1 KORINTIA 8:9 - NITI GONTU N.T. (BSI)

⁹ Hendi laya hendito hiilamakoda siika niimika atoh henko miila dopaka biniiñsi niitañpajalo ajju nii atañmi liichi dopa lya lyigii kendoke.

1 KORINTIA 8:9 ပူးပေါင်းရင်းမြစ်များ

GELESIA 5:13

Niimpalukoda nunumi dasḛrkiine dupa hiila gyotii, anubarmii atañ; nunuka dasḛr mi nunuka asiialyo ka miigopa miina nayo, hojalo hensuniilo kone anya ka miira pa lyisuto.

1 PITAR 2:16

Dasḛr miyu hiilyañ santo, hojalo nunuka dasḛr mi diimmah miiju mi miigiñ naniiñpa biite mapa; hojalo Pinii miira hiilyañ santo lya.

2 PITAR 2:19

Mohlu mohlumi dasḛrmi hemme bisudo, hojalo mohlu atohlya diimu niika miirapa lyinyada; niimpalukoda nii jalo miyumi miimiñ biido, hiika mo miira pa lyida

1 KORINTIA 10:24

Hopa kone hetrḛ mo atoh ka aya kiipa meyo, hojalo mohka ariapii ka aya kiipa.

1 KORINTIA 10:32

Ahiare miipayo Jew atañmi malo Grik atañmi malo Pinii ka gyoliñkonii mi,

1 KORINTIA 9:22

Ajju agiñho ajju mondu, ngo ajju mi lumiñ biidupa. Ngo hikha drihpa lyidu hikha miyu atañpa, niimpalukoda ngo hikha miina naniiñlo tange mijalo lyangur dupa hiila.

1 KORINTIA 8:12

Hopa, nunu anubarmii atañmi ingyamiigya dokoda mohluka henju mika une agii niisi mohluka ajju laka doho ho, nunu Kristo mi chekho la ingyamiigya do.

1 KORINTIA 8:10

Niimpalukoda mi kone matiirḛ niimi kapa dokoda, chiniiñ miyu, puchiniika piniiude ka diitananii ho, ajubo hiimi kala la haro kemasa, mohka henju matiirḛ ajju dokoda, puchinii mika diigo biniiñ mi diido koda?

MIHUKAKIÑNIIÑ 2:14

Hojalo ngiiko drih tongedo nii pana nunumi hadii donii: nunuko tongeda huna tadonii Balam ka tonsḛr niimi, huna tonsḛr tiinii Balak mi miitiñ tote hiila Isrel ka oho atañka hataho, niimpalukoda mohlumi diike nendupa diigo nii mina puchi niimi membi tiinii ho helyihembyo miijumi miike nendupa.

2 KORINTIA 11:21

Ngiika hiinyañsi, ngo luchi loda, ngunu uro haja ajju doke siika atañpa! Hojalo niijalo kone abi henyada khansu dupa-ngo piicha hiilyañ pake lulyi nii-ngo tiirḛ khansu siila kendo hiipa.

1 KORINTIA 10:29

Ngiika lusa niisi mohka henka kiipa, niikii mapa-hiimi diilya yo.) Niimpa ngiika dasḛrpaka danii mi kone yaka heniiñ lo luko kochi?

ROM MIKA POL KA SIITI KENIIÑ 15:1

Ngunu hutiina alḛr nyadonii hembyuñ kendoke ajju atañmi, ho ngunu kontii hempyo miipa siikiñ make;

METHU 18:10

Henditolya no siika atu kone mitrḛ khiima pama miilyayo; niimpalukoda ngo nunumi lukoso dariiganda daka mohluka miidopopi atañ kiirañ dariiganda hoka dunii boka Aba ka nyimo mi kalada.

1 KORINTIA 10:28

(Hojalo mi kone matiirḛ niimi lulyi milo, “Siikasi membi koho hoka biniiñ,” hokoda hiika miyu pa henka biidola huna nunumi luko tiinii, ho henkanii kiipa

2 KORINTIA 6:3

Ngunu kone katrḛ lembo ho miitiñmiiko ma, niimpalukoda ngunuka miigolugo ho hang miikha lukhanii kapa madopa,

2 KORINTIA 11:29

Hu ajjudo, ho ngo ajju ma ehna? Humina huhi dopa miibii nenii, ho ngo hadiima ehna?

KOLOSIA 2:8

Hendi nyatolya siimi kone lotrḛ nunu pigii kolyayo mohluka henjumiiju ho surudonyo lo, miyumima ka miijulujulo, siichañmiido mika sangii yajiyallo lo, ho niihna Kristo ka miiju manii.