1 KORINTIA 13:4 - NITI GONTU N.T. (BSI)

⁴ Hensu hii ahhakeyiñ niike ho helakala ke; hensu hii kariñsiiniiñ make malo khansu niima ke;

1 KORINTIA 13:4 ပူးပေါင်းရင်းမြစ်များ

1 PITAR 4:8

Kapanemi ka kahejapa henguñ manii kone anyañ mika hensu niimi atiito, niimpalukoda hensunii hii abuje ingyamiigya mi apu duke.

IPISIA 4:32

ho kone anya mi helakala siito, yanuahha lo, kone anyañ mi hello siito, niihtañpa Pinii ko Kristo nunumi hellotii.

KOLOSIA 3:12

Hopa giinyato, Pinii ka kahenii kone hiilyañ, darii ho heniiñja, aroh siiniiñ mi, helakala, chimeeñ, yanu, ho ahhakeyiñ,

1 JON 4:11

Heniiñja, Pinii matiirḛ hiimkane ngunumi hentii koda, ngunu tiirḛ kone anyañmi hensu kendo.

1 PITAR 3:8

Kamijapa, nunu miilañru, yajiyallo mi konepa giitolya, aroh siila, anubarmii ka hensu henchañho, biinyah ahha lo ho yanu henjulo.

1 TESOLONIA 5:14

Ho ngunu nunumi haro lupadu, anubarmii atañ, assumiyu mi lulyañ siigii tolya, hame mi haro lupa giito, ajju mi hembyuñto, miilañ jami pigii tolya.

2 PITAR 1:7

ho piniisanju agiñho anubarmii hensumyañsu niimi, ho anubarmii hensumyañsu niika agiñho hensu niimi.

IPISIA 4:2

hikha chimeeñ ho yanu, ahhakeyiñ ka agiñho, koneanyañ mi hello siibii dola hensu ho,

2 KORINTIA 6:6

dariipa dala, chimbiidola, pigiibiidola, helakala biidola, Darii Yajiyallo lo, aya hensu niilo,

KOLOSIA 1:11

Nunumi hikha harchichike ka alḛr naniiñmi bikiñcho, mohka tatukatu harchichikelo, hikha pigiinaniiñlo ho yanu hempyo ka agiñho,

GELESIA 5:26

Kiije ngunu atoh mi hentii siimasa, kone anya mi gasu dopa luhuluha siimasa, kone anya mi kariñ siimasa.

1 KORINTIA 4:6

Ngo hikha siika atañ siimi miitii ke Apollos ngiinyi ko nunuka aya sakopa, anubarmii atañ, niimpalukoda nunumi ngunu kokii chingiila keto laka doniiñ hokiila ago lima yapa, kone mi hentii biila kone mi khiipa mado pa.

2 TIMOTI 4:2

aguñmi tonsḛrkhenyo to, kiirañ hendi tolya myodu jalo malo myodu majalo, yatolya, gatolya, ho harolupa tolya, pigiiniimi la tonsḛr niimi pema miima miilya yo.

2 TIMOTI 3:10

Siisi no ngiika tonsḛr niimi kabiilyi, ngiika miijuluju mi, ngiika sango hoka miichi heniiñmi, ngiika henje mi, ngiika pigiiniimi, ngiika heniiñmi, ngiika ranttiniimi,

1 PITAR 2:1

Hopa hikha kanamapa miiniiñ la surupiibi mi ho lotiimaniimi ho kariñ mi ho hikha nipasiiniiñ mi apa toku.

TAITAS 3:3

Niimpalukoda ngunu atoh tiirḛ ronge piicha toke, luniiñtamato, ngola dato, abuje helyihembyo la hempyo soniiñ ka miirapa lyito, ngunuka sango mi kanamapa ho kariñsiila ka miiniiñho santo, miyu atañlo kahu kola ho kone anyañmi kahu siila;

1 KORINTIA 3:3

niimpalukoda nunu siisi jalo asiialyo kiirañ ke. Niimpalukoda nunuka punkoho kariñ siinii ho hadiimikha dorañ, nunu asiialyo kiima ehna, ho dumiñ miyu miiju hiilyañ miima ehna?

MIINIIÑ 7:9

Ho miloboatoh atañ, Josep mi kariñtii, Egip ho pyutii; hojalo Pinii mo agiñho dabo montii,

2 TIMOTI 2:25

mohmika cheriibomi ahhakeyiñ lo lulyañ biidola. Rongkoda Pinii mohlumi henkur dopa ho jije mi chindopa binedo,

1 TIMOTI 6:4

mo butelinkiñdo hentii siiniiñ ka agiñho, mo hang chima; mo chesuresu niika drih ho hengada ho aguñ ka piigo mika chesuko, niihna kahusiiniiñ lingii donii, taliisiimanii, nipasiiniiñ, aya mapa ka hemmosiiniiñ,

1 KORINTIA 8:1

Siisi puchinii mika diigo biniiñ piigo mi: ngunu chindo, “hikha ngunu chiniiñmi giido.” “Chiniiñhii” hentii giila pyagii do, hojalo hensunii hii hata chagii do.

ROM MIKA POL KA SIITI KENIIÑ 1:29

Mohlu kapane demma miiju poteje giida, diimmah, hemikaminiiñ, kanamapa miiniiñ. Poteje kariñ, miyumenii, gasupasu, surudonyo, nyapakoya luniiñ, mohlu biicho,

JEMS 4:5

Malo nunu hiila henduha siikasi piigo ama piniipota ka luniiñsi, “Mo kariñsiiniiñ mi laliitii yajiyallo ho nii mina mo ngunuko dubo dopa miitiinii”?

1 KORINTIA 4:18

Tonge nunu hentii siinyada, ngo nunuko ahkiñ manii hiilya pa.

ROM MIKA POL KA SIITI KENIIÑ 13:13

Kiije ngunu atoh atohmi hutoh hoka danii hiilyañ dasa, hempyopa sola ho ow tangiitola damasa, ayamapa hela ho hensamanii hemasa, pasugasula ho kariñsiila miimasa.

KOLOSIA 2:18

Konelotrḛ nunu khiipa kolya yo, khiiliila atohpaka-taliilaka miiniiñmi ho miidopopi mika herii laka miiniiñmi, mohluka nyibuheniiñ mi lutiñ nambiidola, butelindu hang lukosanii giimapa mohluka asiialyo ka henjulo,

PILIPIA 1:15

Tangenii Kristo ka piigo mi tonsḛrkhenyoda kariñbiidola ho lulila, hojalo tongehii aya henjulo.

2 KORINTIA 12:20

Niimpalukoda ngo biisodo ngo ahbiila nunumi ngiika heniiñ hiilyañ mapa kapa tama byopeha hiila, ho nunu ngiimi nunuka heniiñ hiilyañ mapa kapa tama byopeha; hiilakoda hiiko pasugasu dokiñdo, kariñsiiniiñ, hadii, chahi, nipasiiniiñ, biicho, hentiisiinii, ho luniiñtasumanii.

1 KORINTIA 5:2

Ho nunu hentii siinya da! lusudokoda nunu heru laya heru kema siipeha? Huna siimi miidonii hiimi nunuka punko hokii nempa linto.

METHU 27:18

Niimpalukoda mo chintii siikasi mohlu kariñla mohmi bolii bitii hiila.