1 KORINTIA 3:16 - NITI GONTU N.T. (BSI)

¹⁶ Nunu chimapo nunu Pinii ka piniiude hiila ho Pinii ka Yajiyallo nunuko dudu hiila?

1 KORINTIA 3:16 ပူးပေါင်းရင်းမြစ်များ

1 KORINTIA 6:19

Nunu chimapo nunuka apo hii Darii Yajiyallo ka piniiude hiila, nii mina nunu Pinii kokii larii tiinii? Nunu atoh kiisu kuma ke;

2 KORINTIA 6:16

Niitañpa talii lakiñdo Pinii ka piniiude hii miichi niika agiñho? Niimpalukoda ngunu turnii Pinii ka piniiude; Pinii hiila lutii, “Ngo mohluka agiñho dubo monchi ho mohluka agiñho imbo monchi, ho ngo mohluka Pinii, ho mohlu ngiika miyu.

ROM MIKA POL KA SIITI KENIIÑ 8:11

Hiika Yajiyallo matiirḛ nunuko giido koda huna Jisu mi shiinii hokii turdo miibii nenii, mo huna Kristo Jisu mi turdo pa miitiinii hii bikiñ doke sango niika shiinii apo ho mohka Yajiyallo niihna nunuko giidonii

JON KA AYAPUYU 14:17

jijeka Yajiyallo tiirḛ, humina dohadolo si larii lamanii, niimpalukoda mohmi kapa lama malo mohmi chinya ma; nunu mohmi chindo, niimpalukoda mo nunuka agiñho da, ho nunuko giikiñdo.

ROM MIKA POL KA SIITI KENIIÑ 8:9

Hojalo nunu asiialyoho damake, nunu Yajiyallo hoke danii, jijeloda Pinii ka Yajiyallo matiirḛ nunuko giido koda. Hujalo kone Kristo ka Yajiyallo mi giima hii mohkiima ke.

1 PITAR 2:5

ho turnii yalañ chuli nunu atohtiirḛ pencha siito yajiyallo udemi, darii nyibupa, yajiyallo ka membi niimi bidupa nii mina Pinii lariidonii Jisu Kristo kiilo.

2 TIMOTI 1:14

jijemi dagurbiito nii mina niimi kabiidopa bitiinii Darii Yajiyallo huna niika ura ho dunii.

HIBRU 3:6

hojalo Kristo lotii tii Pinii ka ude ho oho pa lyila. Ho ngunu mohka ude ngunu matiirḛ ngunuka hatii la hentii nyimi biitola dukoda ngunuka hentiñho.

1 JON 4:12

Miyu kone hetrḛ Pinii mi ronge tiirḛ kapama; ngunu matiirḛ kone anyañmi hensu dokoda, Pinii ngunu ko giige tola do ho mohka hensunii digoabiaya giido ngunu ko.

ROM MIKA POL KA SIITI KENIIÑ 6:3

Nunu chimapo hikha ngunu miilañru hutiina Kristo Jisu ko baptisma latii kunii hii mohka shiiniiñ ho baptisma latii hiila?

1 KORINTIA 9:24

Nunu chimapo harka siiko ho kone abi kone mi hargo dupa hadu hiila, hojalo kone sii ahmiñayiñ mi labii siidu nii hiila? Hopa hiila harto no hiimi labii dupa.

1 KORINTIA 9:13

Nunu chimapo hutiina piniiude ho miiho niipa atii tiinii mohlu mohluka diigo piniiude hokii diikiñdo hiila, ho hutiina agyañ ho miiho donii hii membilaka biniiñ hokii diiche monkiñdo hiila?

1 KORINTIA 6:9

Nunu chimapo ingyamiigyanii miyuatañ Pinii ka raddeganda mi peñko kema hiila? Talubalo koyo; ingyamiigya henju henii tiirḛ, puchiniimi ka herii botrḛ malo ipfyo nii hiitiirḛ, malo ahiñsiiniika ipfyo botrḛ,

1 KORINTIA 6:16

Nunu chimapo huna pfyoari boka agiñho dobo donii hii mohka apo konepa lyita mondo ku hiila? Niimpalukoda, hiila ketola do, “Anye hii apo konepa lyikiñdo.”

1 KORINTIA 5:6

Nunuka khansuniisi ayamake. Nunu chimapo ipo penyo pere hii hikha aphu mi lyigii du hiila?

JEMS 4:4

Lotiimanii pukonii atañ! Nunu chimapo dohadolo mika ajiñ niisi Pinii ka ahha-banii pa lyido hiila? Hopa hu jalopa dohadolo mi ajiñ talyi hii atohmi Pinii ka ahha-banii pa miisu do.

ROM MIKA POL KA SIITI KENIIÑ 6:16

Nunu chimapo nunu matiirḛ konemijalo atohmi bilii siido koda luniiñ taniibo miirapa, nunu hiika miira ke huka luniiñ mina nunu tadonii, ingyamiigya ka, niihna shiigo ubu ho ingii donii, malo luniiñtanii kii ha, niihna denki dalyiho pagii donii?

1 KORINTIA 3:9

Niimpalukoda ngunu Pinii ka miigo miihiñ ahiñ; nunu Pinii ka aji, Pinii ka ude.

1 KORINTIA 3:17

Hu kone jalopa Pinii ka piniiude mi pyadu lochi, Pinii mohmi pyadu lokiñdo. Niimpalukoda Pinii ka piniiude hii dariike, ho hiika piniiude hii nunu ke.

1 TIMOTI 3:15

ngo matiirḛ dahii lyimilo, nunumi chinke nendupa niihtañ pana kone Pinii ka ude ho miikiñpakiñ donii, niihna turnii Pinii ka gyoliñkonii nii, rali ho jije ka batiñ pa lyidonii.