1 JON 2:5 - NITI GONTU N.T. (BSI)

⁵ hojalo hujalo mohka aguñmi atii biichi, mohko Pinii paka heniiñmi jije digoabiaya dopa miitii. Siika silo ngunu hentiñdo ngunu mohko du hiila:

1 JON 2:5 ပူးပေါင်းရင်းမြစ်များ

LUK KA AYAPUYU 11:28

Hojalo mo lutii, “Lyanko kendo hiiya hutiina Pinii ka aguñmi tadonii ho hiimi miidonii!”

JON KA AYAPUYU 14:21

Hii huko hona ngiika lujubiniiñ donii ho hiimi atii biido nii, hiike huna ngiimi hendo nii; ho hii huna ngiimi hendo nii ngiika Aba lo henko kendo, ho mohmi henchi ho ngo atohmi kakiñ siichi mohmi.”

JON KA AYAPUYU 14:23

Jisu mohmi lusitii, Miyu matiirḛ ngiimi hendo koda, mo ngiika aguñmi atii biikiñdo, ho ngiika Aba mohmi henkiñdo, ho ngunu mohko ahkiñdo ho ngunuka ude mi mohko penkiñdo.

JON KA AYAPUYU 15:5

Ngo rosannii ke, nunu halloh atañ ke. Hu ngiiko giigela du, ho ngo mohko, hiika hii mo ahee abuje hikiñdo, niimpalukoda ngiiko hokii giisa tola nunu hang miila kemake.

JON KA AYAPUYU 6:56

Huna ngiika apomi diidonii ho ngiika ai mi tandonii hii ngiiko da, ho ngo mohko.

ROM MIKA POL KA SIITI KENIIÑ 8:1

Hiiko hopa siisi hang khiiliisaniiñ nyima hiipa hutiina Kristo Jisu ko danii.

1 KORINTIA 1:30

Mohke nunuka sango sanginanii Kristo Jisu ko, humina Pinii ngunuka chilananiiñ pa miitiinii, ngunu mika denkigiiko ho dardḛkunii ho tupyabiniiñ ho;

2 KORINTIA 5:17

Hopa, mi kone matiirḛ Kristo ko dado kukoda, mo niti puniiñ ke; khu hii lyune kuke, kato, niti doku.

2 KORINTIA 5:21

Niimpalukoda ngunu kiipa mohmi ingyamiigya niipa miitii huna ingyamiigya luniiñ mika chima niimi, niimpalukoda ngunumi Pinii ko denki hiila miidupa hiila.

JEMS 2:22

Nunu kato henje hii mohka miigo miiniiñ ka agiñ hosu ayasiidonii, ho henje hii miigo miiniiñ losu lyipe giisu donii,

1 JON 3:24

Hikha hutiina mohka lujubiniiñ atii biidonii hii mohko giigedo, ho mo mohlukoho. Ho siika silo ngunu chindo mo ngunuko giigela do hiila, Yajiyallo nii mina ngunumi bitii nii.

1 JON 4:17

Siika so hensunii hii digoabiaya giido ngunuko, ngunumi hatii ladopa ayakacho kalyiko allo hopa, niimpalukoda mohka danii hiilyañ ngunu tiirḛ siika dohadolo so da.

1 JON 4:18

Hensu niiho hang biiso nyima, hojalo digoabiaya hensunii hii biiso mi mompa do. Niimpalukoda biiso hii miikhiiñnii hosu dosu donii, ho hii huna biiso donii hiika hensunii hii digoabiaya homa.

1 JON 5:2

Siika silo ngunu chindo ngunu Pinii ka wiinga atañmi hendu hiila, niida ngunu Pinii mi henchi ho mohka lujubiniiñmi talii la miichi.

1 JON 5:20

Ho ngunu chindo Pinii ka Oho ahtii ho ngunumi chila nanii bitii, mohmi chila dopa huna jije nii; ho ngunu mohko da huna jije nii, mohka Oho Jisu Kristo. Siikasi jije Pinii ho santḛrlamanii sango.

2 JON 1:6

Ho sike hensunii, hiikahii ngunuka mohka lujubiniiñ mika imbo moniihii; siika sike lujubiniiñ hii, niihtañpa nunu lotu jaho hokii tapane, hiikahii nunu hensuniiho imbo monto.

MIHUKAKIÑNIIÑ 12:17

Ho tabu hii hadiido annii akha mi, ho inneku gyambo padupa hiila hikha mohka ohoasi mi, hiika atañmi hutiina Pinii ka lujubiniiñ mi atii biinya donii ho Jisu pa pyako binya danii.

MIHUKAKIÑNIIÑ 14:12

Siika sike gyoniiñ pigiikiinedupa piniimiyu atañmi, hiika atañ hutiina Pinii ka lujubiniiñ mi atii biidonii ho Jisu ka henje mi.