1 JON 4:7 - NITI GONTU N.T. (BSI)

⁷ Heniiñja, kiije ngunu koneanyañ mi hensusa; niimpalukoda hensuniisi Pinii kokiike, ho hii huna hensu donii hii Pinii loka buko niike ho Pinii mi chindo.

1 JON 4:7 ပူးပေါင်းရင်းမြစ်များ

1 JON 4:20

Mihkone matiirḛ ludo koda, “Ngo Pinii mi hendu,” ho mohka atoh anubarmii mi hema dokoda, mo gollunii; niimpalukoda hii huna atoh anubarmii mi hemanii humina kapa la danii, hela kema Pinii mi humina mo kapa manii.

1 JON 4:8

Hii huna hensu manii Pinii mi chima; niimpalukoda Pinii hensu niike.

1 PITAR 1:22

Nunuka yallomi darii miibii dola nunuka luniiñ talii niilo jijemi, jijeka anubarmii hensu niilo, kone anyañmi hempḛr uropa hensu tolya ahha lo.

1 JON 2:10

Hii huna atohka anubarmii mi hendonii hutoh ho giigela da, ho hiikaho hang drih nyima mihmi liichi giidopa

GELESIA 5:22

Hojalo Yajiyallo ka ahee hii hensu nii, hempyo, chimie, pigiinii, helakala, aya, lotii,

2 TIMOTI 1:7

niimpalukoda Pinii ngunumi biisoniika yajiyallo mi bimake hojalo harchichike ka yajiyallo miike ho hensunii ho hendimiidi.

1 JON 4:12

Miyu kone hetrḛ Pinii mi ronge tiirḛ kapama; ngunu matiirḛ kone anyañmi hensu dokoda, Pinii ngunu ko giige tola do ho mohka hensunii digoabiaya giido ngunu ko.

1 JON 2:29

Nunu matiirḛ chindo koda mo denki hiila, nunu chinkiñdo kone abi hutiina denki mi miidonii hii mohloka bukonii.

JON KA AYAPUYU 17:3

Ho siikasi santḛrlamanii sango, mohlu hiila chindokoda no kontiisii jije Pinii, ho Jisu Kristo humina no kiiniñ tiinii.

2 KORINTIA 4:6

Niimpalukoda siikasi Pinii ke lunenii, “Hutoh mi kamo hokii byoliñ kiineto,” huna ngunuka ahha ho kakiñ tiinii chiniiñ ka hutoh Pinii ka tatukatu mi Kristo ka nyimo ho byoke nentii nii.

GELESIA 4:9

hojalo siisi nunu Pinii mi chindo ku, malo Pinii lo chinko doku, niihtañpa nunu inkur kupa ajju ho myadonii yajiyallo ko, niimpa hiira nunu rongeta miira pa lyinado?

JON KA AYAPUYU 13:34

Niti lujubiniiñ ngo nunumi biso, nunu kone anyañ mi hensu tolya; ngiika nunumika henchañho, hiichuli nunu tiirḛ kone anyañ mi hensu tolya.

1 KORINTIA 8:3

Hojalo kone matiirḛ Pinii mi hendo koda, kone hii mohlo chinko do.

1 JON 2:3

Ho siika silo ngunu henjedo ngunu mohmi chindu hiila, ngunu matiirḛ mohka lujubiniiñ atañmi atii biido koda.

1 JON 2:4

Mo huna ludonii, “Ngo mohmi chindu” hojalo mohka lujubiniiñ takho dokoda gollu niike, ho jije hii mohko giima;

1 JON 2:7

Heniiñja, ngo nunumi niti lujubiniiñ mi kema lyike, hojalo khu lujubiniiñ nii mina nunuko bilo kii dotiinii lotujaho hokii; khu lujubiniiñ hiika aguñke nii mina nunu tapa tiinii.

1 JON 3:9

Kone hetrḛ huna Pinii lo buko tiinii ingyamiigya ma; niimpalukoda Pinii ka henju hii mohko giigela do, ho mo ingyamiigya lakiñma niimpalukoda mo Pinii loka buko nii.

1 JON 4:11

Heniiñja, Pinii matiirḛ hiimkane ngunumi hentii koda, ngunu tiirḛ kone anyañmi hensu kendo.

1 JON 4:16

Hopa ngunu chindo ho henjedu Pinii ka ngunupa heniiñmi. Pinii hensunii, ho hii huna hensu niimi giige donii Pinii ko giigedo, ho Pinii mohko giigela do.

1 JON 5:1

Kone abi huna henje donii Jisu mi Kristo hiila hii Pinii ka wiinga, ho kone abi huna annii-aba mi hendonii hii wiinga mitrḛ hendo.

2 JON 1:5

Ho siisi ngo niimi yardu, nyimii, niti lujubiniiñ mi ngo kelyi hiila make, hojalo ngunukoka donii lotuja hokii, hiikahii ngunu kone anyañ mi hensu kendo.