1 PITAR 1:12 - NITI GONTU N.T. (BSI)

¹² Siikasi hiila kakiñtii mohlumi mohlu atohpa miiho siima hojalo nunupa, drih atañ nii mina siisi nunumi gyuko donii hiika atañlo hutiina tonsḛrkhenyo nyadonii ayapuyu mi Darii Yajiyallo kiilo dariiganda hokiika kiiniñ niike, drih atañ nii mina miidopopi atañ bilo kii kanañ la lyinenii.

1 PITAR 1:12 ပူးပေါင်းရင်းမြစ်များ

JON KA AYAPUYU 15:26

Hojalo niidana Hembyuñnii ahchinii, humina ngo nunuko Aba kokii kiiniñ talyinii, jije ka Yajiyallo mitrḛ, huna Aba kokii lindonii, mo ngiipa haki lyibi kendo;

IPISIA 3:10

niimpalukoda gyoliñkonii lo Pinii ka abuje chila mi siisi chindopa miike nendupa miidopopi sangiinii atañla dariiganda hoka tamo atañmi.

1 KORINTIA 2:10

Pinii ngunumi kakiñ tiiku Yajiyallo lo. Niimpalukoda Yajiyallo kapane hemi medu, Pinii ka urañ mi lohepa.

HIBRU 4:2

Niimpalukoda ngunuko ayapuyu ahtii mohluko hoka ahchañ ho; hojalo mohluka puyu tapanii mohlupa piigo ahgii matii, niimpalukoda siimi henjelo tanii atañ tamatii.

MAK KA AYAPUYU 16:15

Ho mo mohlumi lutii, “Hikha kiiddiapiñ ho ingela ho tonsḛrhe aya puyumi hikha puliñnii atañmi.

1 PITAR 1:25

hojalo Attoh ka luniiñ hii ayudahepa dokiñdo.” Hiika luniiñhii ayapuyu ke nii mina nunuka punkoho tonsḛrkhenyo tiinii.

MIHUKAKIÑNIIÑ 5:11

Ho ngo kakatii, ho ngo tapatii raddeduko aruñare ho turnii achu-amyo atañ ho amiabañ atañ ho abuje miidopopi atañka luniiñ, khiikha lama jare adi jalyañhe miidopopi,

2 KORINTIA 6:6

dariipa dala, chimbiidola, pigiibiidola, helakala biidola, Darii Yajiyallo lo, aya hensu niilo,

2 KORINTIA 1:22

mo mohka tiihonanii lo ngunumi tiihotii ho ngunumi mohka Yajiyallo mi bitii ngunuka ahha ho hentiñ naniiñpa.

ROM MIKA POL KA SIITI KENIIÑ 15:19

kagiñnanii la kahotamo nyika harchichikelo, Darii Yajiyallo ka harchichike lo, hiikohopa Jerusalem hokii luri biila hikha Illyrikum lohepa ngo hikha Kristo ka ayapuyu mi lutii,

MIINIIÑ 2:33

Hopa Pinii ka lahbi alah ho jocha kotola, ho Aba kokii hemme nii Darii Yajiyallo mi larii lala, nii mina nunu kapa do ho tapa donii mo hiimi biliñtii.

HIBRU 2:4

Pinii tiirḛ haki bitii kagiñnanii ho kahotamo ho abuje miimalyanii lo ho Darii Yajiyallo ka ahmiñayiñ mi mohka atoh henko jaho khetii.

GELESIA 1:16

hempyo biidola mohka oho mi kakiñtii ngiimi, niimpalukoda ngiimi Midomiyu atañka punkoho tonsḛrkhenyo kiine dupa, ngo asiialyo la ai nyimi taka mato,

GELESIA 1:12

Niimpalukoda ngo siimi miyu kokii larii make, malo ngo simi luko komake, hojalo siikasi Jisu Kristo ka mihukakiñ laka ahniiñ.

ROM MIKA POL KA SIITI KENIIÑ 10:15

Ho niihtañpa miyuatañ tonsḛrkhenyo talyi nii dahepa mohlumi kiiniñ tama? Hiila ketola do, “Niihtañ kapyo hiika alih hii huna ayapuyu mi tonsḛrkhenyo donii!”

