1 JON 4:6 - NITI GONTU N.T. (BSI)

⁶ Ngunu Pinii kii. Hujalo Pinii mi chindo ngunumi tagedu, ho hii huna Pinii kokii manii ngunuka luniiñmi tama. Siika silo ngunu chindo jije ka yajiyallo mi ho amuh yajiyallo mi.

1 JON 4:6 ပူးပေါင်းရင်းမြစ်များ

JON KA AYAPUYU 14:17

jijeka Yajiyallo tiirḛ, humina dohadolo si larii lamanii, niimpalukoda mohmi kapa lama malo mohmi chinya ma; nunu mohmi chindo, niimpalukoda mo nunuka agiñho da, ho nunuko giikiñdo.

JON KA AYAPUYU 10:27

Ngiika subuñ ngiika aguñmi tadu, ho ngo mohlumi chindu, ho mohlu ngiimi imbo du;

JON KA AYAPUYU 15:26

Hojalo niidana Hembyuñnii ahchinii, humina ngo nunuko Aba kokii kiiniñ talyinii, jije ka Yajiyallo mitrḛ, huna Aba kokii lindonii, mo ngiipa haki lyibi kendo;

1 JON 4:1

Heniiñja, yajiyallo koneabi mi henje lyayo, hojalo tenka tolya yajiyallo mi siika atañsi Pinii kokii siipeha hiila; niimpalukoda abuje amuh nyibuhenii dohadolo so linya ne.

1 JON 4:4

Himme atu atañ, nunu Pinii kokii ke, ho hiika atañmi pamiñ tiiku; niimpalukoda mo huna nunuka ura ho dunii hii siika dohadolo daka doniimi kaye yake.

JON KA AYAPUYU 18:37

Pailet mohmi lutii, “Hokoda no radde ha?” Jisu lusitii, “No ludo ngo radde hiila. Sipa ngo bukotii, ho sipa ngo siika dohadolo so ahdu, jije mi haki bidu pa hiila. Kone abi huna jije hokii nii hiika hii ngiika aguñmi tadu.”

1 KORINTIA 14:37

Mi kone matiirḛ hendo koda mo nyibuhenii hiila, malo yajiyallo ho danii hiila, mohmi chinke nento niihna ngo ketiinii hii Attoh kokiika miitolya lunii hiila.

2 TESOLONIA 1:8

herudopa miisi kendo hutiina Pinii mi chimanii ho huna ngunu Attoh Jisu Kristo ka ayapuyu mi taliila miimanii.

JON KA AYAPUYU 16:13

Niida jije ka Yajiyallo ahchi, mo nunumi ingii kendoke hikha jije ho; niimpalukoda mo attoh ka otority lo lukiñ make, hojalo mo niihmi tapado hiimi sii lukiñ siido nii, ho mo nunumi luko kendo drih atañ ahsa niimi.

1 JON 4:8

Hii huna hensu manii Pinii mi chima; niimpalukoda Pinii hensu niike.

1 TIMOTI 4:1

Siisi Yajiyallo didḛrpa lukoda ahlyinii myodu ho tonge henje hokii impagiikiñ do amuh yajiyallo atañmi tajela ho igii atañka tonsḛrniimi,

JON KA AYAPUYU 13:20

Jijeloda, jijeloda, ngo nunumi lukoso, huna kone mijalo ngiika kiiniñ niimi karii donii; ho huna ngiimi karii donii hii mohmi kariido huna ngiimi kiiniñ tiinii.”

JON KA AYAPUYU 8:19

Hopa mohlu mohmi lutii, “No niika Aba?” Jisu lusitii, “Nunu ngiimi tiirḛ malo ngiika Aba mitrḛ chima; nunu matiirḛ ngiimi chintii koda, nunu ngiika Aba mitrḛ chintiido.”

LUK KA AYAPUYU 10:22

Hikha drih atañmi ngiika Aba ngiimi bitii; ho kone hetḛr chima hu Oho hiila Aba kontiisii, malo hu Aba hiila Oho kontiisii ho hutii mina Oho kahe tiinii mohmi kakiñ dupa.”

JUD KA SIITI KENIIÑ 1:17

Hojalo nunu hennge giikiñdo loda, heniiñja, Attoh Jisu Kristo ka kiiniñkonii atañka hiila lyikiñdo hiilaka kamyo niimi;

2 PITAR 3:2

niimpalukoda nunu hempa to darii nyibuhenii atañka lumyo niimi ho Attoh ho Lyangur boka lujubiniiñmi nunupaka kiiniñkonii atañ kiilo.

2 KORINTIA 10:7

Kato niihna niika amee ka hataho donii. Mi kone matiirḛ jije ngo Kristo ko da hiila hensu dokoda, hiimi atohmi hempa siido pa miito niihtañpa mo Kristo ko da, hiichulipa ngunu tiirḛ dake hiila.

ROM MIKA POL KA SIITI KENIIÑ 11:8

hiila ketola do, “Pinii mohlumi hendḛr lama niika yajiyallo bitii, amee mi kapalama dopa ho yaroo mi tapalama dopa, siilo ka allo lohepa.”

ROM MIKA POL KA SIITI KENIIÑ 1:1

Pol, Jisu Kristo ka miira, kiiniñkonii paka gyoliñ nii, Pinii ka ayapuyu paka atii tiingunii

JON KA AYAPUYU 20:21

Jisu hiira mohlumi lutii, “Chimie nunu agiñho dokiñcho. Niihtañpa Aba ngiimi kiiniñtii, hiichulipa ngo nunumi kiiniñ biilyi ke.”

JON KA AYAPUYU 10:16

Ho ngiikii ponge ya subuñ da, hiika atañhii siika giiri hokiima; ngo mohlumi tiirḛ ahgii kendo, ho mohlu ngiika aguñmi tage kendo. Hopa hiikaho subuñ tonge, subuñsornii konesii dakiñ siidonii,.

JON KA AYAPUYU 8:23

Mo mohlumi lutii, “Nunu akañ hokiike, ngo ayoh hokii; nunu siika dohadolo hokii, ngo siika dohadolo hokii make.

JON KA AYAPUYU 10:3

Hiipa alyeh kalyabo miiko bikiñdo; subuñ mohka aguñmi tapa kendo, ho mo mohka attoh subuñ mi armyañ gyobiidola gyokiñdo ho mohlumi agoho lingii kendo.

1 JON 5:19

Ngunu chindo ngunu Pinii kii hiila, ho hikha dohadolo si igii koneka harchichike ka ura ho do hiila.