1 JON 4:14 - NITI GONTU N.T. (BSI)

¹⁴ Ho ngunu kapa tiiku ho pyakodu Aba mohka atoh Oho mi kiiniñtii dohadolo mika lyangur niipa.

1 JON 4:14 ပူးပေါင်းရင်းမြစ်များ

1 JON 4:10

Siika sike hensu nii, hiila ma ngunu Pinii mi hentola hiila hojalo mo ngunumi hentii ho mohka Oho mi kiiniñtii ngunuka ingyamiigya niipa bili bidupa hiila.

JON KA AYAPUYU 4:42

Mohlu annii akha mi lutii, “Siikasi niika luko hopa kontii ngunu henje make, niimpalukoda ngunu miilañ attohpa tapatii, ho ngunu chindo siikasi jijeloda dohadolo mika Lyangur nii hiila.”

JON KA AYAPUYU 1:14

Ho Aguñ hii asiialyo pa lyitii ho ngunuka punkoho duhatii, aroh-aya la jije poteje giitola; ngunu ko mohka tatukatu hii do, hiila ka tatu katu mo Aba ka hiiro kone kontii.

JON KA AYAPUYU 1:29

Allo lohe yaho mo Jisu mi mohkii dalyi ahla dopa kappatii, ho lutii, kato, Pinii ka subuñ atu, huna dohadolo ka ingyamiigya niimi bapa bidonii!

1 JON 5:9

Ngunu matiirḛ miyu ka pyako niimi larii dokoda, Pinii ka pyakonii hii kaye yake; niimpalukoda siikasi Pinii ka pyakonii hiikahii mo mohka Oho mi haki bitii.

1 PITAR 5:12

Silvanas kokii, lotii anu konepa ngo mohmi khiidu, ngo nunumi tudiipa pa kebii lyike, harolupala ho lukola siikasi jije Pinii ka aroh-aya ke; so alḛrpa dato lya.

JON KA AYAPUYU 12:47

Hujalopa ngiika kolobiisie mi matiirḛ tapa lala ho hiimi atii biima koda, ngo mohmi ayakacho kalii make; niimpalukoda ngo dohadolo so ayakacho kapa ahma hojalo dohadolo mi lyangur dupa.

JON KA AYAPUYU 5:39

Nunu piniipota mi medo, niimpalukoda nunu hendo hiiko santḛrlamanii sango do hiila; ho hiika atañke ngiipa haki bitiinii;

JON KA AYAPUYU 3:34

Niimpalukoda humina Pinii kiiniñ tiinii Pinii aguñ luliñla doku, niimpalukoda khuka biidola mo yajiyallo mi bimake;

MIINIIÑ 18:5

Sailas la Timoti nyi Masedonia hokii ahchi biikiile, Pol tonsḛrkhenyo niimi chibiitii, Jew atañmi lukola Jisu ke Kristo hiila.

JON KA AYAPUYU 10:36

nunu mohmiha ludu nii Aba ka dariimiila lala ho dohadolo hoka kiiniñ niimi, No nipadake, niimpalukoda ngo lutii, Ngo Pinii ka Oho hiila?”

JON KA AYAPUYU 3:32

Mo hakipa du nii mina mo kappa tiinii ho tapa tiinii, hojalo kone hetḛr mohka pyakoniimi talii matii;

JON KA AYAPUYU 3:11

Jijeloda, jijeloda, ngo niimi lukoso, ngunu ludu niihmi ngunu chindo, ho hakipa dudu niihmi ngunu kappatii; hojalo no ngunuka pyakoniimi taliima.