Revelation 5:2 - Ömie: God-are Jögoru Iꞌoho

² O gavodeje darugo'e anerahuro ma-darugo'o uvamu: Rahu a böröme javë'oho badihi taemo'amade sivaho goho'amoromo suri jiovo'iranoho eni javajëjo.

Revelation 5:2 ပူးပေါင်းရင်းမြစ်များ

Revelation 10:1

Ëhi'amu gavodeje anera göho hesi darugoho bövi maho jië'ëro suëro numë'e simano döre nuoge ba'amë'e sa'are ruvebijamu. O hesi nu ano'oho maja va'ëne ajivë'e jio'i hesi höroho vëni hödu ëgobövi va'ëne jiohijo.

Revelation 18:21

Röhu darugo'e anerae gemuëro munë ha'osi börömo börömoho banigojiomoromo sö jovore bu'ö'ego jovo gagore be'abuehijo. Jovo gagore be'abue'ego anerahuro uvavohijo: Ëmunëhu e'ure be'abuejë'ëro ijonö bogo gavaruëhi amo börömo böröme Babylon i'ue baeromo ëhi ma-ioro'ioremu beva'oromo sisërë'iramu ijonöho bogo ga'a'anuëjo.

Revelation 5:1

Ëhi'amu gavodeje röho mare hiromo muebejavuaje aho God-ro hesi övo mahuro huhohë'e suroho ma'enë'e jiamu. Ësuroho ruë jajivo vië jajivoromo huhohoromo sivaëro aho'o 7 ëmino'e suroho badihi taemo'amë'e jiohijo.

Revelation 5:5

Nivamu a duvahe gemuëro uevadeje: Nadi nivo'i ave jöho hejëjo. A böröme gemu iae eni jiajëjo. Lion-hu mi ioro'ioro iosirëmiromo darugo'e jiajëhi huro Judah rajo ioro'ioroho ëhi iosirëmiromo darugo ma'e höjo. David urimo hinövade a hesi ujo böröme höjo. Ëahuro sisëho ruahö'öjë'ëro sivae 7 goho'amoromo suri jiovë'oho hu eni höjo.