1 JON 4:20 - NITI GONTU N.T. (BSI)

²⁰ Mihkone matiirḛ ludo koda, “Ngo Pinii mi hendu,” ho mohka atoh anubarmii mi hema dokoda, mo gollunii; niimpalukoda hii huna atoh anubarmii mi hemanii humina kapa la danii, hela kema Pinii mi humina mo kapa manii.

1 JON 4:20 ပူးပေါင်းရင်းမြစ်များ

1 JON 3:17

Hojalo mihkone matiirḛ dohadolo ka drihpachi biido koda ho mohka anubarmii hiimi anna do hiila kapa dokoda, hojalo mohka ahha mohmi hiimi bina mapa hendo koda, niihtañpa Pinii ka heniiñ hii mohko do hiila luchi?

1 JON 2:9

Hii huna ludonii mo hutoh ho da hiila ho mohka anubarmii mi kanañ mapa miido koda siisi jalo kamo ho darañ.

1 JON 4:12

Miyu kone hetrḛ Pinii mi ronge tiirḛ kapama; ngunu matiirḛ kone anyañmi hensu dokoda, Pinii ngunu ko giige tola do ho mohka hensunii digoabiaya giido ngunu ko.

1 JON 2:4

Mo huna ludonii, “Ngo mohmi chindu” hojalo mohka lujubiniiñ takho dokoda gollu niike, ho jije hii mohko giima;

1 JON 2:11

hojalo hii huna atohka anubarmii mi kanañ mapa miidonii hii kamo hoke danii ho kamo hoke indonii, ho chimake mo no indo hiila, niimpalukoda kamohii mohka amee mi micha dopa miibii do.

1 PITAR 1:8

Hang kapa mapa mohmi nunu hendo; nunu siisi mohmi kapamasu nunu mohmi henjeda ho hempyo nyada hiimkane uro hempyo ka agiñho hiimi luko hetḛr luko lama.

1 JON 1:6

Ngunu matiirḛ ludo koda ngunu mohka agiñho dukuñ mondu hiila lubii dola ngunu kamo ila dokoda, ngunu golludo ho jije ho ngunu sama;

JON KA AYAPUYU 13:35

Siika silo hikha miyuatañ chinkiñ doke nunu ngiika henjeajiñ atañ hiila, nunu matiirḛ kone anyañmi hensu dokoda.”

1 JON 1:8

Ngunu matiirḛ ingyamiigya ma ludo koda, ngunu atohmi gollu siido, ho jije hii ngunuko giima.