Revelation 6:17 - Ömie: God-are Jögoru Iꞌoho

¹⁷ Ëhesi bëhoho vörö majaho rovë'e höjo. Raro ë vöröho uraho nami'a'ajëjo.

Revelation 6:17 ပူးပေါင်းရင်းမြစ်များ

Luke 21:36

A'i jemëro nune jioromo muebenövorëjo. Mueberomo God uanövorëjo: Ëhuë vavaeni maja rovë'iroho jero ajamuego no mae biririvo'irarëjo ëhuro mae javuobe va'oromo jasi A Ma hesi nunire mae riravo'iröhe höjo.

Romans 2:5

Röhu jero mu sisë vaejanuoho bogo vuonugo'i a'i hia'e biriri'övoromo ma-vaemu vaebe va'ego ëhuro God-ro gö'o gö'o döre dë vörönimobe va'ojuvo hujeji hesi maja börömoho rue'iramu evare i'uoho sisë maro mana bojami'iramu bae'a'anue. Ëmaja börömoroho huro a nuniro namiromo jabesi sisëho avoho mevoromo ae aho'obëhe hesi dëre vöröho baeromo evare i'ue bojëmi'ë'e.

Jude 1:6

O anera jabesi jöhu'o uehorovore. God-hu bojëmade muoho anera ioro'iorohuro bogo biririvoromo muebe'irögoro jabumë raromo'iröhe röhoho vuonugo'i jabesi mue gö baejare höjo. Ëhi'amu God-ro ioro'ioremu tövëvoromo ramoramo'ere taemëvo rëmë'e höjo maja börömoho rovego uëröhëro: Sisë jëvaje sisëro va'ohëjo.

Revelation 11:18

Urimoho sa'ae dinö'e dinö'e raromarue ariböviohuro vörö'iraejë'e raromonövare höjo. Jaruvoho jero jabesi örire vörö'iraejanuëjo. Majaho rovë'e höjo vuovëvë'e aribövi mevëvoromo gë'iranoho mae o sisë jëvego. Gëromo jasi mu vaejahoromo jö baeromo majëhijarue aribövi jabesi mana bojëmi'iranoho jasi aribövi ma jabesi mana bojëmi'iranoho jasi iho mae uehorovarue aribövioho ininore va'o masijore jabesi mana bojëmi'irane ë hesi majahu'o sa'are bövi bise'o ijumaruoho mana ijumëvo'irane ë hesi majahu'o rovë'e höjo.

Revelation 16:14

Ëaru'aho sisëho jabumë Satan-are anera sisëro jioruomë'ëro bogo gavarue darugo'e muoho vaeruomajeje. Darugo'e muoho vaeromo sa'ae dinö'e dinö'e va'arueje sa'are masijo vaejarue aribövioho aho'obëhe gagovëvego daruge aho'o baejë'e aho God-are maja börömoho rovego muorovoruomoröhego.