1 JON 1:8 - NITI GONTU N.T. (BSI)

⁸ Ngunu matiirḛ ingyamiigya ma ludo koda, ngunu atohmi gollu siido, ho jije hii ngunuko giima.

1 JON 1:8 ပူးပေါင်းရင်းမြစ်များ

JON KA AYAPUYU 8:44

Nunu nunuka aba igii kokii, ho nunuka heniiñ hii nunu aba ka henko ho miichi hiila. Mo lotu jaho hokii miyumenii, ho jije agiñho hang miisa nyimake, niimpalukoda mohko hang jije giima. Mohka amuh lyiho, mo ludu mohka atoh henju jaho, niimpalukoda mo gollunii ho golluka aba.

ROM MIKA POL KA SIITI KENIIÑ 3:10

hiila keto la do: “Kone tiirḛ denki ma hiila, ma, kone tiirḛma;

ROM MIKA POL KA SIITI KENIIÑ 3:23

niimpalukoda miilañru ingyamiigyanii adiñ ho Pinii ka tatukatu hokii hupalyunya tiiku,

1 KORINTIA 3:18

Kone hetrḛ atoh mi talubalo siiyo. Nunuka punko hokii matiirḛ kone siika myodu so mo chila hiila hensu domilo, hiimi mohmi piicha pa lyike nento niimpalukoda mohmi chila kiine dupa.

GELESIA 6:3

Niimpalukoda mi kone matiirḛ atohmi ngotiirḛ konesii hiila hensu dokoda, mo hang masu tiirḛ, mo atohmi talubalosiido.

1 TIMOTI 6:5

ho miyu atañka punko hoka chessuniiñ huka henjuna surudonyonii ho jije hokii lyudo kuniiñ, henyadanii piniisanju hiike pasermiiliñ biiko lembo.

2 TIMOTI 3:13

diimmah miyuatañ la surudonyo atañ diimmah hokii diimmah yaya kendo, gollunii ho gollu kokiñdo.

JEMS 1:22

Hojalo luniiñ tabii dola miiniiñpa lyito lya, taniipa kontii lyilya yo, atohmi talubalo siinyala.

JEMS 1:26

Mi kone matiirḛ hendo koda mo piniihenju mika miinii hiila, ho mohka allyo mi pigii siila makoda hojalo mohka ahha mi talubalo siido, siika miyu ka piniihenju si piigo ama.

JEMS 3:2

Niimpalukoda ngunu abuje miikha nyadu, ho hu jalopa matiirḛ miikha miika ma mohka luniiñ ho hii digoabiaya miyu ke, hikha atoh apo mitrḛ kagur siila kendo.

2 PITAR 2:13

heru henkiñdo mohluka herudopa miikohopa. Mohlu siimi hempyo biida goropa sobiingarbii dola allo ho. Mohlu diigolugo giinii, goropa sola ngarla mohluka hempyo diikotanko ho, nunuka agiñho diibo tambola.

1 JON 1:10

Ngunu matiirḛ ludokoda ngunu ingyamiigya ma hiila, ngunu mohmi gollu niipa ke miibii donii, ho mohka luniiñhii ngunuko nyima ke.

1 JON 1:6

Ngunu matiirḛ ludo koda ngunu mohka agiñho dukuñ mondu hiila lubii dola ngunu kamo ila dokoda, ngunu golludo ho jije ho ngunu sama;

1 JON 2:4

Mo huna ludonii, “Ngo mohmi chindu” hojalo mohka lujubiniiñ takho dokoda gollu niike, ho jije hii mohko giima;

1 JON 4:20

Mihkone matiirḛ ludo koda, “Ngo Pinii mi hendu,” ho mohka atoh anubarmii mi hema dokoda, mo gollunii; niimpalukoda hii huna atoh anubarmii mi hemanii humina kapa la danii, hela kema Pinii mi humina mo kapa manii.

2 JON 1:2

jije kiipa niihna ngunuka uraho giidonii ho giikiñdo ngunuko ayudahepa:

3 JON 1:3

Niimpalukoda ngo ano hempyoto anubarmii tonge ka ahchi lyiho ho niika jije sango mika luko lyiho, jijepa no jije mi imbodo hiila.