1 KORINTIA 15:52 - NITI GONTU N.T. (BSI)

⁵² ohepada, amee mibey tado ho, kamikalo jaho joka siirii mulyi ho. Niimpalukoda siirii mukiñdo, ho shiinii hii turikendo lyulasama niiho, ho ngunu lyiguh kendo.

1 KORINTIA 15:52 ပူးပေါင်းရင်းမြစ်များ

METHU 24:31

ho mo mohka miidopopi atañmi hempḛr goropa siirii mubii dola kiiniñ kendo, ho mohlu mohka kahenii atañmi hikha khonchañ hokiimi gyokuñ kendo, yapuñ pache hokii pache dalyi lohepa.

JON KA AYAPUYU 5:25

“Jijeloda, jijeloda, ngo nunumi lukoso, myodu hii ahlyi ke, ho siisi ke, niidana shiinii atañ Pinii ka Oho aguñmi tapa talyinii, ho hutiina tapa talyinii sankiñdo.

JON KA AYAPUYU 5:28

Siimi tala la kapuñtale nyayo; niimpalukoda myodu hii ahlyike niidana hikha hutiina byuh ho donii mohka aguñmi tapa nyakiñdo

2 PITAR 3:10

Hojalo Attoh ka allo hii diipyo nii chuli ahkiñdo, ho hiika hiibaho yapuñ hii lyukiñdo hempḛr goropa adubiidola, ho drihpachi atañ jeyi kendo yamu ho, ho kiiddiapiñ la hiika haho hoka miigomiiniiñ mi lyaja kendo.

1 KORINTIA 15:42

Hii chulipa shiinii ka turiturku kuniiñ tiirḛ. Niimina lilo donii hii lyula sanii, niihna turidokunii hii lyula samanii.

MIHUKAKIÑNIIÑ 8:13

Ho ngo kakele, ho ngo tapato khoñkhu koneka hempḛr goropaka gyuniiñmi, hiikahii yapuñ hahoho gola dala, aiya, aiya, aiya hiila hembido hutiina kiiddiapiñ ho dunya dunii, koneya siirii muna nanii mika muri lyiho nii mina hingenii miidopopi atañ mupa miidonii!

1 KORINTIA 15:50

Ngo siimi nunumi lukodu, anubarmii atañ: asiialyo la ai nyi Pinii ka raddeganda mi penko lakiñma, malo lyula sanii hii penko lakiñma lyula sama niilo.

MIHUKAKIÑNIIÑ 8:2

Ho ngo kapato kanuhe miidopopi mi huna Pinii ka hataho danii, ho kanuhe siirii mohlumi bibiine.

1 KORINTIA 15:23

Hojalo kone abi atoh ka myoduho: Kristo ahee hipyoja, hiikahiiba ho mohka ahlyi kuho hutiina Kristo kiinii.

1 TESOLONIA 4:15

Niimpalukoda siimi ngunu nunumi lukodu Attoh ka aguñlo, ngunu hutiina turla dunii, huna dulya dukunii Attoh ka amiñ dayemi, impyo yakiñma hutiina imilyado kunii.