1 JON 2:21 - NITI GONTU N.T. (BSI)

²¹ Ngo nunumi keduniisi, nunu jije mi chima hiilamake, hojalo niimpalukoda nunu siimi chindo, ho chindota gollu hii jije hokii pema lima hiila.

1 JON 2:21 ပူးပေါင်းရင်းမြစ်များ

2 PITAR 1:12

Hiikohopa ngo kiirañ hendu nunumi lupa du siika drih atañmi, nunu hiika atañmi chinsu dojalo ho jije ho nunu koka doniimi dodopa miisu tiijalo.

JUD KA SIITI KENIIÑ 1:5

Siisi ngo nunumi hempa dopa miinañdo, nunumi ronge pada luko siitii jalopa, hiika hii mo huna miyu atañmi lyangur tiinii Egip ka ganda hokii, hiikahiiba ho miidulotii hutiina henje matiinii.

JON KA AYAPUYU 8:44

Nunu nunuka aba igii kokii, ho nunuka heniiñ hii nunu aba ka henko ho miichi hiila. Mo lotu jaho hokii miyumenii, ho jije agiñho hang miisa nyimake, niimpalukoda mohko hang jije giima. Mohka amuh lyiho, mo ludu mohka atoh henju jaho, niimpalukoda mo gollunii ho golluka aba.

JON KA AYAPUYU 18:37

Pailet mohmi lutii, “Hokoda no radde ha?” Jisu lusitii, “No ludo ngo radde hiila. Sipa ngo bukotii, ho sipa ngo siika dohadolo so ahdu, jije mi haki bidu pa hiila. Kone abi huna jije hokii nii hiika hii ngiika aguñmi tadu.”

JEMS 1:19

Siika siimi chinto, ngiika heniiñja anubarmii atañ. Miyu kone abi nyibya tato, yanupa luto, yanupa hadiito,

1 JON 3:19

Siika silo ngunu chindo ngunu jije kii hiila, ho hiirapa hatii lupa do ngunuka ahha mi mohka hataho