1 KORINTIA 14:3 - NITI GONTU N.T. (BSI)

³ Yoheyapa ludokoda, huna nyibu hendo nii hii miyu mi luriido mohluka aya kiipa ho haro lupado ho myado.

1 KORINTIA 14:3 ပူးပေါင်းရင်းမြစ်များ

1 KORINTIA 14:12

Hopa nunu atohpa; nunu uropa yajiyallo ka kakiñ niimi anado, uro yapa meto gyoliñkonii atañ mika sancha giina naniiñpa.

1 TIMOTI 4:13

Nii dahepa ngo ahtema, butiiapur hoka piniipota mika riko ho ahbo tolya, tonsḛrkhenyoko, tonsḛr ko.

JUD KA SIITI KENIIÑ 1:20

Hojalo nunu, heniiñja, attohpa pencha siito nunuka hempḛr darii henjeho; Darii Yajiyallo ho kutolya;

TAITAS 1:9

mo alḛrpa dakiñdo jije aguñ lukonii hiilyañpa, niimpalukoda mo luko lusi ladopa jije tonsḛr tonjuho ho lukoludḛr niipa huna chekho donii hiimi.

IPISIA 6:22

Ngo mohmi nunuko kiiniñ biilyi ke siika piigo lodapa, nunumi chinke nendupa ngunu niihtañ hiila, ho mohmi nunuka ahha mi haro lupa kiine dupa.

2 TIMOTI 4:2

aguñmi tonsḛrkhenyo to, kiirañ hendi tolya myodu jalo malo myodu majalo, yatolya, gatolya, ho harolupa tolya, pigiiniimi la tonsḛr niimi pema miima miilya yo.

TAITAS 2:6

Hiichulipa anuya milobomi tiirḛ yarto atohmi pigii siinya tote hiila.

1 KORINTIA 14:31

Niimpalukoda nunu hikha nyibuhela kendoke kone kone herila, hikharu chingii dupa ho miilañru haro lupa siidupa;

1 KORINTIA 14:26

Nii hokoda, anubarmii atañ? Niida nunu ahkuñ talyi, kone abi bariebiisie mi biito, risanii, nyibuheniiñ, khiibe aguñ, malo lusibiniiñ. Hikha drih mi miitolya miilyañ siina naniiñpa.

ROM MIKA POL KA SIITI KENIIÑ 14:19

Kiije ngunu hokoda niihna chimie giidonii hiimiya mesa ho niimpalukoda kone anyañ ka aya sako.

MIINIIÑ 13:15

Dapo la nyibuhenii mi riku lala, sinagog daka sangiibo mo anye mi gyotii, lubiidola, “Anuanye si, niinyi ko hang haro lupa sanii miyu atañpa matiirḛ dokoda, hiimi luto.”

TAITAS 2:9

Miira atañmi yarto mohluka attoh ka luniiñmi tato hiila ho kapane miigolugo ho hembyañ dopa miibito hiila; mohlu lukur lusila miikiñma,

1 TESOLONIA 2:3

Niimpalukoda ngunu yarniiñ miikha nii hokii malo kacho hokii lima, malo siikasi surupiibi la miima;

1 KORINTIA 10:23

“Hikha drih hii aya siido,” hojalo kapane drih hii piigo ahgii make. “Hikha drih aya siido,” hojalo kapane drih sancha giimake.

1 PITAR 5:12

Silvanas kokii, lotii anu konepa ngo mohmi khiidu, ngo nunumi tudiipa pa kebii lyike, harolupala ho lukola siikasi jije Pinii ka aroh-aya ke; so alḛrpa dato lya.

HIBRU 13:22

Ngo nunumi yarlyi, anubarmii atañ, ngiika harolupa laka aguñmi tato, niimpalukoda ngo nunupa tudiipa kebii lyike.

HIBRU 10:25

tonge paka kapa siisa niimi assuale mapa, tonge hiila miinya data, hojalo kone anyañmi haro lupa siito, ho hiimi tiirḛ uro yapa nunu kapado Allo hii tunii dokuke.

TAITAS 2:15

Siika drih atañmi lukoto; harolupato ho gato hikha otority lo. Kone lotrḛ khiipa kolya yo.

1 TIMOTI 6:2

Hukiina henjenii atoh dunya dunii khiimapa miiyo mohlu anubarmii pa lyiko hopa; hiilamapa mohlu uroyapa ayapaya miiho kendo niimpalukoda mohluka miiniiñ hokii hu miijo kapado lukoda henjemiyu atañ ho heniiñja. Tonsḛrto ho siika miigo atañ sipa yarto.

