1 KORINTIA 13:12 - NITI GONTU N.T. (BSI)

¹² Niimpalukoda siisi ngunu keretalo ho kamukage pasu kasu donii, hojalo hiikahiiba ho kaniiñla kasu kendo. Siisi ngo tache misu chinsu donii; hiikahiiba bo ngo hikharumi chiñkiñdo, niihtañpa hikha rumi ngo chiñkotii.

1 KORINTIA 13:12 ပူးပေါင်းရင်းမြစ်များ

1 JON 3:2

Heniiñja, ngunu Pinii ka wiinga atañke siisi; siikasi ahma ranke niihtañ kendo ngunu hiila, hojalo ngunu chindo mohka ahlyi kuho ngunu mo chuli kendo, niimpalukoda ngunu mohmi kapa kendo mo niihtañ hiitañpa.

2 KORINTIA 3:18

Ho ngunu miilañru, byoke giimanii nyimo, giinyado Attoh ka tatukatu mi, mo kapu pa lyiguh lado koneya tatukatu hokii koneya lohepa; niimpalukoda si Attoh kokii ahdo huna Yajiyallo nii.

PILIPIA 3:12

Ngo siika siimi kapatiiku hiilama malo digoabiayaku hiilama; hojalo ngo miikañari miidu siika siimi ngiipa miibii dupa, niimpalukoda Kristo Jisu ngiimi mo atoh kiipa miitii ku.

MIHUKAKIÑNIIÑ 22:4

mohlu mohka nyimo mi kapa kendo, ho mohka armyañ hii mohluka tiirii atañ ho giikiñdo.

JEMS 1:23

Niimpalukoda mi kone matiirḛ puyu mika taniiñpa kontii siikoda ho miinii pa lyima koda, hiika miyu hiichulido huna atoh ka nyimo mi keretalo ho kasu donii;

2 KORINTIA 5:7

niimpalukoda ngunu henje loke indunii, kapa niilo make.

METHU 5:8

Lyanko kendo ahha darii atañ, niimpalukoda mohlu Pinii mi kappa kendo.

1 KORINTIA 8:3

Hojalo kone matiirḛ Pinii mi hendo koda, kone hii mohlo chinko do.

ROM MIKA POL KA SIITI KENIIÑ 8:18

Ngo hendo siisika heru heniiñ hang masu khiitiñ nansu dokoda hiika tatukatu agiñho nii mina ngunumi kakiñ kendonii.

METHU 18:10

Henditolya no siika atu kone mitrḛ khiima pama miilyayo; niimpalukoda ngo nunumi lukoso dariiganda daka mohluka miidopopi atañ kiirañ dariiganda hoka dunii boka Aba ka nyimo mi kalada.

JON KA AYAPUYU 10:15

niihtañpa Aba ngiimi chindu ho ngo Aba mi chindu; ho ngo ngiika sango mi subuñ atañpa hempa bidu.

1 KORINTIA 13:11

Ngiika wiinga ajañ paka doho, ngo himme chuli luto, ngo himme chuli hento, ngo himme chuli lukoto; ngiika yapa lyikuho, ngo himme henju mi apatiiku.