1 JON 3:5 - NITI GONTU N.T. (BSI)

⁵ Nunu chindo mo ahtii ingyamiigya niimi lapa biidupa hiila, ho mohko hang ingyamiigya giima.

1 JON 3:5 ပူးပေါင်းရင်းမြစ်များ

2 KORINTIA 5:21

Niimpalukoda ngunu kiipa mohmi ingyamiigya niipa miitii huna ingyamiigya luniiñ mika chima niimi, niimpalukoda ngunumi Pinii ko denki hiila miidupa hiila.

HIBRU 9:28

hopa Kristo, rongepa bisutii abujeka ingyamiigya atañmi bagii dupa, ahti kendo ronye niipa, ingyamiigyaniimi miilyañ dupa hiilama hojalo lyangur dupa huna mohmi kalya rela dunii.

1 PITAR 3:18

Niimpalukoda Kristo tiirḛ shiibitii ingyamiigyanii kiipa rongepada miilañ rupa, denki mi ingyamiigya kiipa, niimpalukoda mo ngunumi Pinii ko ahgii dupa, asiialyo mi shiike nela la hojalo yajiyallo ho turke nentii;

1 PITAR 2:24

Mo ngunuka ingyamiigya atañmi bapa bitii mohka apo ho pogyañho, niimpalukoda ngunumi ingyamiigya ho shiike nendu kupa ho denki ho sanke nendu kupa. Mohka une giiko hopa nunumi miipya tiiku.

HIBRU 9:26

niimpalukoda hopa mo hiimi heru hentiñ hentiñ hendo pa lyitii dohadolo mika liidi rabii jaho hokii. Hojalo hii hiila siila, mo ronge pada hikha rupa ahtii kamikalo ka santuñho ingyamiigya mi lapa bidupa hiila mo atohmi membi shiibii dola.

JON KA AYAPUYU 1:29

Allo lohe yaho mo Jisu mi mohkii dalyi ahla dopa kappatii, ho lutii, kato, Pinii ka subuñ atu, huna dohadolo ka ingyamiigya niimi bapa bidonii!

MIHUKAKIÑNIIÑ 1:5

ho Jisu Kristo lotii haki binii boko hokii, shiinii hokiika kapyo japa ka bukonii, ho kiiddiapiñ daka radde atañ mika sangiinii. Mohmi huna ngunumi hendonii ho ngunumi dasḛr miitiiku ngunuka ingyamiigya atañ hokii mohka ai lo

1 JON 1:7

hojalo ngunu matiirḛ hutoh ho indo koda, niihtañpa mo hutoh ho da, ngunu kone anyañ ka agiñho dukuñ siidoke, ho mohka Oho Jisu ka ai ase duke ngunumi kapane ingyamiigya hokii.

1 JON 1:2

sango mika kapa dopa miilyiho, ho ngunu hiimi kappatii, ho hiimi pyakodu, ho nunumi gyukodu santḛrlamanii sangomi niihna Aba ko donii ho ngunumi kapa dopa miitiinii,

TAITAS 2:14

huna mo atohmi ngunupa bisu tiinii ngunumi tupya dukupa hikha kacho hokii ho darii miidupa mohpa mohka atoh miyupa miidupa huna aya miigo atañmi miinala hendo nii.

1 PITAR 2:22

Mo hang ingyamiigya miima sii; mohka nyachu ho hang lugyanii kapa masu.

HIBRU 1:3

Mo Pinii ka tatukatu mi byokur lingiido ho mohka tiihoniiñ henjujami giido, siichañmiido mi mohka aguñka harchichikelo gatu biitola. Mo ingyamiigyanii atañmi darii miite hekula, mo Pinii kahejaka lahbi alah ho duku.

