Revelation 4:1 - Ömie: God-are Jögoru Iꞌoho

¹ Ëhi'amu naro ga'i gavodeje ö'idöre va'arue ojoho jiovo nugë'e jiamu. Jiovo nugë'e jiamu gagorovo hejode hëgöehu uvanovaje urimo jö majehijade ahuro röhu maho ma-darugo'o jöe majehiromo uevavamu: Avehuro rojomego ijonö mu diehi diehi jio'iröhoho na röjahijöjo.

Revelation 4:1 ပူးပေါင်းရင်းမြစ်များ

Matthew 3:16

Bapataeto vaejamu gagorovo Iesuro jovore jioromo rojo ionire namijadeje. Namijamu ö'idöho arorovadeje. Arorovamu Iesuro gavadeje God-are Aru'ahe guaho va'ënohuro ruvebiromo hesirire gerejamu.

Mark 1:10

Bapataeto vaejamu gagorovo Iesuro jovore jioromo rojo ionire nami'i gavadeje ö'idöho arorovo'ego God-are Aru'ahe guaho va'ënohuro hesirire ruvebijamu.

Luke 3:21

Röhu ë hesi urimo John-hu a bapataeto vaejëvade majare huro ae aho'obëhe bapataeto vaejëvonugoromo Iesu'o bapataeto vaejadeje. Bapataeto vaejamu Iesuro God-are örire jöe jövamu gavë'i ö'idöho arorovadeje.

John 16:13

Iae ëhi höjo röhu jö mae barovaje Aru'ahohuro rovë'iroho huro mu ma hesi öroho röjëhi barë'ajëjo. Hu bogo hesi ëma uehorovoromo jöho jövo'i a'iro jöe rabe rabe hejë'oho ëho jövoromo röhu u'emu jioröhe mu jöho huruoho majëhi'ajëjo.

Acts 10:11

Nia'ovo'iraeromo gavadeje ö'idöho arorovo'ego niögu va'ëne inömo böröme veneguöruvë'oho hesi bëhire ruvebi raromamu.

Acts 7:56

Iesu ë namijamu gagorovo uëvadeje: Arueho gahëjo. Na gavajëjo ö'idöho arorovo'ego God-are A Mahuro hesi övo manö nami'ego.

Revelation 1:10

Naro Patmos sa'are hiromo hura börömoho Bada uehorovarue majaho rovamu iae God-are Aru'ahohuro rumorovevoromo uehore bojemamu hi'i hejodeje nasi dejonö jö'o ögohuro hëgö va'ëne ma-darugo'o rovavamu.

Revelation 1:12

Ëhi jövamu hejë'i hunuorovodeje rahuhu na'o jöe jövajoho ga'i. Ë'i gavodeje iro bahijarue gije aho'obëhe 7 gold-ehu avoho'amë'oho ë momorö'öjamu

Revelation 1:19

Ëhuni jaruvo jiaje muohu'o ijonö rueröhe muohu'o jaehu ga'amanuoho ëho jajivo'amonëjo.

Revelation 11:12

Juhuonivo'iramu ë ae niö'iohuro he'ë'ö ö'idöre jöe uvo'iramu: Avehuro rojomohëjo. Avehuro rojomohë'iramu evare jabumë nu huodëgarue ariböviohuro ga'ë'ö ë ae niö'ioho ö'idöre suëro numëvobe ajiomo'iramu.

Revelation 11:19

Ëhi uvo'ego God-are osae ö'idöre jiajoho jiovohijo. Jiovo'ego God-are jögoru jiaje maua va'orahoro jiohijo. Va'orahoro jio'ego baderivoromo vajeri varuru'e vaeromo sa'aho hijiohijiovoromo ënëro direjohijë'e masije darugo'o ruvebihijo.

Revelation 16:17

Gagovëvo'ego urimo anerae övo gö mine övo göre gemuehu vörö otehö'öjaroho röhu number 7-huro ijo tugoho'i ramare vöröho sa'anö otehö'öhijo. Sa'anö otehö'ö'ego God-are osa börömore jiaje röho mare uvavohijo: Iae barëjë'e höjo.

Revelation 19:11

Ëhi uevamu gavodeje ö'idöho jiovë'e jiamu. Jiovë'e jiamu gagorovo gavodeje ae sino ajivë'e horse-re hijamu. Ëa hesi ihoho Biririvoromo Mu Ma Uehorovaje Ahoje. Hu mevoromo gövuaje a mae o sisë javuego gövuajoho ëho huro mae uehorovoromo ë'ajeje. O muorovajoho ëhu'o huro mae uehorovoromo ë'ajeje.

Revelation 22:6

Röhu ë anerahuro uehijo: Ave jöe aho'o hejanuoho iae mae-ëjo. Bogo sareroho höjo. Bada God hesi Aru'aho a jabesi simanore bamëhego ae jö majëhijarue aho God-ro hesi aneraho na remö'öjade höjo naro rueromo röjëhijego hesi mu vaejaharuje ariböviohuro garomo uvo'irarijego: God-ro nimo'ego majae ijonöho ëhi ëhi jië'e muohuro nosi örire rue'ië'ajëjo. Ëhi uehijo.