1 KORINTIA 14:4 - NITI GONTU N.T. (BSI)

⁴ Huna khiibe aguñ ludonii hii atoh mi lulyañ siido, hojalo huna nyibuhendonii hii gyoliñkonii mi miilyañ giido.

1 KORINTIA 14:4 ပူးပေါင်းရင်းမြစ်များ

1 KORINTIA 14:22

Hopa, khiibe aguñ luniiñsi kagiñnanii ke henjebo atañ pamapa hojalo henje maniibo atañpa, hojalo nyibuheniiñsi henje maniibo atañ pamapa hojalo henjebo atañ pake.

1 KORINTIA 14:26

Nii hokoda, anubarmii atañ? Niida nunu ahkuñ talyi, kone abi bariebiisie mi biito, risanii, nyibuheniiñ, khiibe aguñ, malo lusibiniiñ. Hikha drih mi miitolya miilyañ siina naniiñpa.

MAK KA AYAPUYU 16:17

Ho siika kagiñnanii atañsi dojo monkiñdo huna henje nyadonii: ngiika armyañ pa mohlu igii atañmi mompa kendo; mohlu niti aguñ lukiñ do;

1 KORINTIA 14:12

Hopa nunu atohpa; nunu uropa yajiyallo ka kakiñ niimi anado, uro yapa meto gyoliñkonii atañ mika sancha giina naniiñpa.

1 KORINTIA 14:5

Siisi ngo miilañ rumi khiibe aguñ lukiñcho hiila hendo, hojalo nyibuheniiñ mi uro yapacho henkiñcho hiila hendo. Huna nyibuhendo nii hii kahe yado khiibe aguñ luniiñmi hento la, nii dahepa mi kone hiimi luko lusi bitema, gyoliñkonii mi miilyañ giidupa.

1 KORINTIA 14:3

Yoheyapa ludokoda, huna nyibu hendo nii hii miyu mi luriido mohluka aya kiipa ho haro lupado ho myado.

1 KORINTIA 13:2

Ho ngo matiirḛ nyibu hela naniiñ tamo giido jalo, ho hikha mi-chima niimika chiniiñ la hikha chila naniiñ giido jalo, ho ngiiko matiirḛ hikha henje giido jalo, putoo mika jopa naniiñpa, hojalo hensu giima koda, Ngo hangma.

ROM MIKA POL KA SIITI KENIIÑ 14:19

Kiije ngunu hokoda niihna chimie giidonii hiimiya mesa ho niimpalukoda kone anyañ ka aya sako.

1 KORINTIA 12:10

kone mi miimalyanii miigomi miidopa, kone mi nyibu hendopa, kone mi yajiyallo atañmi kangu kare ladopa, kone mi abuje aguñ lula dopa, kone mi lusi bila dopa aguñ atañmi.

1 KORINTIA 12:28

Ho Pinii kapyo japa gyoliñkonii ho kiiniñkonii mi kahetii, anye niipa nyibuhenii atañmi, hinge niipa tonsḛrbo atañmi, hiika hiibaho miimalyanii miigo miinii atañmi, hiikahiiba ho achih miipya niimi, hembyuñ niimi, giirasogiinii atañmi, ponge ponge aguñpaka lunii atañmi.

1 KORINTIA 13:1

Ngo matiirḛ miyu atañka aguñ ludo koda ho miidopopi atañ kiijalo, hojalo hensu giima koda, ngo tasubo uyitalo malo piigoamanii talo hiilyañ.