1 JON 3:1 - NITI GONTU N.T. (BSI)

¹ Kato niihtañ hensunii Aba ngunumi bitii, ngunumi Pinii ka wiinga hiila gyoko dopa; ho hiila ngunu, niimpa dohadolo ngunumi chima lukoda siika atañsi mohmi chima kopa.

1 JON 3:1 ပူးပေါင်းရင်းမြစ်များ

JON KA AYAPUYU 1:12

Hojalo hikha hutiina mohmi lariitiinii, hutiina mohka armyañ mi tajetiinii, mo harchichike mi bitii Pinii ka oho pa lyidopa;

GELESIA 3:26

niimpalukoda Kristo Jisu ko nunu miilañru Pinii ka oho atañ kuke, henje kiilo.

2 KORINTIA 6:18

ho ngo nunuka aba pa lyikiñdo, ho nunu ngiika milobo ho nyimii wiinga atañ, Attoh Tamojabo ludo.”

JON KA AYAPUYU 17:25

O denki Aba, dohadolo niimi chima, hojalo ngo niimi chindu; ho siika atañ chindo no ngiimi kiiniñtii hiila.

JON KA AYAPUYU 3:16

Niimpalukoda Pinii dohadolo mi ano hela mohka Oho konekontii mi bitii, hujalopa mohmi henje talyi hii lyukiñma hojalo santḛrlamanii sango giikiñdo.

MIHUKAKIÑNIIÑ 21:7

Mo huna pamiñdonii siika pensi konii si dokiñdo, ho ngo mohka Pinii pa lyichi ho mo ngiika oho pa lyikiñdo.

ROM MIKA POL KA SIITI KENIIÑ 5:8

Hojalo Pinii ngunumi mohka heniiñmi kakiñtii ngunuka ingyamiigya laka darañho Kristo mi ngunu pa shiibi kiine biidola.

GELESIA 3:29

Ho nunu matiirḛ Kristo kiikoda, hokoda nunu Abraham ka ohoasi ke, pensi kokiñdo hemme biniiñ hiilyañpa.

ROM MIKA POL KA SIITI KENIIÑ 8:32

Mo huna atoh ka Oho mitrḛ atii siibii manii hojalo ngunupa hiila bipatii, mo ngunumi amane drih mi mo agiñho bikiñ mata ehna?

JON KA AYAPUYU 16:3

Ho mohlu siika simi miikiñdo niimpalukoda mohlu Aba mi chima, malo ngiimi tiirḛ.

KOLOSIA 3:3

Niimpalukoda nunu shiine ku, ho nunuka sango mi achuñ tiiku Kristo ka agiñho Pinii ko.

ROM MIKA POL KA SIITI KENIIÑ 8:21

niimpalukoda miiliñ luliñnii atañmi lohe atoh tupya kendoku miirapaka bukonii hokii ho hempyo tupya koku niimi kapa kendoku Pinii ka oho atañka agiñho.

LUK KA AYAPUYU 20:36

niimpalukoda mohlu shiidu hiila shiila keñkuma, niimpalukoda mohlu miidopopi la Pinii ka oho atañ ka ahiñpa lyidoku, turiturku kuniiñ ka oho atañpa lyilyi kunii.

JON KA AYAPUYU 11:52

ho ganda kontii pamapa, hojalo Pinii ka oho atañmi gyokuñ dukupa hutiina adhoganda ho gyapya gyasa nyatiinii.

JON KA AYAPUYU 15:21

Hojalo hikha siika atañ siimi mohlu ngiika piigo pake nunumi miikiñ donii, niimpalukoda mohlu mohmi chima huna ngiimi kiiniñ tiinii.

ROM MIKA POL KA SIITI KENIIÑ 8:19

Niimpalukoda miiliñ luliñnii atañ kalya rela doku Pinii ka oho atañ mika kakiñ saniiñ mi;

1 JON 3:2

Heniiñja, ngunu Pinii ka wiinga atañke siisi; siikasi ahma ranke niihtañ kendo ngunu hiila, hojalo ngunu chindo mohka ahlyi kuho ngunu mo chuli kendo, niimpalukoda ngunu mohmi kapa kendo mo niihtañ hiitañpa.

1 JON 3:10

Siika silo kala lakiñdo huna Pinii ka wiinga hiila, ho huna igii ka wiinga: hujalopa miidiko miiniiñmi miima hii Pinii kiima, malo hii huna atohka anubarmii mi hemanii.

1 JON 4:17

Siika so hensunii hii digoabiaya giido ngunuko, ngunumi hatii ladopa ayakacho kalyiko allo hopa, niimpalukoda mohka danii hiilyañ ngunu tiirḛ siika dohadolo so da.