1 JON 2:29 - NITI GONTU N.T. (BSI)

²⁹ Nunu matiirḛ chindo koda mo denki hiila, nunu chinkiñdo kone abi hutiina denki mi miidonii hii mohloka bukonii.

1 JON 2:29 ပူးပေါင်းရင်းမြစ်များ

1 JON 3:7

Himme atu atañ, kone lotrḛ talubalo koyo. Mo huna miidikomi miidonii hii denki ke, niihtañpa mo denki.

1 JON 5:1

Kone abi huna henje donii Jisu mi Kristo hiila hii Pinii ka wiinga, ho kone abi huna annii-aba mi hendonii hii wiinga mitrḛ hendo.

JON KA AYAPUYU 1:13

hutiina buko tiinii, ai loma malo asiialyo ka henko homa malo miyu ka henko homa, hojalo Pinii kokiila.

1 JON 4:7

Heniiñja, kiije ngunu koneanyañ mi hensusa; niimpalukoda hensuniisi Pinii kokiike, ho hii huna hensu donii hii Pinii loka buko niike ho Pinii mi chindo.

1 PITAR 3:18

Niimpalukoda Kristo tiirḛ shiibitii ingyamiigyanii kiipa rongepada miilañ rupa, denki mi ingyamiigya kiipa, niimpalukoda mo ngunumi Pinii ko ahgii dupa, asiialyo mi shiike nela la hojalo yajiyallo ho turke nentii;

JEMS 1:18

Mohka atoh henko jaho ngunumi puliñtii jije ka aguñlo niimpalukoda ngunumi mohka puniiñ hokii hitu ahee chikañ dopa.

1 JON 5:4

Niimpalukoda niijalopa Pinii lo bukodu dohadolo mi miimiñdu; ho siikasi pamiñniike dohadolo mika miimiñlyi ho, ngunuka henje lo.

MIINIIÑ 10:35

hojalo ganda ponge abi hujalo mohmi biiso talyi ho miidi komi miichi hiimi larii doke.

2 PITAR 1:4

niilona mo ngunumi bitii kunii mohka khiiniiñ ho hempḛr kahe hemme biniiñmi, niimpalukoda hiikiihiilo nunu hargii nandupa ayamanii hokii niihna dohadolo ho donii helyihembyo kiilo, ho piniihenju mika hembo niipa lyidu kupa.

1 PITAR 1:3

Payapacho Pinii mi ho ngunuka Attoh Jisu Kristo ka Abami! Mohka anokahe aroh kopa ngunu nitipa buko tiiku turnii hentiñ ho Jisu Kristo ka shiiniiñ hokii ka turiturku niilo,

HIBRU 7:26

Niimpalukoda siikasi ayado ngunupa sitañ bukuñ nyibu duniiñ si, darii, pahañhansa giimanii, miibḛrmanii, ingyamiigyanii atañ hokii ponsa miiniiñ, dariiganda atañmi haho yapa assañtii.

2 KORINTIA 5:21

Niimpalukoda ngunu kiipa mohmi ingyamiigya niipa miitii huna ingyamiigya luniiñ mika chima niimi, niimpalukoda ngunumi Pinii ko denki hiila miidupa hiila.

MIINIIÑ 22:14

Ho mo lutii, ‘Ngunu ka aba atañka Pinii niimi kahe tii mohka henju mi chinke nendupa, Denki kone mi kapa kiine dupa ho mohka aguñ hokii mohka luniiñ tapa kiine dupa;

3 JON 1:11

Heniiñja, diimmah mi kagii lyayo hojalo aya mi kagii tolya. Mo huna aya miidonii hii Pinii kokiike; mo huna diimmah miidonii mo Pinii mi kapa make.

1 JON 5:18

Ngunu chindo hujalo Pinii lo bukotii hii ingyamiigya ma hiila, hojalo hii huna Pinii lo buko tiinii hii mohmi atii biidu, ho igii kone mohmi tene lakiñma.

1 JON 3:5

Nunu chindo mo ahtii ingyamiigya niimi lapa biidupa hiila, ho mohko hang ingyamiigya giima.

1 JON 2:1

Ngiika himme atu atañ, ngo siimi nunumi kedu niisi nunumi ingyamiigya mayapa hiila; hojalo mih kone matiirḛ ingyamiigya dokoda, ngunu mika lubinii du Aba ka agiñho, Jisu Kristo denki bo;

1 PITAR 1:23

Nunumi nitipa buti tiikuke, lyula sanii kormo lomake hojalo lyula samaniiloke, turnii ho Pinii ka aguñ kiilo ke;

HIBRU 7:2

ho mohmi Abraham bibiido kapane hokii hakhualyañ hemi. Mo kapyo ja, mohka armyañ mika luko lusinii, denki ka radde, ho mo hiira Salem ka radde, hiika hii, chimie ka radde.

MIINIIÑ 3:14

Hojalo nunu Darii ho Denki kone mi mapa tiinii, ho miyu menii miya nunupa kutii,

JON KA AYAPUYU 7:18

Huna atoh ka otority lo ludonii hii atoh mi assañ shiipa miido; hojalo huna mohmi assañ dupa miidonii huna mohmi kiiniñ tiinii hii jije, ho mohko hang gollumisu giima.