1 KORINTIA 2:14 - NITI GONTU N.T. (BSI)

¹⁴ Yajiyallo giimanii miyu lariima Pinii ka Yajiyallo ka ahmiñayiñ mi, niimpalukoda hiika atañ mohlupa piigo ama, ho mo hiika atañmi chilama niimpalukoda hiika atañ yajiyallo loka kalasanii.

1 KORINTIA 2:14 ပူးပေါင်းရင်းမြစ်များ

1 KORINTIA 1:18

Niimpalukoda pogyañ ka aguñ si piigoama hiipa hutiina lyunya donii, hojalo ngunupa hutiina lyangur kotii kunii siikasi Pinii ka harchichike pa lyido.

1 JON 2:27

hojalo arrḛyarniiñ nii mina nunu mohkokii larii tiikunii hii nunuko giigela dokañ doke, ho nunumi kone lotrḛ tonsḛr kodo pa lyikiñ make; niimpalukoda mohka arrḛyarkuniiñ nunumi kapane piigomi tonsḛrdo, ho hiikahii jije, ho hiika hii golluma, niihtañpa hiikahiimi nunumi lukotii, mohko giigela datolya.

1 KORINTIA 15:46

Hojalo siikasi yajiyallo make kapyo hii ahuapo siike, ho hiikahiiba ho yajiyallo.

JUD KA SIITI KENIIÑ 1:19

Siikasi hiika atañke huna tache giidonii, dohadolo ka miyu, Yajiyallo giimanii.

JEMS 3:15

Siika chila si ayoh hokii tomake, hojalo kiiddiapiñ kiike, yajiyallo giimanii, igii kokii ke.

1 JON 2:20

Hojalo nunu Darii konelo arrḛyartiiku, ho nunu hikha chindo.

1 KORINTIA 15:44

Siika siimi ahuapo pa lilotii, siikasi yajiyallo ka apo lo turido. Hiiko matiirḛ ahuapo giido koda, hiikaho yajiyallo ka apo tiirḛ giido.

1 KORINTIA 2:12

Siisi ngunu larii tiiku dohadolo ka yajiyallo ma, hojalo Yajiyallo niihna Pinii kokii nii, niimpalukoda ngunu chindupa ahmiñayiñ mi ngunu mika Pinii ka biniiñ mi.

JON KA AYAPUYU 12:37

Mo abuje kagiñnanii mohluka hataho miibii siine, hojalo mohlu mohmi henje nyama;

JON KA AYAPUYU 5:44

Niihtañpa nunu henje lakiñdo, huna kone anyañ ka assañ niimi larii siila ho Pinii kokiika assañdiilañ ahnii miya menya mapa?

METHU 16:23

Hojalo mo mokur biila ho Pitar mi lutii, “Ngiiko hokii insato, Saitan! No ngiimi lutiñluko papo; niimpalukoda no Pinii kii dalyi damake, hojalo miyu kii dalyike.”

JON KA AYAPUYU 14:26

Hojalo hembyuñnii, Darii Yajiyallo, humina Aba ngiika armyañ pa kiiniñ tiinii, mo nunumi hikha drih atañmi tonsḛr kendoke, ho nunumi hempa dopa miilyi diike hikha ngiika nunu mika luniiñmi.

MIINIIÑ 16:14

Kone huna ngunuka luniiñ mika taniibo annii akha armyañ Lidia hiila, Taitira citi hokii, niiji pulye pyunii, Pinii mika heriinii. Attoh mohka ahha mi miikotii Pol luniiñmi tage dopa.

JON KA AYAPUYU 8:43

Niimpa nunu tachiñ nyama ngo nii hiila ludo? Si niimpalukoda nunu pigii lama ngiika aguñmi.

1 KORINTIA 1:23

hojalo ngunu Kristo ka leda niimi tonsḛrdu, Jew atañ paka liichi nanii ho Midomiyu atañ pakoda piigoama,

1 JON 5:20

Ho ngunu chindo Pinii ka Oho ahtii ho ngunumi chila nanii bitii, mohmi chila dopa huna jije nii; ho ngunu mohko da huna jije nii, mohka Oho Jisu Kristo. Siikasi jije Pinii ho santḛrlamanii sango.

MIINIIÑ 25:19

hojalo mohluko lugo tonge do chesuresula mohka agiñho mohluka atohka heniiñ piigola ho Jisu hiila koneka piigo, huna shiitii kunii, hojalo hiimi Pol turla da hiila luda.

JON KA AYAPUYU 15:26

Hojalo niidana Hembyuñnii ahchinii, humina ngo nunuko Aba kokii kiiniñ talyinii, jije ka Yajiyallo mitrḛ, huna Aba kokii lindonii, mo ngiipa haki lyibi kendo;

MIINIIÑ 18:15

hojalo siika drih si taka siila aguñ atañ, armyañ atañ ho nunuka attoh ka dapo ka piigo misu koda, nunu attoh ya hentiñ nyato; ngo chekho talyike siika drih atañmi ayakacho kadupa.”

MIINIIÑ 17:32

Siisi mohlu shiinii ka turiturku kunii mi tapa lala, tonge nyapatii; hojalo tonge lutii, “Ngunu hiira siimi niiko hokii tachi.”

JON KA AYAPUYU 10:20

Abuje mohlu lutii, “Mohko igii giido, ho mo rundo ke; niimpa mohka luniiñ tadu?”

MIINIIÑ 17:18

Tonge Epikurean hokii tiirḛ ho Yanu tonsḛrbo miilañ mohmi kappatii. Ho tange lutii, “Nii pe siika perepere lunii bosi luda nii?” Tonge lutii, “Mo kakoso nyibo uyi atañka tonsḛrkhenyo niihpe hendo” niimpalukoda mo Jisu la turiturku kuniiñ mi tonsḛr khenyoda.

JON KA AYAPUYU 14:17

jijeka Yajiyallo tiirḛ, humina dohadolo si larii lamanii, niimpalukoda mohmi kapa lama malo mohmi chinya ma; nunu mohmi chindo, niimpalukoda mo nunuka agiñho da, ho nunuko giikiñdo.

1 KORINTIA 1:21

Niimpalukoda, Pinii ka chilaho, dohadolo hii Pinii mi chila lo chimake, si Pinii mi hempyo miipa do piicha paka ngunuka tonsḛrkhenyo niilo lyangur dupa hutiina henje nyadonii.

1 KORINTIA 1:25

Niimpalukoda Pinii ka piicha hii miyu atañmi hentola chila yado, ho Pinii ka ajju hii miyu atañmi tamo yado.

1 KORINTIA 3:1

Hojalo ngo, anubarmii atañ, nunumi ngo gyola kemarañ yajiyallo ka miyuatañ hiila, hojalo asiialyo ka miyuatañ, Kristo koka himme atañ.