1 KORINTIA 1:10 - NITI GONTU N.T. (BSI)

¹⁰ Ngo nunumi lyarlyi ke, anubarmii atañ, ngunuka Attoh Jisu Kristo ka armyañ pa, hikha nunu taliito ho nunuka punkoho chekho siiyo, hojalo nunu tongepa ahha puhe pa giito ho ahiñpa ayakacho mi kato.

1 KORINTIA 1:10 ပူးပေါင်းရင်းမြစ်များ

1 KORINTIA 12:25

niimpalukoda apo ho tache tahe giima dopa, hojalo hakhu atañmi ahiñpa kalyañkada kahiñ siidopa kone anyañ mi.

ROM MIKA POL KA SIITI KENIIÑ 12:16

Ahiñpa hembiidola kone anyañ agiñho santo lya; hentii siilya yo, hojalo arro yama agiñho dahiñ montolya; pema hentii siilyayo.

2 KORINTIA 13:11

Kamijapa anubarmii atañ, hempyo tolya. nunuka lembo mi miilyañ siitolya, ngiika tonsḛr niimi henge giitolya, kone anyañ mi talii siitolya, chimie pa duhiñ tolya, ho Pinii ka hensunii ho chimie nunuka agiñho dobo kencho.

1 KORINTIA 11:18

Niimpalukoda, kapyo japa, nunuka gyoliñkonii paka dakuñ lyiho, ngo hiila tapa do nunuka punkoho tache tahe siido hiila; ho ngo tange mi hiila henjedo,

PILIPIA 1:27

Nunuka sango ka henjumiiju miya Kristo ka ayapuyu ka khiiniiñ kiipa atiito, niimpalukoda ngo ahla ho nunumi kapajalo malo kapa majalo, ngo tapa dupa nunu alḛrpa dasudake yajiyallo konepa, ahha puhepa giila henje ka ayapuyu miihiñ nyasuda hiila,

ROM MIKA POL KA SIITI KENIIÑ 16:17

Ngo yarlyi ke nunumi, anubarmii atañ, hendi nyatolya hiika kokii hutiina luku luche ho ahiare miipa donii, nunu mika lukonii hokii chekho laka lunii atañmi; mohlumi adhopa atii tolya.

2 KORINTIA 5:20

Hopa ngunu Kristo ka puyu mika bako binii, Pinii ngunu kiilo mohka yarniiñ mi yardo. Ngunu nunumi yarlyi ke Kristo kii dalyi pa, Pinii ko ahdiñ nyato ku.

1 KORINTIA 4:16

Ngo nunumi yarlyi ke, hokoda ngiika miiko miijo montote.

MIINIIÑ 4:32

Siisi tongepa hutiina henje nyatii nii mohlu ahha puhepa ho yallo konepa giitii, ho kone hetrḛ hang drih atañ mohlukii mi mohkii hiila lumatii, hojalo mohlu amanehemi buyiñ la biitii.

JON KA AYAPUYU 17:23

Ngo mohluko ho no ngiiko, niimpalukoda mohlumi ayaloda konepa lyike nendupa, niimpalukoda dohadolo mi chinke nendupa no ngiimi kiiniñtii hiila ho mohlumi hento niihtañpa ngiimi no hendu.

1 TESOLONIA 5:13

ho mohlumi hempḛr uropa hembiidola khiito lya niimpalukoda mohluka miigo miinii kiipa. Nunuka punkoho Chimie mi doke nentolya.

ROM MIKA POL KA SIITI KENIIÑ 12:1

Ngo nunumi yardu hopa, anubarmii atañ, Pinii ka aroh lo, nunuka apo mi turdopa hempa siibito, darii ho Pinii mi lariidopa, hiikahii nunuka yajiyallo loka herii niike.

JON KA AYAPUYU 10:19

Hiiko hiira Jew atañka punkoho tache ritii siika aguñ atañpa.

1 PITAR 2:11

Heniiñja, Ngo nunumi yarlyike nyibo ho monkoniipa khiisubiidola asiialyo ka helyihembyo hokii dasa giitolya hiika hii nunuka yallo miya ke gyambo pagii donii.