ROM MIKA POL KA SIITI KENIIÑ 1:17

Niimpalukoda siikaso Pinii ka denki mi kakiñdo henjelo henjenii atañpa; hiila ketola do, “Hukiihona henje giidonii denki lo sankiñ doke.”

LUK KA AYAPUYU 15:10

Hiichulipa, ngo nunumi lukoso, Pinii ka miidopopi atañ hempyo du ingyamiigyanii koneka henkur lyikuho,”

METHU 11:25

Hiika myodu ho Jisu lutii, “Ngo niimi payapacho ludu, Aba, dariiganda la kiiddi nyika Attoh, no siika drih siimi chinnii la tala miyu kokii achuñ lala ho chimanii atañ miya kakiñtii;

1 TESOLONIA 2:9

Niimpalukoda nunu hempa dudo ngunuka miiniiñ ho apo kheniiñmi, anubarmii atañ; ngunu allo ayoh miigo miito, niimpalukoda ngunu kone mitrḛ nunumi alluaba mi bake nena mato, ngunuka Pinii ka ayapuyu mika nunumika tonsḛrkhenyo lyiho.

LUK KA AYAPUYU 9:6

Ho mohlu impe siitii ho lemba atañ ho intii, ayapuyu mi tonsḛr-khenyotii ho miipya nyatii kapakohe.

LUK KA AYAPUYU 2:26

Ho mohmi Darii Yajiyallo hiila kakiñ tola dotii mo shiikiñ make nii dahepa mo Attoh Kristo mi kappa tama.

METHU 16:17

Ho Jisu lukotii mohmi, “Lyanko niike nunu, Saimon Bar-Jona! Asiialyo la ai nyi siika simi kakiñ make niimi, hojalo ngiika Aba ke huna dariiganda ho dunii.

METHU 11:27

Kapane drih atañhii Aba ka ngiimi biniiñke, ho kone hetḛr chima Oho mi Aba kontiisii, ho kone hetḛr chima Aba mi Oho kontiisii ho humina Oho kahetiinii hiimi mo kakiñ du.

HIBRU 11:13

Hikha siika atañsi henje ho shiitii, niihna hemme bitii nii hiimi kapa mapa, hojalo hiimi kapa tela ho hiimi adho hokiila ayahelyi lute hela, ho hiila chintii hekula mohlu kiiddiapiñ so nyibo ho dulya lasu hiila.

ROM MIKA POL KA SIITI KENIIÑ 1:15

hopa ngo ayapuyu mi tonsḛrkhenyo nando nunu mitrḛ hutiina Rom ho dunii.

MIINIIÑ 16:10

Ho mo mihu kapa lala, nyibya loda ngunu Masedonia ho indupa miidu, hiila hela Pinii ngunumi gyodo ke ayapuyu mi mohlumi luko kiine dupa.

MIINIIÑ 10:44

Pitar ka siimi lula dorañpa, Darii Yajiyallo miilañruko huhitii hutiina aguñmi tala dotiinii.

MIINIIÑ 8:25

Siisi mohlu pyakotiiku ho Attoh ka aguñmi luku lala, mohlu Jerusalem ho chakur tiiku, ayapuyu mi abuje Samaritan atañka lemba ho tonsḛr biidola.

MIINIIÑ 4:31

Ho mohlu kuja dakele, nohna mohlu tonge pa dakuñla datiinii hii apyu ritii; ho mohlu hikha Darii Yajiyallo giitii ho Pinii ka aguñmi haro biidola lukotii.

MIINIIÑ 4:8

Ho Pitar, Darii Yajiyallo giitola, mohlumi lutii, “Miyu atañ la amiabañ mika sangii atañ,

1 TIMOTI 3:16

Jije Kahe, ngunu khakodu, michilamanii ngunu henjeniimi: Mo asiialyoho kakiñ kotii, yajiyallo ho diigolugo giimatii, miidopopi atañlo kapa kotii, miyuatañ ka punkoho tonsḛrkhenyo kotii, henje kotii dohadoloso, tatukatu dopa chagii kotiiku.

1 PITAR 4:6

Siika sipa niihna ayapuyu mi tonsḛrkhenyo tiinii shiinii miilañmi, niimpalukoda asiialyo mi miyu mika hanchañ ho halii siitii jalo, mohlumi yajiyallo ho Pinii chuli sanke nendupa.