1 JON 3:10 - NITI GONTU N.T. (BSI)

¹⁰ Siika silo kala lakiñdo huna Pinii ka wiinga hiila, ho huna igii ka wiinga: hujalopa miidiko miiniiñmi miima hii Pinii kiima, malo hii huna atohka anubarmii mi hemanii.

1 JON 3:10 ပူးပေါင်းရင်းမြစ်များ

1 JON 4:8

Hii huna hensu manii Pinii mi chima; niimpalukoda Pinii hensu niike.

3 JON 1:11

Heniiñja, diimmah mi kagii lyayo hojalo aya mi kagii tolya. Mo huna aya miidonii hii Pinii kokiike; mo huna diimmah miidonii mo Pinii mi kapa make.

1 JON 4:21

Ho siika lujubiniiñsi ngunu koka doniisi mohkokii ke, hiikahii huna Pinii mi hendo nii atohka anubarmii mitrḛ hento.

JON KA AYAPUYU 8:44

Nunu nunuka aba igii kokii, ho nunuka heniiñ hii nunu aba ka henko ho miichi hiila. Mo lotu jaho hokii miyumenii, ho jije agiñho hang miisa nyimake, niimpalukoda mohko hang jije giima. Mohka amuh lyiho, mo ludu mohka atoh henju jaho, niimpalukoda mo gollunii ho golluka aba.

METHU 13:38

aji luniiñsi dohadolo ke, ho aya kormo luniiñsi raddeganda ka oho atañ; tagurenso luniiñsi diimmah ka oho atañ ke,

JON KA AYAPUYU 8:47

Mo huna Pinii kokiinii hii Pinii ka aguñmi tadu; niimpa nunu hiimi tama lukoda nunu Pinii kokiima.”

LUK KA AYAPUYU 6:35

Hojalo nunumika ahha baniimi hentolya, ho aya miibito, ho narto, hang lakutalyi ku hiila helyayo; ho nunupaka ajunii ano kaye kendoke, ho nunu kayejaka oho pa lyikiñ doke; niimpalukoda mo helakala duke henchiñ manii mila ho henchi hehi henii bomi.

1 JON 4:6

Ngunu Pinii kii. Hujalo Pinii mi chindo ngunumi tagedu, ho hii huna Pinii kokii manii ngunuka luniiñmi tama. Siika silo ngunu chindo jije ka yajiyallo mi ho amuh yajiyallo mi.

IPISIA 5:1

Hopa Pinii mi katiñnanto, heniiñja himme atañ hiilyañ.

1 JON 5:2

Siika silo ngunu chindo ngunu Pinii ka wiinga atañmi hendu hiila, niida ngunu Pinii mi henchi ho mohka lujubiniiñmi talii la miichi.

1 JON 2:29

Nunu matiirḛ chindo koda mo denki hiila, nunu chinkiñdo kone abi hutiina denki mi miidonii hii mohloka bukonii.

MIINIIÑ 13:10

ho lutii, “No igii ka oho, no hikha lotiiniiñ niimika ahha banii, poteje gollumisu ho diimmah giitola, no miitiñ masuha pakupalya parda mi miibii dola Pinii ka lembo mi?

1 JON 5:19

Ngunu chindo ngunu Pinii kii hiila, ho hikha dohadolo si igii koneka harchichike ka ura ho do hiila.

JON KA AYAPUYU 1:12

Hojalo hikha hutiina mohmi lariitiinii, hutiina mohka armyañ mi tajetiinii, mo harchichike mi bitii Pinii ka oho pa lyidopa;

JON KA AYAPUYU 11:52

ho ganda kontii pamapa, hojalo Pinii ka oho atañmi gyokuñ dukupa hutiina adhoganda ho gyapya gyasa nyatiinii.

ROM MIKA POL KA SIITI KENIIÑ 13:8

Kone tiirḛ hangdrih gyandi giilyayo, hensuniimi kontii apa lala; niimpalukoda huna hendonii atohka ariapii mi hii dapo hoka luniiñmi miitii kuke.

KOLOSIA 3:14

Ho hikha siika atañ siimika hahoho hensu niimi atii tolya, niihna kapanemi ngapo tola atii dunii tongepa ahiñ hehiñ dopa.

1 TIMOTI 1:5

hiilamapa ngunuka nunumika miitote hiila ka luniiñsi hensuniimike niihna darii ahha hokii lindonii ho henju aya ho denki henje hokii.

1 JON 3:1

Kato niihtañ hensunii Aba ngunumi bitii, ngunumi Pinii ka wiinga hiila gyoko dopa; ho hiila ngunu, niimpa dohadolo ngunumi chima lukoda siika atañsi mohmi chima kopa.

1 JON 3:2

Heniiñja, ngunu Pinii ka wiinga atañke siisi; siikasi ahma ranke niihtañ kendo ngunu hiila, hojalo ngunu chindo mohka ahlyi kuho ngunu mo chuli kendo, niimpalukoda ngunu mohmi kapa kendo mo niihtañ hiitañpa.