1 JON 2:8 - NITI GONTU N.T. (BSI)

⁸ Hojalo ngo nunumi niti lujubiniiñ mi kebii lyike, niihna jijenii mohko ho nunuko, niimpalukoda kamo hii impala dokuke ho jije hutoh hii byohu la doku.

1 JON 2:8 ပူးပေါင်းရင်းမြစ်များ

IPISIA 5:8

niimpalukoda ronge nunu kamo ho dane, hojalo siisi nunu Attoh ko hutoh hoke danii; hutoh ka himme atañ hiilyañ into

ROM MIKA POL KA SIITI KENIIÑ 13:12

ayoh hii yoja talyi kuke allo hii tunii dokuke. Kiije ngunu kamo hoka miigolugo mi apakusa ho hutoh ka gyambogiiju mi giisa;

JON KA AYAPUYU 13:34

Niti lujubiniiñ ngo nunumi biso, nunu kone anyañ mi hensu tolya; ngiika nunumika henchañho, hiichuli nunu tiirḛ kone anyañ mi hensu tolya.

JON KA AYAPUYU 8:12

Hiira Jisu mohlumi lukotii, lubiidola, “Ngo dohadolo ka hutoh ke; huna ngiimi imbo monchinii hii kamo ho ingkiñ make, hojalo sango ka hutoh mi giikiñdo.”

JON KA AYAPUYU 1:9

Jijeka hutoh miyu kone abi mika byohu nii hii dohadolo ho ahtii.

JON KA AYAPUYU 12:46

Ngo hutoh pa lyila dohadolo so ahdu, niimpalukoda hujalopa ngiimi henjetalyi kamo ho duku madopa.

1 JON 4:21

Ho siika lujubiniiñsi ngunu koka doniisi mohkokii ke, hiikahii huna Pinii mi hendo nii atohka anubarmii mitrḛ hento.

1 JON 4:11

Heniiñja, Pinii matiirḛ hiimkane ngunumi hentii koda, ngunu tiirḛ kone anyañmi hensu kendo.

2 TIMOTI 1:10

ho siisi kakiñ tiiku ngunuka Lyangurbo Kristo Jisu ka ahniiñlo, huna shiiniiñ mi lapa tiinii ho sango la shiilamasaniimi ahgiitii ayapuyu kiilo.

2 KORINTIA 8:9

Niimpalukoda no chindo Attoh Jisu ka aroh-aya mi, mo mingo siitii tiirḛ, hojalo ngunu kiipa mo aroh pa lyitii, mohka aroh kopa ngunumi mingo kiine dupa.

MIINIIÑ 26:18

mohluka amee mi miiko kiine dupa, niimpalukoda mohlumi kamo hokii hutoh dalyiho mobokiine dupa ho Saitan ka harchichike hokii Pinii ko, niimpalukoda mohlumi ingyamiigyanii hokii hello koke nendupa ho hiika atañka agiñho atii dupa hutii mina ngiiko darii miitii kunii.’

MIINIIÑ 17:30

Henchiñ mapa ka myodu mi Pinii kagotii, hojalo siisi mo hikha miyu atañmi kapane hokiimi henkur tote hiila ludo,

LUK KA AYAPUYU 1:79

huna kamo la shiigo ubu nyiho dunii hiimi hutoh byohu kiine dupa, ngunuka alih mi chimie lembo ho pagii dupa.”

JON KA AYAPUYU 12:35

Jisu mohlumi lutii, “Hutoh si nunuka agiñ da ichu chesuke dasutalyinii. Into nii dahepa nunuko hutoh do, hiilamakoda kamosi nunumi miipu biichi ke; huna kamo ho indo nii chinsu make mo noh indo hiila.

METHU 4:16

kamo hoka miyu dunii atañ hempḛr uro hutoh kappatii, ho hutiina hiika ganda siiko ho dutiinii ho hutiina shiigo ubuho dunya tiinii hutoh byohu bitii.”

1 PITAR 1:21

Mohkiilo nunuko hentiñnanii do Pinii ko, huna mohmi shiinii hokii turdopa miitiinii ho tatukatu mi bitii nii, niimpalukoda nunuka henje ho hentiñ nanii hii Pinii ko dopa.

1 JON 3:23

Ho siikasi mohka lujubiniiñ, hiikahii ngunu henje kendo mohka Oho Jisu Kristo ka armyañ mi ho kone anyañmi hensu kendo, mohka ngunumika lujubiniiñ hiilyañ.