1 PITAR 2:12 - NITI GONTU N.T. (BSI)

¹² Aya miiju miya Midomiyu atañka punkoho miito, mohlu nunumi miigya niipa khiilii dojalo, mohlumi nunuka aya miigo miiniiñmi kala lala ho Pinii mi assañdopa mohka ahlyiku allo ho.

1 PITAR 2:12 ပူးပေါင်းရင်းမြစ်များ

1 PITAR 3:16

ho nunu henju mi didḛr pa atii tolya, niimpalukoda niida nunumi ayamapa miichi, hutiina nunuka aya henjumiiju mi chekhola miidonii Kristo ko hiimi hiinyañmohi dopa.

METHU 5:16

Si chulipa niika hutoh mitrḛ miyu atañka hataho byohu kiineto, niimpalukoda niika aya miigo miiniiñmi mohlumi kala lala ho niika Aba dariiganda hoka duniimi assañ kiine dupa.

2 KORINTIA 8:21

niimpalukoda ngunu miiniiñsi niihna ayadonii Attoh ka kata ho hiimi kontii mapa hojalo miyu ka kata hotiirḛ.

1 TESOLONIA 4:12

niimpalukoda nunuka hiika miiniiñlo agomiyu lo khiiko dupa, ho kone mitrḛ hentiñla duyo.

1 TIMOTI 4:12

Kone lotrḛ niika yapa saniiñmi khiipa koyo, hojalo henje atañmi kagiñnaniipa kakiñ tolya luniiñho ho miijulujuho, hensu niiho, henjeho, dariiho.

JEMS 3:13

Hu chila ho chiniiñ nunuka punko hokii? Mohka denki sanjulo mohka miigo miiniiñmi kakiñ kiineto chila ka chimeeñyanu lo.

PILIPIA 1:27

Nunuka sango ka henjumiiju miya Kristo ka ayapuyu ka khiiniiñ kiipa atiito, niimpalukoda ngo ahla ho nunumi kapajalo malo kapa majalo, ngo tapa dupa nunu alḛrpa dasudake yajiyallo konepa, ahha puhepa giila henje ka ayapuyu miihiñ nyasuda hiila,

2 KORINTIA 1:12

Ngunu ka hentii hii sike, ngunu henju ka pyakonii hiilake niihtañ pana ngunu dohadolo ho datiinii, ho abuyaya nunuka hataho, darii ho pinii henju jaho, kiiddiapiñ ka chila lomapa hojalo Pinii ka aroh-aya lo.

2 PITAR 3:11

Hopa hikha siika drih atañ jeyi nyakiñdo, niihtañ miyu ka sancha ho sanchi nunuka darii ho piniisanju sango ho,

ROM MIKA POL KA SIITI KENIIÑ 13:13

Kiije ngunu atoh atohmi hutoh hoka danii hiilyañ dasa, hempyopa sola ho ow tangiitola damasa, ayamapa hela ho hensamanii hemasa, pasugasula ho kariñsiila miimasa.

ROM MIKA POL KA SIITI KENIIÑ 12:17

Kone mitrḛ diimmah miiniiñmi diimmah miili yayo, hojalo niihna hikha koneabi ka kata ho ayado hendo nii hiimi miitolya.

HIBRU 13:18

Ngunu pa kuto lyape, niimpalukoda ngunu jije mike ludunii ngunuko didḛr henju hii doke, kapane drih atañ ho khiiko dopa miinañla.

1 TIMOTI 2:2

radde atañpa ho hikha hutiina akho pa dunya dunii, niimpalukoda ngunu yanu ho chimie sango sangii kodupa, piniihenju ho kapakohe khiiko biidola.

PILIPIA 4:8

Kamijapa, anubarmii atañ, niihna jijenii, niihna khiisaniiñ, niihna miidikonii, niihna dariinii, niihna kapyo doniiñ, niihna aroh-aya doniiñ, hiiko matiirḛ hempḛr ayado hiila hendo milo, hiiko matiirḛ hangdrih jalo khiila assañdopa lyido milo, hiika drih atañka piigo mi henka nyato.

IPISIA 4:22

Khu henju mi opa toku niihna bilo kapyo sango ka sanju tiinii ho surudonyo dopa miitiinii golluniika kalyikabyo lo,

HIBRU 13:5

Nunuka sango mi tiicko hembyo saniiñ hokii dasa giitolya, ho niihna niiko donii hiimi hembyañ biitolya; niimpalukoda mo lutii, “Ngo nunumi pema kapa tamake malo apatama ke.”

