii doke.

HIBRU 7:26

Niimpalukoda siikasi ayado ngunupa sitañ bukuñ nyibu duniiñ si, darii, pahañhansa giimanii, miibḛrmanii, ingyamiigyanii atañ hokii ponsa miiniiñ, dariiganda atañmi haho yapa assañtii.

KOLOSIA 2:20

Kristo agiñho matiirḛ nunu shiitii kukoda siichañmiido mika sangiinii yajiyallo hokii, niimpa nunu sala darañ siisi jalo dohadolo kii hiilyañpa? Niimpa nunu tiilii siibidu sangiinii atañko,

ROM MIKA POL KA SIITI KENIIÑ 6:22

Hojalo siisi nunumi tupya biilyi ke ingyamiigya hokii ho Pinii ka miira pa lyido ku, nunuka ahkur kuniisi dardḛkunii ho hiika hii dotḛr kuke, santḛrlamanii sango.

MIINIIÑ 10:39

Ho ngunu haki pa lyido hikha anyeru ganda Jew atañ kala ho Jerusalem hoka miiniiñmi. mohlu mohmi shiidopa miibiine sannii ho leda lala;

METHU 27:26

Ho mo Barabas mi mohlupa apalintii, ho Jisu mi higor pala la, mohmi leda lala menke nendupa nembitii.

IPISIA 5:9

(niimpalukoda hutoh ka ahee mi hikha aya ho miidiko ho jije hoke kapa donii),

JON KA AYAPUYU 19:1

Ho Pailet Jisu mi selii lala ho mohmi hike nembiido.

PILIPIA 1:11

denki ka ahee atañmi hinyato niihna Jisu Kristo kokii ahdonii, tatukatu ho Pinii mi assañ naniiñpa.

MAK KA AYAPUYU 15:15

Hopa Pailet, miyu atañmi hempyo miipa dupa hiila, Barabas mi mohlupa apa lintii; ho Jisu mi higor pala la, mo mohlumi nembitii leda dopa.

1 KORINTIA 15:3

Niimpalukoda ngo nunumi bibiilyi kapyo japa khiila nii mina ngo larii tiinii, Kristo ngunuka ingyamiigyanii atañpa siibi tii piniipota ka keniiñ chulipa,

KOLOSIA 2:14

lapabitiiku ngunumika haliitokula doniiñmi miichañ luchañ hoka, siika siimi mo lahotii, pogyañ ho ralii kobii dola.

HIBRU 10:5

Siika piigopa, Kristo ka dohadolo soka ahlyiho, mo lutii, “membiniimi la biniiñkeniiñ mi no hembyo make, hojalo apo no ngiipaka miimyo biniiñmi;

HIBRU 10:10

Ho hiika henko jaho miiko hopa ngunumi darii miitii ku Jisu Kristo ka apo mika bisu kopa hikha ronge pada.