Romans 5:4 - Ömie: God-are Jögoru Iꞌoho

⁴ Biririvoromo God mae uehorovobe va'ë'ohuro ëhuro God-ro uvajeje: Jemë ruahö'öjë'e jëvajë uvajohuro ëhuro no dë ma-mabëhe jioromo muebejarueje ijonö huro ajamuego ma-mabëhe javuoröhego.

Romans 5:4 ပူးပေါင်းရင်းမြစ်များ

Luke 21:19

Biririvë'ohuro ëhuro mae raromo'irarije öroho biroho'arujëjo.

Romans 15:4

Röhu urimë'i God-are surire jö diehi diehi jajivo'amare hesi bëhoho ëhije röjahuego noro ë surire jöho adahoromo dë sanuovahuego biririvoromo ëhuro muebebe va'ego God-ro ajamuijego mae javuoröhego.

Philippians 2:22

Röhu jemë gavarujoho iae hu a maeje. Harihehu vavu ajëmijaruëhi huro na ëhi ajemiromo Keriso-are jö ma hesi muoho vaebe rovë'eje.

Hebrews 6:19

Hisiehu munë beromo e'u derire ba'amego vanagi ma'enego namijajëhi huhu maro ramuo'iröhe jöho noro uehorovoromo nosi dë vövöbajo'oho biririvoromo riravarueje. Iae uvarueje: God'o nosi ririre urahadoho Iesuro niögunö'e babu'öromo God-hu jiajire nosi sisëho avohahuo'i va'o hijë'ëro jië'ëro iae ëhuni huro ijonö maro bamavuo'ajë uvoromo ëhuro bibivoromo riravarueje.

James 1:12

Röhu huë vavaeni bövi bise'o rueromo dëre bijaho gavamu jaehu biririvoromo hijë'iroho huë mae javajeje. Biririvoromo ruahö'öjë'iroho maro hi'irane röhoho iae bae'a'anue. Ëröhoho God-ro uövuadeje: Na uehorovevaruje aribövioho bojëmi'ejöjo.

1 Peter 5:10

Jemë majae ma-bisemu huë vavaene baebe va'oromo majae ijonö God-ro ajëmiromo jemesi dë vövöbajo'oho avohëhoromo daruge bojëmi'iramu ëhuro ma-mae jioromo munënö'e biririvoromo riravo'aruje. God-ro huë baejavuoromo bövie bise'e ajamuajeje. Huro uëvadeje jemëro Keriso'o gemu mae jioromo hesirire ioro'ioremu jiaje ajoho bae'irarijego. Ëhuni iae ajëmi'ë'e mae jëvoröhego.