1 JON 2:16 - NITI GONTU N.T. (BSI)

¹⁶ Niimpalukoda hikha dohadolo hoka donii hii, asiialyo ka muniiñ ho amee ka kalyikabyo ho sango ka hentii siiniiñ si, Aba kokii make hojalo dohadolo kiike.

1 JON 2:16 ပူးပေါင်းရင်းမြစ်များ

ROM MIKA POL KA SIITI KENIIÑ 13:14

Hojalo Jisu Kristo mi atii biisa, ho asiialyo ka henju pa atiibimasa, hiika henju mi miipe kiine dupa.

GELESIA 5:17

Niimpalukoda asiialyo ka heminii hii Yajiyallo mi chekhodo, ho Yajiyallo ka heminii hii asiialyo mi chekhodo; niimpalukoda siika atañsi kone anya mi chekho siido, nunumi miitiñ dupa niihna nunu miina doniiñ.

IPISIA 2:3

Siika atañka punkoho ngunu hikha ronge sambola dato ngunuka asiialyo ka hembyokabyo ho, asiialyoho ahha ka henju ho imbomola, ho hopa ngunu henju hokii hadii ka himme atañpa lyito, hikha khiibemiyu atañ hiilyañ.

JEMS 3:15

Siika chila si ayoh hokii tomake, hojalo kiiddiapiñ kiike, yajiyallo giimanii, igii kokii ke.

1 PITAR 2:11

Heniiñja, Ngo nunumi yarlyike nyibo ho monkoniipa khiisubiidola asiialyo ka helyihembyo hokii dasa giitolya hiika hii nunuka yallo miya ke gyambo pagii donii.

2 PITAR 2:10

ho luchila hiika atañmi hutiina kalyikabyo ho miibḛr nyadanii ho otority mi khiipa donii. Haro la ho miichi lodahiila henii, mohlu biiso nyama nyapakoyadupa tatukatu bomi,

TAITAS 2:12

ngunumi miinyolunyo giitii henje maniiñmi apato ho dohadolo ka helyihembyo atañmi, ho hendimiidipa santo hiila, lotii, ho piniihenju jaho santo hiila siika dohadolo so,

2 PITAR 2:18

Niimpalukoda, piigo ama niimi goropa khanya biidola, mohlu luhuluha do ayamanii asiialyo ka helyihembyo ho, hu miyu atañna gagḛr pala harliñ giitii kunii hiika atañ kokii hutiina miigyaniiho sala danii.

1 PITAR 1:14

Luniiñ tanii himme chuli, talyayo kapyo hoka nunuka chimapaka helyihembyo henjuho,

TAITAS 3:3

Niimpalukoda ngunu atoh tiirḛ ronge piicha toke, luniiñtamato, ngola dato, abuje helyihembyo la hempyo soniiñ ka miirapa lyito, ngunuka sango mi kanamapa ho kariñsiila ka miiniiñho santo, miyu atañlo kahu kola ho kone anyañmi kahu siila;

METHU 5:28

Hojalopa Ngo nunumi ludu hujalopa nyimii mi kalyikabyo la kadi talyi hii ipfyo tiiku mohka ahha ho hiika nyimii ka agiñho.

LUK KA AYAPUYU 4:5

Ho igii mohmi ayoh ho chagiitii, ho hikha dohadolo daka raddeganda mi kakiñtii ichuche myoduho,

GELESIA 5:24

Ho hutiina Kristo Jisu kiinii hiika hii asiialyo ka agiñho ledalala mentii ku helyihembyo la hemikami mi.

METHU 4:8

Hiira, igii mohmi hempḛr putoo ohoh ho chagiitii, ho hikha kiiddiapiñ daka raddeganda mi kakiñtii ho hiika halyiñ milyiñ kapyo mi;

1 KORINTIA 10:6

Siisi siika drih atañsi ngunupa luluñ naniiñ pake lyidonii, diimmah miigomi hema yapa hiila mohluka miiniiñ chulipa.

JEMS 4:16

Siika sitañpa, nunu khansu nyada nunuka hentii siiniiñho. Hikha siika khansu niisi diimmah ke.