1 KORINTIA 15:57 - NITI GONTU N.T. (BSI)

⁵⁷ Hojalo Pinii mi payapacho hiisa, huna ngunumi pamiñ dopa bidonii Attoh Jisu Kristo kiilo.

1 KORINTIA 15:57 ပူးပေါင်းရင်းမြစ်များ

2 KORINTIA 2:14

Hojalo Pinii mi payapacho lulyi, huna kiirañ ngunumi Kristo kiilo pamiñ giidonii, ho ngunu kiilo mohmika chiniiñ ka riso mi kapakohe sutii kiine donii.

ROM MIKA POL KA SIITI KENIIÑ 8:37

Ma, hikha siika drih siimi ngunu pamiñ tiiku mohkiilo huna ngunumi hendo nii.

MIHUKAKIÑNIIÑ 12:11

Ho mohlu mohmi pamiñtii Subuñ ka ai lo ho mohluka aguñ pyako niilo, niimpalukoda mohlu mohluka sangomi abyo siimatii shiihi lyihepa.

JON KA AYAPUYU 16:33

Ngo siika simi nunumi lubii lyike, ngiikoho nunupa chimie hii dodopa. Dohadolo so nunuko hentḛrkanyi dolyi diike; hojalo ngarka jilya datolya, ngo dohadolo mi pamiñ tiike.”

2 KORINTIA 9:15

Pinii mi payapacho niimpalukoda mohka luko shiilamanii ahmiñayiñ biko hopa!

IPISIA 5:20

kiirañ ho kapane drihpa payapacho luto Attoh Jisu Kristo ka armyañ pa Pinii Aba mi.

ROM MIKA POL KA SIITI KENIIÑ 7:25

Payapacho Pinii mi Jisu Kristo ngunuka Atoh kiilo! Hokoda, ngo atohpa Pinii ka dapo mi miiho talyi ngiika Punyu lo, hojalo ngiika asiialyo lo ngo ingyamiigya ka dapo mi.

2 KORINTIA 1:11

Nunu tiirḛ ngunumi hembyuñ kendo loda kuniiñ lo, niimpalukoda abuje miyu mi ngunu kiipa payapacho hiila luke nendupa ngunu paka abuje kuniiñ mika talii laka biniiñmi.

1 KORINTIA 15:51

Kato! ngo nunumi mi chimaniimi lukodu. Ngunu miilañru miti kemake, hojalo ngunu miilañru lyiguh kendo,

MIINIIÑ 27:35

Ho mo hiimi luku lala, mo yatañ mi lala la, ho Pinii mi payapacho hiila miilañ ruka kado pa lula la mo hiimi petu biido ho diiritii.

HIBRU 2:14

Hopa himme atañ asiialyo la ai nyi giido, mo atoh loda hiichulipa henju ahiñ jami giido, niimpalukoda shiiniiñlo mo pyadulodupa mohmi huko hona shiinii ka harchichike hii giidonii, hiikahii, igii,

MIHUKAKIÑNIIÑ 21:4

mo tipa kendo kone abika mila mi mohluka amee hokii, ho shiikiñ kuma, malo hiiko haru henkiñ kuma malo kheniiñ hii malo achih chikiñ kuma, niimpalukoda kappyo drih atañ impa neku.”