1 KORINTIA 4:6 - NITI GONTU N.T. (BSI)

⁶ Ngo hikha siika atañ siimi miitii ke Apollos ngiinyi ko nunuka aya sakopa, anubarmii atañ, niimpalukoda nunumi ngunu kokii chingiila keto laka doniiñ hokiila ago lima yapa, kone mi hentii biila kone mi khiipa mado pa.

1 KORINTIA 4:6 ပူးပေါင်းရင်းမြစ်များ

2 KORINTIA 11:4

Niimpalukoda mi kone matiirḛ ahbiila ho ngunuka tonsḛrkhenyo nii hokii Koneya Jisu mi tonsḛrkhenyo dokoda, malo nunu matiirḛ koneya yajiyallo mi larii dokoda nunuka kone lakunii hokii, malo nunu matiirḛ ponsa ya aya puyu mi talii mondo koda nunuka talii kuniiñ hokii, nunu siimi talii tiiku khepa.

2 KORINTIA 12:19

Nunu hiila ha hendunii ngunu atohmi lupya siido nunuka hataho hiila? Siikasi Pinii ka kataho ngunu Kristo ko ludu, ho hikha rusi nunuka ayakiipa, ngiika anubarmii atañ.

2 KORINTIA 12:6

Ngo matiirḛ khansu nando jalo, ngo piicha kemake, niimpalukoda ngo jije mi luchi. Hojalo ngo hiimi miima apa biilyi kuke, niimpalukoda kone mitrḛ abu yapa ngiimi hema dopa huna ngiimi mo kapa tiinii malo ngiiko hokii tapa tiinii.

KOLOSIA 2:18

Konelotrḛ nunu khiipa kolya yo, khiiliila atohpaka-taliilaka miiniiñmi ho miidopopi mika herii laka miiniiñmi, mohluka nyibuheniiñ mi lutiñ nambiidola, butelindu hang lukosanii giimapa mohluka asiialyo ka henjulo,

1 TESOLONIA 1:5

niimpalukoda ngunuka ayapuyu nunuko aguñpa kontii ahma, hojalo harchichike ho Darii Yajiyallo ho poteje luniiñtalii niika agiñho. Nunu chindo ngunu niihtañ miyu hiila kakiñ siitii nunuka punkoho nunu kiipa.

ROM MIKA POL KA SIITI KENIIÑ 12:3

Niimpalukoda ngiimika aroh-aya biniiñ lo ngo nunuka punkoho kone abimi lubii lyike niimkane no henkiñdo hiimi uroyapa attohmi kaye pa hensu lyayo, hojalo hendiko jaho ayakacho mi katolya, kone abi niimkane Pinii mohmi henje bitii.

2 KORINTIA 10:7

Kato niihna niika amee ka hataho donii. Mi kone matiirḛ jije ngo Kristo ko da hiila hensu dokoda, hiimi atohmi hempa siido pa miito niihtañpa mo Kristo ko da, hiichulipa ngunu tiirḛ dake hiila.

2 KORINTIA 4:15

Niimpalukoda siikasi hikha nunu kiipa ke, aroh-aya mi abu yaya miyu ko doke nendupa payapacho luniiñmi, Pinii ka tatukatu pa.

1 KORINTIA 8:1

Siisi puchinii mika diigo biniiñ piigo mi: ngunu chindo, “hikha ngunu chiniiñmi giido.” “Chiniiñhii” hentii giila pyagii do, hojalo hensunii hii hata chagii do.

1 KORINTIA 5:6

Nunuka khansuniisi ayamake. Nunu chimapo ipo penyo pere hii hikha aphu mi lyigii du hiila?

1 KORINTIA 3:19

Niimpalukoda siika dohadolo ka chiniiñhii Pinii pa piigoama, Niimpalukoda hiila ketola do, “Mo chila mi latudu mohluka lyolyi ho,”

2 TIMOTI 2:10

Hopa ngo kapane drih mi pigiidu kahe koniikiipa, niimpalukoda mohlumi tiirḛ sangopyako mi pake nendupa Kristo Jisu ko lyulasamanii tatukatu ka agiñho:

2 KORINTIA 10:15

Ngunu heleyala hentii siima ke, khiibemiyu ka miigo miiniiñ ho; hojalo ngunuka hentiñ hii hiisuke nunuka henje abuyalyi ho, ngunuka miigo nunukoka doniimi uro yapa kahe kiine dupa,

2 KORINTIA 10:12

Hiilamake ngunu mohluka ahiñpa lyidupa malo atohmi khiitiñ siila tonge ka agiñ hutiina atohmi assañ siidonii. Hojalo niidana mohlu kone anya mi khiika siichinii, ho kone anyañ mi khiitiñ siichinii, mohlu hang chimapa.

1 KORINTIA 13:4

Hensu hii ahhakeyiñ niike ho helakala ke; hensu hii kariñsiiniiñ make malo khansu niima ke;

1 KORINTIA 9:23

Ngo hikha siika atañ siimi ayapuyu kiipa siike miisu dunii, niimpalukoda ngo hiiko hokii lyaniiñ mi tache kodupa hiila.

1 KORINTIA 5:2

Ho nunu hentii siinya da! lusudokoda nunu heru laya heru kema siipeha? Huna siimi miidonii hiimi nunuka punko hokii nempa linto.

1 KORINTIA 3:21

Hopa kone hetrḛ hentii siinyayo miyu atañka miila niipa. Niimpalukoda hikha drih hii nunu kiisu ke,

1 KORINTIA 1:31

hopa, hiila keto laka doniiñ hiilyañpa, “Huna khansu donii, Attoh paya khanto.”

1 KORINTIA 1:19

Niimpalukoda hiila ketola do, “Ngo chilamiyu ka chiniiñmi pyadu lochi, ho piibimiyu ka piibi mi ngo lapa yachi.”

1 KORINTIA 1:12

Nii hiila ngiika lusa niisi hiikoda kone abi nunu hiila ludo, “Ngo Pol kiisu,” malo “Ngo Apollos kiisu,” malo “Ngo Cepas kiisu,” malo “Ngo Kristo kiisu.”

MIINIIÑ 18:24

Siisi Jew miyu Apollos hiila, Alejandria hoka dunii, Ipisia ho ahtii. Mo hempḛr lula miyu kone, piniipota atañ mika chiniiñ.

MIINIIÑ 19:1

Apollos ka Korint hoka daho, Pol ayoh dalyi ka ganda mi impobiila ho Ipisia ho ahtii. Hiiko mo henjeajiñ tonge kappatii.

2 KORINTIA 12:20

Niimpalukoda ngo biisodo ngo ahbiila nunumi ngiika heniiñ hiilyañ mapa kapa tama byopeha hiila, ho nunu ngiimi nunuka heniiñ hiilyañ mapa kapa tama byopeha; hiilakoda hiiko pasugasu dokiñdo, kariñsiiniiñ, hadii, chahi, nipasiiniiñ, biicho, hentiisiinii, ho luniiñtasumanii.