1 KORINTIA 4:5 - NITI GONTU N.T. (BSI)

⁵ Hopa iche hetrḛ ayakacho kaniiñmi lulya yo myodu ahma rampa, Attoh ka ahma rampa, huna hutoh mi ahgii kendo nii siisi ka kamo hoka drih achuñ tola donii atañpa ho luko kendo ahha hoka heniiñ atañmi. Ho hikha miyuatañ kapa kendo mohluka heniiñmi Pinii kokii.

1 KORINTIA 4:5 ပူးပေါင်းရင်းမြစ်များ

JEMS 5:7

Ahhakeyiñ nyato, hopa, anubarmii atañ, Attoh ka amiñ dayemi. Kato, aji miinii atañ kalya nyadu khiiniiñ ahee kiiddiapiñ hoka hiliñ niimi, ahhakeyiñ la kalya biilyadu nii dahepa nyibya ho kami paka miido huniiñ hii hutema.

2 KORINTIA 5:10

Niimpalukoda ngunu miilañru Kristo ka ayakacho kako duko ho ahkiñdo loda, niimpalukoda kone abimi aya malo ayamanii mi larii kiine dupa, niihtañ pana mo miitiinii mohka apo ho.

1 KORINTIA 3:13

kone abika miigo miiniiñmi kakiñ kendo; niimpalukoda Allo hii hiimi lokiñ kendo, niimpalukoda hiika hiimi yamulo yakiñ kendo, ho yamu hii yaka kendo niihtañ miigona kone abi miitiinii hiila.

HIBRU 4:13

Ho mohka hataho hikha pukonii kone tiirḛ achugiila kema, hojalo hikha rumi miiko tola arapa do mohka amee kata ho huka agiñ hona ngunu luko siido pa lyikiñ donii.

2 KORINTIA 10:18

Niimpalukoda siikasi miyu make huna atohmi assañ siidonii taliitiiku hiila, hojalo humina Attoh assañdonii.

ROM MIKA POL KA SIITI KENIIÑ 2:16

hiika allo ho niidana, ngiika ayapuyu luniiñ pakoda, Pinii halii kendo hensi laka miyu ka heniiñmi Jisu Kristo kiilo.

ROM MIKA POL KA SIITI KENIIÑ 2:1

Hopa nunukii lugii sanii nyimake, miyu, hujalopa nunu, nunuka mi mika halii lyiho; mohmika ayakacho kalyiho no atohmike khiilii siidonii, niimpalukoda no, haliibo, hiika drih atañ misu miisu danii.

MIHUKAKIÑNIIÑ 20:12

Ho ngo kapato shiinii mi, kaye atu nyimi, raddeduko ka hataho dapa, ho kheta atañmi beko biine. Hiira kheta taheyami beko biine, hiikahii sango ka kheta. Ho shiinii atañmi halii biine nii hiila na kheta atañ ho ketola donii, niihna mohlu miitiinii.

1 PITAR 1:7

niimpalukoda nunuka jije henje kopa, ayyiñ mitrḛ ka khiiniiñya niihna lyukiñ siido tiirḛ yamu lo yaka kodu, hiika miijohii assañ giiko ladopa ho tatukatu ho khiikonii Jisu Kristo ka kakiñ lyikuho.

ROM MIKA POL KA SIITI KENIIÑ 2:29

Mo Jew huna ura hokiila aya donii, ho jije mitupikonii hii ahha hoke donii, yajiyallo hoke ho keto laka donii make. Mohka assañ nii hii miyu kokii make hojalo Pinii kokiike.

2 KORINTIA 4:2

Ngunu hiinyañmohi mi apatiiku, miisilaka miigo miiniiñmi; ngunu surudonyo lembo mi apatiiku malo Pinii ka aguñmi miibḛr miilyi ma, hojalo jije lugo mi ngunu atohpa lubii dola miyu kone abika henju mi Pinii ka hataho atii bidu.

ROM MIKA POL KA SIITI KENIIÑ 14:4

No hu ayakacho kaniipa lyido mika miira mi? Siikasi mohka atoh ka hata hosu lyikiñ siidonii mo dakiñ doha malo huyi kendoha. Ho mohmi seri kendo, niimpalukoda Atoh mohmi guriladopa miila kendo.

JON KA AYAPUYU 5:44

Niihtañpa nunu henje lakiñdo, huna kone anyañ ka assañ niimi larii siila ho Pinii kokiika assañdiilañ ahnii miya menya mapa?

JEMS 4:11

Kone anyañmi anyamapa lusu nyayo, anubarmii atañ. Mo huna anubarmii mi ayamapa ludonii malo haliidonii mohka anubarmii mi, dapo mi chekhola ayamapa ludo ho dapo mi haliido. Hojalo nunu matiirḛ dapo mi halii dokoda, nunu dapomi miiniipa lyima hojalo haliinii.

LUK KA AYAPUYU 6:37

“Haliiyo, ho nunu mitrḛ halii kemake; khiipayo, ho nunu mitrḛ khiipa kemake; helloto, ho nunu mitrḛ hello kendoke;

METHU 24:46

Lyanko kendo hiika miira hii humina mohka atoh ahkur lyikuho miigo miila dopa kappa kendonii.

