1 JON 3:14 - NITI GONTU N.T. (BSI)

¹⁴ Ngunu chindo ngunu shiiniiñ hokii impo biila sango ho daku, niimpalukoda ngunu anubarmii mi hendu. Mo huna hensu manii shiinii ho giige tola do.

1 JON 3:14 ပူးပေါင်းရင်းမြစ်များ

1 JON 5:2

Siika silo ngunu chindo ngunu Pinii ka wiinga atañmi hendu hiila, niida ngunu Pinii mi henchi ho mohka lujubiniiñmi talii la miichi.

JON KA AYAPUYU 13:35

Siika silo hikha miyuatañ chinkiñ doke nunu ngiika henjeajiñ atañ hiila, nunu matiirḛ kone anyañmi hensu dokoda.”

1 TESOLONIA 4:9

Hojalo anubarmii mika hensu nii piigoho nunu kone lotrḛ keko dopa lyima, niimpalukoda nunu atoh loda Pinii lo luko kotii niihtañ pana kone anyañ hensu kendonii;

JON KA AYAPUYU 5:24

Jijeloda, jijeloda, ngo nunumi lukoso, hii huna ngiika aguñmi tadonii ho mohmi henje donii ngiimika kiiniñ bomi, mohko santḛrlamanii sango do; mo ayakacho kako ahkiñma, hojalo shiigo mi impo biila sango ho daku.

1 PITAR 1:22

Nunuka yallomi darii miibii dola nunuka luniiñ talii niilo jijemi, jijeka anubarmii hensu niilo, kone anyañmi hempḛr uropa hensu tolya ahha lo.

METHU 25:40

Ho Radde mohlumi luko lusi kendo, Jijeloda, Ngo nunumi lukoso, nunuka siika khiima janii ngiika anubarmii atañ mika kalyañ nii hii, nunu ngiimi ke kalyañ donii.

HIBRU 13:1

Anubarmii pa hensu niimi henka ari hensuto.

JON KA AYAPUYU 15:12

“Siika sike ngiika lujubiniiñ, nunu kone anyañ mi hensu to ngiika nunu mika henchañho.

1 JON 4:12

Miyu kone hetrḛ Pinii mi ronge tiirḛ kapama; ngunu matiirḛ kone anyañmi hensu dokoda, Pinii ngunu ko giige tola do ho mohka hensunii digoabiaya giido ngunu ko.

1 JON 3:23

Ho siikasi mohka lujubiniiñ, hiikahii ngunu henje kendo mohka Oho Jisu Kristo ka armyañ mi ho kone anyañmi hensu kendo, mohka ngunumika lujubiniiñ hiilyañ.

1 PITAR 3:8

Kamijapa, nunu miilañru, yajiyallo mi konepa giitolya, aroh siila, anubarmii ka hensu henchañho, biinyah ahha lo ho yanu henjulo.

KOLOSIA 1:4

niimpalukoda ngunu nunuka henje mi tapatii Kristo Jisu ko ho hensunii nunuka hikha piniimiyu atañ paka heniiñmi,

IPISIA 1:15

Siika piigopa, niimpalukoda ngo tapatii nunuka Atoh Jisu mika henje niimi ho nunuka hensu niimi hikha piniimiyu atañpa,

1 JON 5:13

Ngo siika siimi kedu nunumi hutiina henje nyadonii Pinii ka Oho ka armyañ mi, niimpalukoda nunu chindupa nunuko santḛrlamanii sango hii do hiila.

JON KA AYAPUYU 15:17

Siika sike ngo nunumi lubii lyiniiñ, kone anyañmi hensu tolya.

1 JON 2:3

Ho siika silo ngunu henjedo ngunu mohmi chindu hiila, ngunu matiirḛ mohka lujubiniiñ atañmi atii biido koda.

2 PITAR 1:7

ho piniisanju agiñho anubarmii hensumyañsu niimi, ho anubarmii hensumyañsu niika agiñho hensu niimi.

IPISIA 2:5

ngunuka shiila ka doho ho ngunuka pallenii hokii, ngunumi turdo miitii Kristo ka agiñho (aroh-aya loke nunumi lyangur tiinii),

2 KORINTIA 5:1

Niimpalukoda ngunu chindo kiiddiapiñ daka ngunuka tabyo mi matiirḛ mudu siitii jalo, ngunuko ude do Pinii kokii, alah loka ude peniiñ mapa, lyulasamanii dariiganda ho.

IPISIA 2:1

Ho nunumi mo turdo miitii, nunuka shiila ka doniiñ hokii pallenii la ingyamiigyanii atañ ho

GELESIA 5:22

Hojalo Yajiyallo ka ahee hii hensu nii, hempyo, chimie, pigiinii, helakala, aya, lotii,

LUK KA AYAPUYU 15:32

Si sola diilatala ho hempyo dopa lyidoke, niimpalukoda siika niika anu si shiine kuke, ho turidokuke; mo lyune, ho patii kuke.”

LUK KA AYAPUYU 15:24

niimpalukoda siika ngiika oho si shiineku, ho hiira turi doku; mo lyune, ho patiiku. Ho mohlu hempyopa soritii.

LUK KA AYAPUYU 7:5

niimpalukoda mo ngunu ganda mi hendo, ho mo ngunuka sinagog mi pembi.”