1 TIMOTI 1:15

Luniiñsi jije ho khiiniiñ poteje talii mondopa giido, Kristo Jisu dohadolo so ahtii ingyamiigyanii atañmi lyangur dupa hiila. Ho ngo ingyamiigyanii atañ hopa koda akhoja;

METHU 1:21

mo milobo oho kone bukiñ do, ho nunu mohka armyañ mi Jisu hiila gyokiñ do, niimpalukoda mo miyu atañmi mohluka ingyamiigya hokii lyangur kendo”.

1 JON 2:1

Ngiika himme atu atañ, ngo siimi nunumi kedu niisi nunumi ingyamiigya mayapa hiila; hojalo mih kone matiirḛ ingyamiigya dokoda, ngunu mika lubinii du Aba ka agiñho, Jisu Kristo denki bo;

1 PITAR 1:20

Mohmi kaye kapyo tola dotiiku dohadolo mika liidi rammarampa hojalo kakiñtii kamikalo myodu jaho niimpalukoda nunukiipa.

HIBRU 4:15

Niimpalukoda ngunuka bukuñ nyibu hiitañ make huna ngunuka ajjuho ngunumi kalyañ lakiñ manii, hojalo kone humina kapane drih ho tenka tiikunii ngunu mika tenchañ ho, hojalo hang ingyamiigya giimanii.

HIBRU 7:26

Niimpalukoda siikasi ayado ngunupa sitañ bukuñ nyibu duniiñ si, darii, pahañhansa giimanii, miibḛrmanii, ingyamiigyanii atañ hokii ponsa miiniiñ, dariiganda atañmi haho yapa assañtii.

1 TIMOTI 3:16

Jije Kahe, ngunu khakodu, michilamanii ngunu henjeniimi: Mo asiialyoho kakiñ kotii, yajiyallo ho diigolugo giimatii, miidopopi atañlo kapa kotii, miyuatañ ka punkoho tonsḛrkhenyo kotii, henje kotii dohadoloso, tatukatu dopa chagii kotiiku.

JON KA AYAPUYU 14:30

Ngo nunumi ano lurii lukañ takuñ make, niimpalukoda siika dohadolo mika sangiinii ahla do. Mo ngiimi harchichike giimiñ lakiñ make;

JON KA AYAPUYU 8:46

Hu nunu kokii hu halii lakiñdo ngo ingyamiigyanii hiila? Ngo matiirḛ jije mi luko dokoda, niimpa nunu ngiimi taje nyama?

JON KA AYAPUYU 1:31

Ngotiirḛ ya mohmi kachiñma; hojalo ngo sipa ahdu yasie lo baptisma bidupa hiila, niimpalukoda mohmi Isrel mi kakiñ kiine dupa.

LUK KA AYAPUYU 23:47

Siisi sipahi sabii siika lyiniiñ siimi kappa lala, mo Pinii mi assañtii, ho lutii, “Jije siika miyusi hang miigyamatii!”

LUK KA AYAPUYU 23:41

Ho ngiinyi miyade miidiko miida; niimpalukoda ngiinyi yadiñde ngiinyi ka miigya kopa haliikotii; hojalo siika miyu si hang miigya ma.”

1 PITAR 1:18

Nunu chindo nunumi tupya tiiku piigoamanii lembo atañ hokii nunuka aba apa atañ kokiika pensi koniiñ hokii, lyusanii drih atañ loma rupu malo ayyiñ,

1 JON 2:2

ho mo ngunuka ingyamiigyanii atañpa atohmi bisutii, ho ngunupa kontiima hojalo hikha dohadolo ka ingyamiigyanii atañpa.

1 JON 2:29

Nunu matiirḛ chindo koda mo denki hiila, nunu chinkiñdo kone abi hutiina denki mi miidonii hii mohloka bukonii.

1 JON 3:8

Mo huna ingyamiigya donii hii igii kokii; niimpalukoda igii si lotu jaho hokii ingyamiigyanii. Pinii ka Oho ahdo paka lyiniiñsi igii ka miigo miiniiñmi pyadu dupa hiila.