ROM MIKA POL KA SIITI KENIIÑ 15:9

ho Midomiyu atañmi Pinii mi assañ kiine dupa mohka aroh kiipa. Hiila ketola do, “Hopa ngo niimi assañ talyi Midomiyu ka punkoho, ho niika armyañ pa biisie sichi”;

LUK KA AYAPUYU 19:44

ho nunumi miimiilokiñ doke, niimi ho niika oho atañmi niika agiñho, ho nunuka ayoh ho yalañ puhe tiirḛ doke nenkiñ make; niimpalukoda nunu chima niida myodu ahkiñdo niimi kaha dupa.”

METHU 10:25

siikasi khe doke henjeajiñ ka tonsḛrbo chuli lyiniiñsi, ho miira hii mohka atoh chuli. Mohlu matiirḛ ude atoh mi Biljebul hiila gyodo koda, siimi uro yapa mohlu niihiila nipatalyi hiika udeuru atañmi.

METHU 5:11

Lyanko kendo nunu niida miyu atañlo ahiare ho miihimiire ho kapane ayamanii ngiika piigopa khiilii kochi.

1 PITAR 4:11

hujalo luchi, kone Pinii ka luniiñ mika lubinii hiilyañ; hujalo miigo miiho talyi, miihoto hiimi Pinii kokii ka tamo bitii niihiilyañ; niimpalukoda kapaneho Pinii mi assañdopa Jisu Kristo kiilo. Mohkiike tatukatu hii ho pamiñ biiniiñhii ayudahepa. Amen.

IPISIA 2:3

Siika atañka punkoho ngunu hikha ronge sambola dato ngunuka asiialyo ka hembyokabyo ho, asiialyoho ahha ka henju ho imbomola, ho hopa ngunu henju hokii hadii ka himme atañpa lyito, hikha khiibemiyu atañ hiilyañ.

2 KORINTIA 13:7

Hojalo ngunu hiila Pinii mi kudu nunu miigya mado koda hiila-ngunuka ahniiñsi tenka niimi kapa dupa hiilama, hojalo nunumi niihna jijenii hiimi miike nendupa, ngunu miipelama pa lyisu dojalo.

1 KORINTIA 14:25

mohka mi chima paka ahha hoka giiniiñmi kakiñ kendo; ho hiila, nyimo chukila, mo Pinii mi herii kendo ho lukiñ do jije Pinii nunu punkoho da hiila.

MIINIIÑ 24:13

Mohlutrḛ kakiñ lakiñma niimi nii mohlu siisi ngiimi haliitii.

MIINIIÑ 15:14

Simeon luko biine niihtañpa Pinii kapyopa Midomiyu atañka sohane, mohluko hokii miyu laliñtii mohka armyañ pa.

LUK KA AYAPUYU 6:22

Lyanko kendo nunu niida nunumi miyuatañ kanamapa miichi, ho nunu mika khiipa liilyiho ho nyapalyiho, ho nunuka armyañ mi diimmah hiila khiipa liilyiho, miyu Oho ka piigopa!

LUK KA AYAPUYU 1:68

“Assañsa Isrel ka Pinii Attoh mi, niimpalukoda mo ahtii ho mohka miyu atañmi tupyatii,

METHU 9:8

Hiimi miyuabuje danii atañ kappa lala, mohlu biisotii, ho mohlu Pinii mi assañtii, huna siika otority mi siika miyu mi bitiinii.

MIINIIÑ 25:7

Ho mo ahkele, Jew atañ hutiina Jerusalem hokii totiinii mo piigopa guri nyatii, abuje mohmi hempḛr uro haliila lyitii hiimi mohlu jije hiila luko lamatii.

JON KA AYAPUYU 13:31

Mohka ago linne kuho, Jisu lutii, “Siisi miyu ka Oho mi assañdiilañ kendo, ho mohko Pinii mi assañdiilañ kendo;

MIINIIÑ 28:22

Hojalo ngunu niiko hokii taka nando niika henju nii hiila; niimpalukoda siika dungunii tongemi ngunu chindo kapakohe chekho la lunyada.”

ROM MIKA POL KA SIITI KENIIÑ 14:18

mo huna Kristo mi miiho donii hii Pinii ka talii lasanii ho miyu atañka kahe kuniiñ.

1 TIMOTI 5:10

ho mo mohka aya miigo miiniiñ mika luta nangko laka dunii, kone huna wiinga aso sucha tiinii, helakala mi kakiñla, piniimiyu atañka alih harbinii, pamyotakho giinii atañ mika hempyo miipanii, ho atoh mi kapane aya miigo hoka henga laka miinii.

1 PITAR 2:15

Niimpalukoda siikasi Pinii ka henjuke miidiko miibii dola nunu adumadopa miikiñ donii chimanii piicha miyu atañmi.