1 PITAR 2:1 - NITI GONTU N.T. (BSI)

¹ Hopa hikha kanamapa miiniiñ la surupiibi mi ho lotiimaniimi ho kariñ mi ho hikha nipasiiniiñ mi apa toku.

1 PITAR 2:1 ပူးပေါင်းရင်းမြစ်များ

METHU 15:7

Nunu apukahi! Aijaya mihu kadi ko katii nunumi, mo hiila lutii:

METHU 23:28

Hiichulipa nunu tiirḛ miyu kata agoho denki kappa siido, hojalo nunuka uraho poteje apukahi ho ingyamiigya giido.

METHU 24:51

ho mohmi miikhiiñ kendo, ho apukahi agiñho atii kendo; hiiko miyuatañ khela ho aih nyensula dokiñdo.

METHU 7:5

Nunu apukahi, kapyopa nunuka amee daka sampo miya lapa siito rañ, hoke nunu didḛrpa kappa lakiñ donii niika anubarmii ka amee daka hiirimi.

MAK KA AYAPUYU 12:15

Ngunu bikiñ dopeha mohlumi, malo ngunu bikiñ mapeha?” Hojalo mohluka apukahi mi chimbii tola, mo mohlumi lutii, “Niimpa nunu ngiimi tenkadu? Posa pere ngiiko biilii, ho ngiimi kaka kiine pe”

LUK KA AYAPUYU 11:44

Aiya hiila hembido nunumi! Niimpalukoda nunu byuh chulido nii mina kappa lamanii, ho miyuatañ hiika hopa impo biila do hiimi chinya mapa.”

LUK KA AYAPUYU 12:1

Hiika myodu jaho, abuje miyuatañ tongepa dakuñla doho mohlu kone anyañ mi nenje nenge siibiido, mo lurido mohka henjeajiñ atañmi kapyopa, Hendi nyatolya Parisi atañ kokii ka miibḛr kosa niimi, hiika apukahi miiniiñ hokii.

LUK KA AYAPUYU 6:42

Malo niihtañpa nunu nunuka anubarmii mi lula kendo, Anu barmii, nii niika amee daka miju mi lapa toso, nunu atoh amee daka sampokane poro giiniiñ miya kappa siima pa? Nunu apukahi, kapyopa nunuka amee daka sampo poro bomi ya lapa siitorañ, ho hoke nunu nunuka anubarmii atañka amee daka mijumi kadḛrpa lapa lakiñ donii.

JON KA AYAPUYU 1:47

Jisu Natanel mi mohko ahla dopa kappatii, ho mohmi lutii, “Kato, jije Isrel miyu kone, hukohona gollumisu giimanii!”

ROM MIKA POL KA SIITI KENIIÑ 1:29

Mohlu kapane demma miiju poteje giida, diimmah, hemikaminiiñ, kanamapa miiniiñ. Poteje kariñ, miyumenii, gasupasu, surudonyo, nyapakoya luniiñ, mohlu biicho,

1 KORINTIA 14:20

Anubarmii atañ, nunuka heniiñ ho himme chitañ heyo; diimmah ho himme pa lyito, hojalo heniiñ ho hengḛr nyato ku.

1 KORINTIA 5:8

Kiije ngunu, hopa, dituñ mi sosa, khu ipo lamapa, kanatana mapa miiniiñ ho diimmah ipo lamapa, hojalo jije ho lotii ka ipo miiyomanii yatañ lo.

2 KORINTIA 12:20

Niimpalukoda ngo biisodo ngo ahbiila nunumi ngiika heniiñ hiilyañ mapa kapa tama byopeha hiila, ho nunu ngiimi nunuka heniiñ hiilyañ mapa kapa tama byopeha; hiilakoda hiiko pasugasu dokiñdo, kariñsiiniiñ, hadii, chahi, nipasiiniiñ, biicho, hentiisiinii, ho luniiñtasumanii.

IPISIA 4:31

Hikha kochi ho uropakahadii ho hadii ho rukha adunii ho nipasiiniiñ mi nunukokii lapato, hikha kanatana manii agiñho,

1 TESOLONIA 2:3

Niimpalukoda ngunu yarniiñ miikha nii hokii malo kacho hokii lima, malo siikasi surupiibi la miima;

1 TIMOTI 3:11

Nyimii atañ tiirḛ hendi nyakiñdo, nipakoyakema, hojalo hendi-niikiñdo, hikha drih atañ ho lotii kendo.

TAITAS 2:3

Ammi yami hii chulipa yarto miijuluju ho khiiko dopa dato hiila, nipakoya niipa dakiñma malo ow miirapa lyikiñma; mohlu tonsḛr kendo niihna aya donii,

HIBRU 12:1

Hopa, ngunumi hiimkane kahe jomii dagur kobiidola hakipa, kiije ngunu tiirḛ apalyasa kapane drihmi, ho ingyamiigya niihna hempḛr ageh giitola giidonii, ho kiije ngunu harkañ ari hasa pigii biidola nii mina ngunupa miitola atii bitiinii,

JEMS 1:21

Hopa hikha kachohenju mi apatoku ho diimmah miijumi ho yanuyamya pa lariito puyu ali niimi, niihna nunuka yallo mi lyangur lakiñ donii.

JEMS 3:14

Hojalo nunuko matiirḛ kochi kariñ giido koda ho henchi hehi henju nunuka ahha ho giido koda, khansu nyayo ho jije mi amuh dopa miiyo.

JEMS 4:11

Kone anyañmi anyamapa lusu nyayo, anubarmii atañ. Mo huna anubarmii mi ayamapa ludonii malo haliidonii mohka anubarmii mi, dapo mi chekhola ayamapa ludo ho dapo mi haliido. Hojalo nunu matiirḛ dapo mi halii dokoda, nunu dapomi miiniipa lyima hojalo haliinii.

JEMS 4:5

Malo nunu hiila henduha siikasi piigo ama piniipota ka luniiñsi, “Mo kariñsiiniiñ mi laliitii yajiyallo ho nii mina mo ngunuko dubo dopa miitiinii”?

JEMS 5:9

Budubude nyayo, anubarmii atañ, kone anyañmi chekho siila, nunu halii koma dopa, kato, ayakacho kaniibo alyeh si daku.

1 PITAR 2:16

Dasḛr miyu hiilyañ santo, hojalo nunuka dasḛr mi diimmah miiju mi miigiñ naniiñpa biite mapa; hojalo Pinii miira hiilyañ santo lya.

1 PITAR 2:22

Mo hang ingyamiigya miima sii; mohka nyachu ho hang lugyanii kapa masu.

1 PITAR 3:10

Niimpalukoda “Huna sango mi hensu donii ho kapa nandonii aya myodu mi, mohka allyo mi diimmah hokii atiñ siibii to ho mohka aguñmi surupiibi sanii hokii;

1 PITAR 4:2

hopa siisi kii sango sansa niimi miyu ka helyihembyo ka sanju ho sayo hojalo Pinii ka henko jaho santo.

1 PITAR 4:4

Mohlu hemur nyada niimpalukoda siisi nunu mohluka moreymiyu hiilyañ piigoama soko sobokuma, ho mohlu nunumi miipyudo;

MIHUKAKIÑNIIÑ 14:5

ho mohluka aguñ ho hang gollunii kapama, niimpalukoda mohlu pahañ hansa giima.