1 TIMOTI 1:4

malo mohlumi atohpa jijemaniimi ho khiichi lakumanii aba-apa mi chibiinyayo niihna uroyapa lucha donii jijemanii mi hiilamapa piniimiikiñ niimi hentola hiikahii henje ho;

2 TESOLONIA 3:12

Siisi sitañ miyu mi ngunu ludu ho harolupadu Attoh Jisu Kristo ko atoh miigomi miito adu-abiñ mapa ho atoh sango pa injo diito hiila.

1 TESOLONIA 4:18

Hopa kone anyañmi hembyuñ siitolya siika aguñ atañlo.

1 TESOLONIA 4:1

Kamijapa, anubarmii atañ, ngunu nunumi yarlyike ho harolupa lyike Attoh Jisu ko, nunu ngunu kokii chingiine niihtañpa sankiñ do ho Pinii mi hempyo miipa kendo, nunuka siisi ka miichañho, nunu sitañpa abu yaya miito.

1 TESOLONIA 3:2

ho ngunu Timoti mi kiiniñ to, ngunuka anu ho Pinii ka miira Kristo ka ayapuyu ho, nunumi nunuka henjeho sancha kiinedupa ho nunumi harolupa dupa,

1 TESOLONIA 2:11

niimpalukoda nunu chindo niihtañpa hiila, aba chuli mohka himme atañ agiñho, ngunu harolupato nunu kone abimi ho nunumi haromiipato ho nunumi khelii to

KOLOSIA 4:8

Ngo mohmi siika piigo pa loda nunuko kiiniñ biilyi ke, niimpalukoda nunumi chinke nendupa ngunu niihtañ dona hiila ho mohmi nunuka ahha mi haro lupa nyake nendupa,

IPISIA 4:29

Nunuka aguñ hokii lusamanii lulya yo, hojalo hiitañ drih lutolya niihna lulyañ giikiñ donii, myodumyolo mi kabii dola, niimpalukoda hiimi tala lala huna tadonii hiipa aya dopa.

2 KORINTIA 2:7

Hopa nunu hiilamapa mohmi hello ho hembyuñ toku, malo hiilamapa mo urohaja heru kiine diike.

2 KORINTIA 1:4

huna ngunumi hembyuñ dunii hikha ngunuka ahiare ho, niimpalukoda ngunu tiirḛ hembyuñ ladopa huna ahiare ho dunii, hiika hembyuñ niilo nii mina ngunu atohpa Pinii lo hembyuñ kotiinii.

1 KORINTIA 14:17

Niimpalukoda rongkoda no khepa payapacho hiila lusu dudo, hojalo khiibemiyu atañmi miilyañ giima.

1 KORINTIA 8:1

Siisi puchinii mika diigo biniiñ piigo mi: ngunu chindo, “hikha ngunu chiniiñmi giido.” “Chiniiñhii” hentii giila pyagii do, hojalo hensunii hii hata chagii do.

ROM MIKA POL KA SIITI KENIIÑ 15:2

hopa kone abi atohka ariapii miya hempyo miipasa mohluka aya kiipa, mohlumi miilyañ dupa.

ROM MIKA POL KA SIITI KENIIÑ 12:8

mo huna haro lupa donii, mohka harolupa koho; mo huna bibo donii, hempakaya biidola; mo huna bibyuñ donii, bichi hiila hembiidola; mo huna aroh ka miigomi miido nii, ngarka jije biidola miito.

MIINIIÑ 15:32

Ho Judas la Silas nyi, mo anye nyibuhenii siitrḛ, anubarmii atañmi haro lupatii abuje aguñlo ho mohlumi alḛr lupatii.

MIINIIÑ 14:22

henjeajiñ atañka yallo mi alḛr lupa lala, mohlumi henje mi haro lupatii, ho lubiido abuje hentḛrkanyi loke ngunu Pinii ka raddeganda ho ahkiñ donii.

MIINIIÑ 9:31

Hopa gyoliñkonii hikha Judia ho Galili ho Samaria ho chimie dotii ho tonge pa sanchatii; ho Attoh mi biiso biidola intii ho Darii Yajiyallo ka hembyuñ kopa hiiko hii abu yaya tii.

LUK KA AYAPUYU 3:18

Hiichulipa, abuje khiibe haro lupatii, mo miyu atañmi aya puyu tonsḛrkhenyo tii.

HIBRU 3:13

Hojalo kone anyañ mi haro lupa siito allo karmyañmi, nii dahepa luchi “siilo,” niimpalukoda kone hetrḛ henje madopa miiko lyayo ingyamiigya niika gollumisu lo.

MIINIIÑ 4:36

Ho Josep humina myagiñla kiiniñkonii atañ Barnabas la myantii nii (hiika luniiñhii, Harolupaniika oho), Lebait hokii, Saiprus hoka dunii,