1 KORINTIA 6:9 - NITI GONTU N.T. (BSI)

⁹ Nunu chimapo ingyamiigyanii miyuatañ Pinii ka raddeganda mi peñko kema hiila? Talubalo koyo; ingyamiigya henju henii tiirḛ, puchiniimi ka herii botrḛ malo ipfyo nii hiitiirḛ, malo ahiñsiiniika ipfyo botrḛ,

1 KORINTIA 6:9 ပူးပေါင်းရင်းမြစ်များ

1 KORINTIA 6:10

malo diipyonii, malo diibuñ, malo ow taniibo, malo cheriibo, malo rorebo hii Pinii ka raddeganda mi peñko kema.

MIHUKAKIÑNIIÑ 22:15

Ago ho danyada akie atañ ho ashumiinii atañ ho datuapu punii atañ ho miyu menii atañ ho puchiniimi ka heriinii atañ, ho kone abi hutiina hembyo nyadonii ho miinyadonii amuhdrih atañmi.

MIHUKAKIÑNIIÑ 21:8

Hojalo biiso bopa, henje giima bopa, miibḛrmiilyi koniibopa, miyu menii atañpa, datuapu punii atañpa, ashumiinii atañpa, puchiniimika heriinii atañpa, ho hikha gollubo atañpa, mohluka dusa kohii siimie hoke nohna lyala donii yamu la sulphur nyi, hiikahii ronye niipaka shiitiniiñ.”

1 KORINTIA 6:19

Nunu chimapo nunuka apo hii Darii Yajiyallo ka piniiude hiila, nii mina nunu Pinii kokii larii tiinii? Nunu atoh kiisu kuma ke;

1 KORINTIA 5:10

hikha siika dohadolo si helyihembyo henii hiila make, malo diibuñbo rorenii, malo puchiniimi ka heriinii, hiila koda nunu dohadolo hokii ago limpa dopa lyikiñdo.

HIBRU 13:4

Mihie-millo lasuniimi miilañruko khiitolya, ho mihie millo lasu lyiho hoka dota naniimi miibḛr lyayo; niimpalukoda Pinii halii kendoke ayamanii henju la ipfyo bomi.

ROM MIKA POL KA SIITI KENIIÑ 1:18

Niimpalukoda Pinii ka hadii hii yapuñ hokii kakiñ kendo hikha henjemanii atañ la diimmah miyu atañmi hutiina mohluka demma lo jijemi nampi biidonii.

HIBRU 12:14

Hikha miyuatañ agiñho chimie mi meto, ho darii hii nyimapa kone hetrḛ Attoh mi kapa lakiñma.

1 KORINTIA 15:50

Ngo siimi nunumi lukodu, anubarmii atañ: asiialyo la ai nyi Pinii ka raddeganda mi penko lakiñma, malo lyula sanii hii penko lakiñma lyula sama niilo.

1 KORINTIA 15:33

Talubalo koyo: “diimmah ajiñhii denki henju mi miipya lodo ke.”

1 KORINTIA 3:16

Nunu chimapo nunu Pinii ka piniiude hiila ho Pinii ka Yajiyallo nunuko dudu hiila?

HIBRU 12:16

kone mitrḛ kalyikabyo malo Isau kii hiilyañ piniihenju mi heriimanii pa dake neyo, huna apiñ purepa pyudo siibii donii mohka oho abañ hiila khiiko saniiñmi.

METHU 25:34

Ho Radde mohka lahbi dalyi hoka danii atañmi lukiñdo, Ahto, ngiika Aba ka Lyaniiñ atañ, nunupaka dohadolo mika pulyi jaho hokii ka miimyo tola donii raddeganda mi labii heku;

1 KORINTIA 5:1

Siikasi jijemi ludo koda hiila lukodo nunuka punkoho ingyamiigya henju hii do, ho hiitañje nii mina khiibemiyu kotrḛ ya kapa ma; niimpalukoda miyu hii dubo da aba ka mihie agiñho.

JEMS 1:16

Talubalo koyo, ngiika heniiñja anubarmii atañ.

1 KORINTIA 9:24

Nunu chimapo harka siiko ho kone abi kone mi hargo dupa hadu hiila, hojalo kone sii ahmiñayiñ mi labii siidu nii hiila? Hopa hiila harto no hiimi labii dupa.

METHU 19:29

Ho kone abi huna ude malo anuabañ malo barmii malo aba malo annii malo himme malo ganda nencha, ngiika armyañ kiipa apatiinii, hii lange abuyapa pasi kendo, ho santḛrlamanii sango mi kappa kendota.

MIINIIÑ 24:25

Ho mo ahiñ paka heniiñmi, ho hendimiidi ho piijo daka ayakacho kasa niimi cherii kiile, Felix herilala ho lutii, “Siisi ingeku; niida ngiiko myodu dochi ngo niimi gyochike.”

LUK KA AYAPUYU 21:8

Ho mo lutii, Hendi tolya nunu ngogii kote mapa; niimpalukoda abuje ngiika armyañ pa ahkiñ doke, lubiidola, “Ngoke hii! ho, ‘myodu tunii dokuke!’ Mohluka kiiliñ ho ilya yo.

MIINIIÑ 20:32

Ho siisi ngo nunumi Pinii mi lubii lyikuke ho mohka aroh-aya aguñlo, niihna nunumi sangii kendonii ho nunumi pendokupa hikha nunumi hutii mina darii miitii kunii.

1 KORINTIA 5:11

Hojalo ngo hiila yake kebii lyinii nunumi iche hetrḛ dabo yayo kone katrḛ agiñho huna anubarmii ke hiila lubiidola mo matiirḛ miigyala ingyamiigya henju hendo milo malo diibuñ, malo puchiniimi ka heriibo, nyapakoya bo, ow taniibo, malo rorebo-hiika agiñho diibo tiirḛ diibo yayo.

1 KORINTIA 6:18

Helyihembyo mi apato. Kapane ingyamiigya miyuka miiniiñ hii apo ka ago hosu; hojalo helyihembyo henii miyu mohka atoh apo misu ingyamiigya siidanii.

2 KORINTIA 12:21

Ngo biisodo niida ngo hiira ahchi ngiika Pinii ngiimi nunuka hataho chimie dopa miilyi do hiila, ho ngo abujepa heru kendo hutiina kapyo ho ingyamiigya la danenii ho hutiina henkur nyamanii miibḛrnii hokii, hensamanii heniiñ hokii, kachotanii nii mina mohlu miinyatiinii.

GELESIA 6:7

Talubalo koyo; Pinii mi soku ngarkala miikiñma, niimpalukoda niijalo miyu lilo talyi, hiimi sii mo pikiñ siido nii.

KOLOSIA 3:5

Mentoku, niihna kiiddiapiñ kii nunuko giidonii: datuapu, miibḛrnii, helyihembyo, diimmah henju, ho kalyikabyo, niihna puchiniimi ka heriinii.

1 JON 3:7

Himme atu atañ, kone lotrḛ talubalo koyo. Mo huna miidikomi miidonii hii denki ke, niihtañpa mo denki.