MIHUKAKIÑNIIÑ 1:7

Kato, mo jomiika agiñho ahla do, ho kone abika amee mohmi kapa kendo, hiika atañ lohepa huna mohmi niikhii tiinii; ho hikha kiiddiapiñ daka halugiira atañ heru kendo mohkiipa. Hiipa tiirḛ. Amen.

1 PITAR 5:4

Ho niida akhoja Subuñ sornii ahchiku nunu lyula masanii tatukatu ka tahiñ byopa mi pakiñ dokuke.

1 TESOLONIA 5:2

Niimpalukoda nunu atoh aya loda chindo Attoh ka allo hii diipyoniika ayoh hoka ahchañ ho ahkiñdo hiila.

JON KA AYAPUYU 21:22

Jisu mohmi lutii, “Ngiika henko matiirḛ lyido koda mo ngiika ahlyi ku lohepa dalya dokoda, hiimi no niihpa? Ngiimi imbo monto!”

2 PITAR 3:4

ho lubiidola, “No do hemme biniiñhii mohka ahkur saniiñmi? Niimpalukoda ngunu aba atañ shiisu neku tiirḛ, hikha drih atañ hiira pasu dosudonii puliñ bii jahohokii.”

METHU 25:23

Mohka atoh mohmi lutii, Aya miitii, denki ho lotii miira; no eche mitrḛ lotii biida, Ngo niimi abujemi kabii kiine talyi; kiije ahto niika atoh ka hempyo sokoso.

JUD KA SIITI KENIIÑ 1:14

Siika drih kiipa tiirḛ Enok Adam kokiila kanunii santuñ bo nyibuhentii, lubiidola, “Kato, Attoh ahla do mohka hempḛr toro darii miidopopi atañ agiñho,

2 PITAR 3:12

kalyala dula Pinii ka ahsanii allo mi nyibya ahdo kupa, nii pana yapuñmi lyakiñ donii ho jeyi kendonii, ho drih atañ yamu agiñho jikiñdo!

1 KORINTIA 15:23

Hojalo kone abi atoh ka myoduho: Kristo ahee hipyoja, hiikahiiba ho mohka ahlyi kuho hutiina Kristo kiinii.

1 KORINTIA 11:26

Niimpalukoda niimkane kiirañ nunu diichi siika yatañ siimi ho tanchi siika turla siimi, nunu gyukodo Attoh ka shiiniiñ mi mohka ahku menda hemi.

1 KORINTIA 1:7

niimpalukoda nunumi yajiyallo ka ahmiñayiñ ho papo kiine diila hiila, ngunu Attoh Jisu Kristo mika kakiñ siiniiñmi nunuka kalyala doho;

ROM MIKA POL KA SIITI KENIIÑ 2:7

hutiina pigiibiidola aya miigo miibii dola medonii tatukatu mi ho khiiniiñmi ho lyula sama niimi, mo santḛrlamanii sango bikiñdo;

METHU 24:30

hiikahiiba ho miyu ka Oho ka kagiñnanii hii yapuñho dari kendo, ho hikha kiiddiapiñ daka halu atañ heru nyakiñdo, ho mohlu miyu ka Oho mi yapuñ daka jomii ho harchichike ka agiñho huda khada ahla doniimi kappa kendo;

1 KORINTIA 3:8

Mo huna ali donii ho mo huna yasie bidonii ahiñ siisu, ho kone abi kapa kendo atoh ka miijo mi niihtañ mo miitii.

METHU 25:21

Mohka atoh mohmi lutii, Aya miitii, denki ho lotii miira; no eche mitrḛ lotii biida, Ngo niimi abujemi kabii kiine talyi; kiije ahto niika atoh ka hempyo sokoso.

METHU 10:26

Hopa mohlumi biiso lyayo; niimpalukoda hang kone tiirḛ lapiñ tola atii kemake kakiñ mapa, malo achuñ niimi chimapa miikiñ make.

JON KA AYAPUYU 21:23

Luniiñsi hikha adhoganda anubarmii miilañ tapa tii siika henjeajiñ shiikiñma hiila; hojalo Jisu mohmi no shiikiñma hiila lumatii, hojalo, “Ngiika henko matiirḛ lyido koda mo ngiika ahlyi ko lohepa dalya dokoda, hiimi no niihpa?”

1 KORINTIA 3:14

Miigo miiniiñ matiirḛ miyu kone kii jalo liidi racha ko dola dokoda, mo injomiijo mi kapa kendoke.

1 KORINTIA 11:16

Mi kone matiirḛ siimi talii makoda, ngunu yohe ya miiju miima ke, malo Pinii ka gyoliñkonii atañ tiirḛ.

JEMS 5:9

Budubude nyayo, anubarmii atañ, kone anyañmi chekho siila, nunu halii koma dopa, kato, ayakacho kaniibo alyeh si daku.

2 KORINTIA 10:9

Ngo nunumi siiti lo biiso muluñpa miima ke.