1 KORINTIA 10:16 - NITI GONTU N.T. (BSI)

¹⁶ Lyaniiñ ka turla si nii mina ngunu lyantii kunii, siikasi miibo kuma siipeha Kristo ka ai ho? Yatañ nii mina ngunu petu donii, siikasi miibo kuma siipeha Kristo ka apo ho?

1 KORINTIA 10:16 ပူးပေါင်းရင်းမြစ်များ

MIINIIÑ 2:42

Ho mohlu miilañru kiiniñkonii atañka tonsḛr niimi ho dukuñsiinii siiniiñmi, yatañ petu niimi ho kuniiñ mi henga la miitii.

1 JON 1:7

hojalo ngunu matiirḛ hutoh ho indo koda, niihtañpa mo hutoh ho da, ngunu kone anyañ ka agiñho dukuñ siidoke, ho mohka Oho Jisu ka ai ase duke ngunumi kapane ingyamiigya hokii.

HIBRU 3:14

Niimpalukoda ngunu Kristo ko tache siidu, ngunu matiirḛ ngunuka kapyo daka hatii mi abyu mapa gabii tola dokoda kamikalo lohe,

MIINIIÑ 2:46

Ho allo karmyañmi, tongepa piniiude ho ahtii ho mohluka ude ho yatañ mi petulala diitii, mohlu hempyo biidola ho kobya ahha giibii dola diigo diihiñ nyatii,

1 KORINTIA 1:9

Pinii lotii ke, hulona nunumi mohka Oho agiñho dukuñ mondo pa gyotiinii, Jisu Kristo ngunuka Attoh.

1 JON 1:3

nii mina ngunu kapa tiikunii ho tapatiikunii ngunu tiirḛ nunumi gyukodu, niimpalukoda nunumi ngunuka dukuñko dubo kodupa hiila; ho ngunuka dukuñ niisi Aba ka agiñ hoke ho mohka Oho Jisu Kristo ka agiñho.

MIINIIÑ 20:7

Kanualo ka kapyoja allo ho, ngunu tonge pa dakuñla yatañ mi petu dupa miikele, Pol mohlumi luriitii, allo loyeyaho indu kupa hiila; ho mo mohka luniiñmi ayoh liipa lohe lukañtii.

1 KORINTIA 12:13

Niimpalukoda Yajiyallo konelo ngunu hikha baptisma bikotii apo koneho-Jew atañ malo Grik atañ, miira atañ malo dasḛr danii atañ-ho hikha rumi miitii Yajiyallo kone mi tandopa.

MIINIIÑ 20:11

Ho Pol ayoh ho chakula ho yatañ mi petu lala ho diitii, mohlumi diiriihe luriila miitii hela, hutoh menda hemi, ho intiiku.

LUK KA AYAPUYU 22:17

Ho mo turla mi jola la, ho payapacho lula la mo lutii, “Siimi lato, nunuka punkoho tache siito;

1 KORINTIA 10:15

Ngo ludu dadimiiri nii miyu hiilyañ; atoh atoh hanka siinya tolya niihna ngo ludonii.