2 TIMOTI 4:1

Ngo niimi lubii lyike Pinii ka hataho ho Kristo Jisu kiilo huna shiinii ho turnii mi ayakacho kakiñ donii, ho mohka ahniiñlo ho mohka raddeganda lo:

PILIPIA 3:16

Kiije ngunu jijemi kontii biisa nii mina ngunu biido nii.

2 KORINTIA 10:1

Ngo, Pol, ngo loda nunumi yardu, Kristo ka yanu ho ahhakeyiñ mi giitola-ngo huna yanu dunii nunuka agiñ hoka dalyiho, hojalo haro dunii nunupa niida ngo nunu agiñho datema!

JON KA AYAPUYU 7:43

Hopa miyu atañka punko tache tahe ritii mohka piigo pa.

MAK KA AYAPUYU 2:21

“Kone hetḛr pulye niti lo pulye khu ho palyi liikiñ ma; hiilamiikoda, palyi liiniiñ hii hiiko hokii sarche rikiñdo, niti hii khu hokii, ho uro yapa ya ubu yakiñdo.

METHU 9:16

Ho kone hetḛr pulye niti mi pulye khu ho palyi liikiñma, palyi liido koda hii sarche linkiñdo, ho uro yapaya ubu kendo.

1 TIMOTI 5:21

Pinii ho Kristo Jisu ho kahenii miidopopi ka hataho ngo niimi lubii lyike siika miiju siimi atii biitolya khiingu khiire mapa, henguhere la hang miite mapa.

2 TESOLONIA 2:1

Siisi ngunuka Attoh Jisu ka ahsa niimi ho ngunuka dakuñ saniiñmi mohmi kapa dupa, ngunu nunumi yardu, anubarmii atañ,

GELESIA 4:12

Anubarmii atañ, ngo nunumi lyarlyi ke, ngo chulipa lyito, niimpalukoda ngo tiirḛ nunu chuli lyiduke. Nunu ngiimi hang miigya ma;

2 KORINTIA 6:1

Mohka agiñho tongepa miihiñsa, ho, ngunu nunumi lubii lyike Pinii ka aroh-aya mi danyo pa impa kiine lyayo.

ROM MIKA POL KA SIITI KENIIÑ 15:30

Ngo nunumi yarlyi ke, anubarmii atañ, ngunuka Attoh Jisu Kristo la Yajiyallo ka heniiñ lo, tonge pa ngiika agiñho hembyuñ mompe nunuka Pinii mika kuniiñ ho ngiika piigopa,

JON KA AYAPUYU 9:16

Parisi tonge lutii, “Siika miyu si Pinii kokii make, niimpalukoda mo dumoalo mi khiima.” Hojalo tange lutii, “Niitañpa miyu huna ingyamiigya danii sitañ kagiñnanii miila kendo?” Mohluka punkoho tache risutii.

ROM MIKA POL KA SIITI KENIIÑ 1:13

Ngo nunumi chinke nenado, anubarmii atañ, ngo kiirañ nunuko ahnañto (hojalo siisilohe pa atiñ tola done), niimpalukoda ngo amoo iche ladupa nunuka punkoho ho hiika agiñho khiibe Midomiyu atañka punko hokii tiirḛ.

1 KORINTIA 1:11

Niimpalukoda hiila ngiimi lukoda Klos miyuatañ kokii nunuka punkoho pasudo hiila, ngiika anubarmii atañ.

1 KORINTIA 3:3

niimpalukoda nunu siisi jalo asiialyo kiirañ ke. Niimpalukoda nunuka punkoho kariñ siinii ho hadiimikha dorañ, nunu asiialyo kiima ehna, ho dumiñ miyu miiju hiilyañ miima ehna?

2 KORINTIA 13:9

Niimpalukoda ngunu hempyo do niida ngunu ajju talyi ho nunu tamo talyi. Niina ngunu kudo nii hiikoda nunuka hatachasa niipake.

1 PITAR 5:10

Ho nunu ichuche heru hela lala, hikha aroh-aya ka Pinii, huna nunumi mohka ayudahe tatukatu Kristo ko gyolii tiinii, mo atohloda miilyañ kendo kuke, dodopa miikiñdo, ho alḛrdopa miikiñdo nunumi.

MAK KA AYAPUYU 3:24

Raddeganda matiirḛ atoh-atoh chesula tache siido koda, hiika raddeganda hii sala kemma.