1 PITAR 1:6 - NITI GONTU N.T. (BSI)

⁶ Siika sipa nunu hempyoto, siisi ichuche myodu hepa nunu abuje tenka kosu dojalo,

1 PITAR 1:6 ပူးပေါင်းရင်းမြစ်များ

JEMS 1:2

Hempyo paya khiitolya hikha rumi, ngiika anubarmii atañ, niida nunumi ponsa ponsa tenka talyi,

1 PITAR 5:10

Ho nunu ichuche heru hela lala, hikha aroh-aya ka Pinii, huna nunumi mohka ayudahe tatukatu Kristo ko gyolii tiinii, mo atohloda miilyañ kendo kuke, dodopa miikiñdo, ho alḛrdopa miikiñdo nunumi.

ROM MIKA POL KA SIITI KENIIÑ 12:12

Nunuka hentiñ naniiñ ho hempyo tolya, hentḛrkanyi ahlyiho yanu tolya, kuniiñ mi kukañla dutolya.

ROM MIKA POL KA SIITI KENIIÑ 5:2

Mo kiilo ngunu ahla dopa lyido siika aroh-aya ho nii hona ngunu danii, ho ngunu hempyodo ngunuka hentiñho Pinii ka tatukatu mi ngunu hembo kendo hiila.

METHU 5:12

Soto ho hempyo to, niimpalukoda niika ahmiñayiñ hii kayeke dariiganda ho, niimpalukoda si chulipa miyuatañ nunumika kapyo yapaka nyibuhenii atañ mitrḛ miihimiiretii.

JON KA AYAPUYU 16:33

Ngo siika simi nunumi lubii lyike, ngiikoho nunupa chimie hii dodopa. Dohadolo so nunuko hentḛrkanyi dolyi diike; hojalo ngarka jilya datolya, ngo dohadolo mi pamiñ tiike.”

JON KA AYAPUYU 16:22

Hopa nunuko siisi heru hii do, hojalo ngo nunumi hiira kapa talyi ho nunuka ahha hii hempyo kendoke, ho kone hetrḛ nunuka hempyo mi nunu kokii lara biila kema.

METHU 11:28

Ngiiko ahto, hutiina khelanyola ho hiigii aie badonii, ho Ngo nunumi hemmoko bichike.

ROM MIKA POL KA SIITI KENIIÑ 5:11

Hiila kontii mata, hojalo ngunu Pinii ko hempyo du Attoh Jisu Kristo kiilo, huko hokiina ngunu siisi larii tiikunii ngunumika yardiñ bikuniimi.

MIINIIÑ 14:22

henjeajiñ atañka yallo mi alḛr lupa lala, mohlumi henje mi haro lupatii, ho lubiido abuje hentḛrkanyi loke ngunu Pinii ka raddeganda ho ahkiñ donii.

LUK KA AYAPUYU 10:20

Hojalo hempyo nyayo siika sipa, yajiyallo atañ nunuka luniiñ tado hiila; hojalo hempyo nyato nunuka armyañ hii dariiganda ho ketiiku hiila.”

1 PITAR 4:7

Hikha drih atañka kamikalo hii tunii dokuke; hopa hendila ho hendḛrla dato nunuka kuna naniipa.

JEMS 4:9

Herunyato ho haruhenyato ho khenyato. Nunuka ngarniiñmi herunyato ho nunuka hempyo saniimi moyonyato.

2 KORINTIA 4:17

Niimpalukoda siika attahepa ka herumyanka hii ngunupa lyula samanii tatukatu mi miimyo bido hiika hii hang khiitiñ lasa manii,

JEMS 1:9

Arro anubarmii hempyo nyato niimika achalyiho,

PILIPIA 3:3

Niimpalukoda ngunu jije mitupipakoniiñ, huna Pinii mi yajiyallo lo heriidonii, ho Kristo Jisu ko assañ kodunii, ho asiialyoho hentiñ siimanii.

2 KORINTIA 6:10

heru siido, hojalo kiirañ hempyodo; aroh siido, hojalo abujemi mingo dopa miitii; hang nyima siitrḛ, hojalo kapane hemi biidu.

1 TESOLONIA 1:6

Ho nunu ngunumi katiñ nando ho Attoh mitrḛ, niimpalukoda nunu aguñmi hempḛr heru myodu ho lariitii, hempyo agiñho Darii Yajiyallo kokii;

PILIPIA 4:4

Kiirañ Attoh ko hempyo to; hiira ngo luchi, Hempyoto.

GELESIA 5:22

Hojalo Yajiyallo ka ahee hii hensu nii, hempyo, chimie, pigiinii, helakala, aya, lotii,

ROM MIKA POL KA SIITI KENIIÑ 9:2

ngo hempḛr herudo ho ngiika ahha si hadiisi diingolama.

PILIPIA 2:26

niimpalukoda mo hikha nunumi kapa nala do, ho henga henkhala do niimpalukoda nunu mohmi achihla do hiila tapa biine.

LUK KA AYAPUYU 2:10

Ho miidopopi mohlumi lutii, “Biiso nyayo; tageto, ngo nunupa hempḛr hempyo aya puyu ke balii giidunii hikha miyu atañpa;

LUK KA AYAPUYU 1:47

ho ngiika yajiyallo hempyodo Pinii ngiika lyangur boko,

METHU 26:37

Ho mo agiñho Pitar la Zebedi ka oho anye mi ingiitii, ho hempḛr heru ritii ho henga henkha ritii.

1 PITAR 3:17

Niimpalukoda siikasi miidiko miigo paka heruheniiñ hii aya yakiñ doke, hiika hii matiirḛ Pinii ka henko hokoda, ayamapa ka miisa niimi hentola.