1 JON 4:9 - NITI GONTU N.T. (BSI)

⁹ Siika so Pinii ka hensu niimi kakiñdo ngunuka punkoho, hiikahii Pinii mohka hiiro kone kontiimi dohadolo so kiiniñ bitii hiila, niimpalukoda ngunu mohkokiila sandupa.

1 JON 4:9 ပူးပေါင်းရင်းမြစ်များ

MAK KA AYAPUYU 12:6

Mohko hiira kone dutii rañ, heniiñja oho; Kami kalo jaho mohmi mohluko kiiniñtii, lubiidola, Mohlu ngiika ohomi khiinedo.

LUK KA AYAPUYU 4:18

“Attoh ka Yajiyallo ngiiko do, niimpalukoda ngiimi mo arrḛyartiiku aya puyu mi arro atañmi tonsḛrkhenyo kiine dupa. Mo ngiimi kiiniñtii gyuko niipa miyudornii atañ mika tupya kosaniimi ho micha atañka mida kusaniimi, hutiina hensḛrkadu la danii hiimi dasḛrpa dake nendupa hiila,

JON KA AYAPUYU 10:10

Diipyonii ahdu diipyo pa kontiisii ho mempa ho pyadu lopasii; ngo ahdu niimpalukoda mohlumi sango kapa kiine dupa, ho hiimi poteje giike nendupa.

JON KA AYAPUYU 14:6

Jisu mohmi lutii, “Ngoke lembo, ho jije, ho sango; kone hetḛr Aba ko ahla kema, hojalo ngiiko hopasii.

JON KA AYAPUYU 3:16

Niimpalukoda Pinii dohadolo mi ano hela mohka Oho konekontii mi bitii, hujalopa mohmi henje talyi hii lyukiñma hojalo santḛrlamanii sango giikiñdo.

JON KA AYAPUYU 3:18

Huna henje talyinii hiimi khiipa kema; huna henje manii hiimi khiipa tola doku, niimpalukoda mo henje matii Pinii ka Oho kone kontii ka armyañ mi.

JON KA AYAPUYU 5:23

niimpalukoda miilañ rumi Oho mi khiike nendupahiila, Aba mika mohluka khiichañ ho. Hii huna Oho mi khiima nii hii Aba mitrḛ khiima mohmi huna kiiniñ tiinii.

JON KA AYAPUYU 6:29

Jisu mohlumi lusitii, “Siika sike Pinii ka miigo, nunuka mohmika henjenii hii humina mo kiiniñ tiinii.”

JON KA AYAPUYU 6:51

Ngo turnii yatañke dariiganda hokiika tonii; hujalo siika yatañ siimi matiirḛ diichi, hii ayu dahepa sankiñdo; ho yatañ nii mina ngo bichi nii dohadolo ka sangopa hii ngiika apoke

JON KA AYAPUYU 6:57

Niitañpa turnii Aba ngiimi kiiniñtii, ho ngo turdo niimpalukoda Aba kiipa, hopa huna ngiimi diichinii hii turkiñdo niimpalukoda ngiikiipa

JON KA AYAPUYU 8:29

Ho mo huna ngiimi kiiniñ tiinii hii ngiika agiñho da; mo ngiimi kontii apama, niimpalukoda ngo kiirañ hiimi sii miisu dunii niihna mohmi hempyo giidonii.”

JON KA AYAPUYU 8:42

Jisu mohlumi lutii, “Pinii matiirḛ nunuka Aba koda, nunu ngiimi henkiñdo, niimpalukoda ngo irito ho ahdu Pinii kokii; ngo attoh pa ahsuma, hojalo mo ngiimi kiiniñtii.

JON KA AYAPUYU 9:3

Jisu lusitii, “Siikasi siika miyu ingyamiigya tii hiilama, malo mohka annii-aba, hojalo Pinii ka miigomi mohkokiila kakiñ kengiñ naniipa.

ROM MIKA POL KA SIITI KENIIÑ 8:32

Mo huna atoh ka Oho mitrḛ atii siibii manii hojalo ngunupa hiila bipatii, mo ngunumi amane drih mi mo agiñho bikiñ mata ehna?

HIBRU 1:5

Niimpalukoda nii miidopopi mi Pinii lune, “No ngiika Oho, siilokii ngo niimi chibii lyikuke”? Malo hiira, “Ngo mohka aba pa lyikiñdo, ho mo ngiika oho pa”?

1 JON 3:16

Siika silo ngunu chindo hensu niimi, mo ngunupa mohka sango mi hempa bitii hiila; ho ngunu tiirḛ ngunuka sango mi anubarmii atañpa hempa bikiñdo.

1 JON 4:10

Siika sike hensu nii, hiila ma ngunu Pinii mi hentola hiila hojalo mo ngunumi hentii ho mohka Oho mi kiiniñtii ngunuka ingyamiigya niipa bili bidupa hiila.

1 JON 4:16

Hopa ngunu chindo ho henjedu Pinii ka ngunupa heniiñmi. Pinii hensunii, ho hii huna hensu niimi giige donii Pinii ko giigedo, ho Pinii mohko giigela do.

1 JON 5:11

Ho siika sike pyakonii, Pinii ngunumi santḛrlamanii sango mi bitii, ho siika sango hii mohka Oho ko do.

1 JON 5:13

Ngo siika siimi kedu nunumi hutiina henje nyadonii Pinii ka Oho ka armyañ mi, niimpalukoda nunu chindupa nunuko santḛrlamanii sango hii do hiila.