1 KORINTIA 1:7 - NITI GONTU N.T. (BSI)

⁷ niimpalukoda nunumi yajiyallo ka ahmiñayiñ ho papo kiine diila hiila, ngunu Attoh Jisu Kristo mika kakiñ siiniiñmi nunuka kalyala doho;

1 KORINTIA 1:7 ပူးပေါင်းရင်းမြစ်များ

PILIPIA 3:20

Hojalo ngunuka atoh ganda hii dariiganda hoke donii, ho hiiko hokii ngunu Lyangur bomi kalyadu, Attoh Jisu Kristo mi,

2 PITAR 3:12

kalyala dula Pinii ka ahsanii allo mi nyibya ahdo kupa, nii pana yapuñmi lyakiñ donii ho jeyi kendonii, ho drih atañ yamu agiñho jikiñdo!

HIBRU 9:28

hopa Kristo, rongepa bisutii abujeka ingyamiigya atañmi bagii dupa, ahti kendo ronye niipa, ingyamiigyaniimi miilyañ dupa hiilama hojalo lyangur dupa huna mohmi kalya rela dunii.

JUD KA SIITI KENIIÑ 1:21

nunu attohmi Pinii ka hensuko atii siito; Attoh Jisu Kristo ka aroh mi kalya tolya santḛrlamanii sango lohepa.

1 JON 3:2

Heniiñja, ngunu Pinii ka wiinga atañke siisi; siikasi ahma ranke niihtañ kendo ngunu hiila, hojalo ngunu chindo mohka ahlyi kuho ngunu mo chuli kendo, niimpalukoda ngunu mohmi kapa kendo mo niihtañ hiitañpa.

1 PITAR 4:13

Hojalo hempyo tolya nunu Kristo ka heru heniiñmi henche mondo hiila, niimpalukoda nunu tiirḛ hempyo mondupa ho hempyoto mohka tatukatu mika kakiñ lyikuho.

TAITAS 2:13

ngunuka lyaniiñ hentiñ mi kalyala, ngunuka tatukatu kahe Pinii ho Lyangur bo Jisu Kristo ka ahsa niimi,

ROM MIKA POL KA SIITI KENIIÑ 8:19

Niimpalukoda miiliñ luliñnii atañ kalya rela doku Pinii ka oho atañ mika kakiñ saniiñ mi;

LUK KA AYAPUYU 17:30

hiichuli kendo allo hii niidana miyu ka Oho kakiñ talyinii.

1 PITAR 5:4

Ho niida akhoja Subuñ sornii ahchiku nunu lyula masanii tatukatu ka tahiñ byopa mi pakiñ dokuke.

1 PITAR 1:13

Hopa hendi nyato nunuka henju mi, hendḛr nyato, nunuka hentiñ naniiñmi apupa aroh-aya ho atii biito nunukoka ahsanii hii hiikahii Jisu Kristo mika kakiñ lyikuho.

2 TIMOTI 4:8

Ho siisikii ngiipa atii bitiiku denki ka tayyiñbyopa mi, nii mina Attoh, denki gondu, bikiñ donii hiika Allo ho, ho ngiimi kontiima hojalo hikha hiika atañ miilañmi hutiina mo ka ahkur saku niimi hemmi nyadonii.

2 TESOLONIA 1:7

ho nunumi ngunuka agiñho dumo dopa bikiñdo hutiina heru henyatiinii, niida Attoh Jisu dariiganda hokii mohka tamo miidopopi ka agiñho yamu miilyo ho kakiñ kendo,

1 TESOLONIA 1:10

ho mohka Oho mi kalya dupa dariiganda hokii, humina mo seritiikunii shiiniiñ hokii, Jisu huna ngunumi tupya donii hempḛr uro ahsanii hadii hokii.

KOLOSIA 3:4

Niida Kristo huna ngunuka sango ahchinii, hiiko nunu tiirḛ ahbo mokiñdo mo agiñho tatukatu ka ho.

1 KORINTIA 4:5

Hopa iche hetrḛ ayakacho kaniiñmi lulya yo myodu ahma rampa, Attoh ka ahma rampa, huna hutoh mi ahgii kendo nii siisi ka kamo hoka drih achuñ tola donii atañpa ho luko kendo ahha hoka heniiñ atañmi. Ho hikha miyuatañ kapa kendo mohluka heniiñmi Pinii kokii.

LUK KA AYAPUYU 12:36

ho hiika miyuatañ chulipa lyito huna mohluka atoh ka mihie millo lasuko ude hokii ahkur kendoku hiila kalya dunii, niimpalukoda mohlu ohepada alyeh miiko bida dupa hiila mohka ahlyi kuho ho padiñ lyiho.

METHU 25:1

Ho dariiganda ka raddeganda mi nyimuñ alyañ hemi khiitiñ nantii hutiina mohluka muru mi biitola ho mihielasa bomi kappa dupa intiinii.

2 KORINTIA 12:13

Niimpalukoda nii drih ho khiibe gyoliñkonii atañ hokii ponsa yane, hiila taliimonto ngo atohloda nunupa alluabapa lyite make? Hello kupe siika miigya niipa!

ROM MIKA POL KA SIITI KENIIÑ 8:23

ho puliñnii kontiima, hojalo ngunu atoh tiirḛ, huko hona Yajiyallo ka ahee hipyoja donii, ura ho herula ngunu kalya du oho pa chiko nyadupa, ngunuka apo mika tupyabiniiñ mi.

GELESIA 5:5

Niimpalukoda Yajiyallo kiilo, henje biidola, ngunu kalyatii denki ka hentiñmi.