1 KORINTIA 3:12 - NITI GONTU N.T. (BSI)

¹² Siisi mih kone matiirḛ pencha dokoda liidi racha biila rupu, ayyiñ, khiiniiñ yalañ, yasañ, liisi, tapo hokii

1 KORINTIA 3:12 ပူးပေါင်းရင်းမြစ်များ

2 TIMOTI 4:3

Niimpalukoda myodu si ahlyi ke niidana miyuatañ jije tonsḛr niimi ya pigii tamanii, hojalo mohluka yaroo ahah tanañlo mohlu atohpa mohlumi ka lukonii tonsḛrbo kahe siibii kendo mohluka tana nii hiilya luko kodupa,

2 TIMOTI 3:7

huna kone abika luniiñmi takiñ donii ho pema jije ka chiniiñ ho ahchi kema.

2 TIMOTI 2:20

Ude pero ho piichañturla rupuayyiñ hokii kontii domake hojalo yasañ ho dekiñ hokii tiirḛ dodu, ho tonge hii aya miigo miina naniipa, tonge hii ayamaniipa.

MIHUKAKIÑNIIÑ 21:18

Tarsi hii jasper yalañ hokii putii, ho citi hii didḛr ayyiñ hokii, sisa mitrḛ dariiya.

MIHUKAKIÑNIIÑ 3:18

Hopa ngo nunumi yardu ngiiko hokii riito yamu loka nitimiikunii ayyiñ mi, niimpalukoda nunu mingo dupa, ho puloo pulye nunu atohmi ahgii siidupa ho nunuka ahuara hiinyañ saniiñmi achuñ giidupa, ho diiro nunuka amee ho nesu dupa, niimpalukoda nunu kapa dupa.

1 PITAR 1:7

niimpalukoda nunuka jije henje kopa, ayyiñ mitrḛ ka khiiniiñya niihna lyukiñ siido tiirḛ yamu lo yaka kodu, hiika miijohii assañ giiko ladopa ho tatukatu ho khiikonii Jisu Kristo ka kakiñ lyikuho.

MIHUKAKIÑNIIÑ 2:14

Hojalo ngiiko drih tongedo nii pana nunumi hadii donii: nunuko tongeda huna tadonii Balam ka tonsḛr niimi, huna tonsḛr tiinii Balak mi miitiñ tote hiila Isrel ka oho atañka hataho, niimpalukoda mohlumi diike nendupa diigo nii mina puchi niimi membi tiinii ho helyihembyo miijumi miike nendupa.

HIBRU 13:9

Ngogii kolya yo ponsa ponsa tonsḛr niilo; niimpalukoda siikasi aya doke ahha mika aroh-aya loka alḛr miiko niisi, diigo loma ke, niihna hang aya giimanii mohluka dupur kone mi.

2 TIMOTI 3:13

diimmah miyuatañ la surudonyo atañ diimmah hokii diimmah yaya kendo, gollunii ho gollu kokiñdo.

1 TIMOTI 6:3

Hu konejalopa matiirḛ tonsḛrdonii yoheya ho taliimomapa ngunuka Attoh Jisu Kristo ka aguñ atañ agiñho ho tonsḛrnii piniisanju ho,

KOLOSIA 2:8

Hendi nyatolya siimi kone lotrḛ nunu pigii kolyayo mohluka henjumiiju ho surudonyo lo, miyumima ka miijulujulo, siichañmiido mika sangii yajiyallo lo, ho niihna Kristo ka miiju manii.

2 KORINTIA 2:17

Niimpalukoda ngunu hiilama, niihtañ abuje miinyada, Pinii aguñ mika kiiridudobo; hojalo lotii miyupa lyila, Pinii ka kiiniñkonii pa, Pinii ka kata ho ngunu Kristo pa ludu.

ROM MIKA POL KA SIITI KENIIÑ 16:17

Ngo yarlyi ke nunumi, anubarmii atañ, hendi nyatolya hiika kokii hutiina luku luche ho ahiare miipa donii, nunu mika lukonii hokii chekho laka lunii atañmi; mohlumi adhopa atii tolya.

MIINIIÑ 20:30

ho nunuka punko hokii nunuka attoh miyuatañ chekho rila diimmah drih atañmi lukiñdo, mohluka kiiliñ ho henjeajiñ atañmi segii dupa.

2 KORINTIA 4:2

Ngunu hiinyañmohi mi apatiiku, miisilaka miigo miiniiñmi; ngunu surudonyo lembo mi apatiiku malo Pinii ka aguñmi miibḛr miilyi ma, hojalo jije lugo mi ngunu atohpa lubii dola miyu kone abika henju mi Pinii ka hataho atii bidu.

1 KORINTIA 3:11

Niimpalukoda kone hetrḛ liidi rasḛrla racha lakiñma niihna rato kula dokunii, hiika hii Jisu Kristo.

1 KORINTIA 3:13

kone abika miigo miiniiñmi kakiñ kendo; niimpalukoda Allo hii hiimi lokiñ kendo, niimpalukoda hiika hiimi yamulo yakiñ kendo, ho yamu hii yaka kendo niihtañ miigona kone abi miitiinii hiila.