Revelation 3:11 - Ömie: God-are Jögoru Iꞌoho

¹¹ Naehu rue'irode majaho dunovajëjo. Ëhuni jemëhu baejarije mu maho nadi vuonugo'i ma-avoho mueberëjo ëhuro aho bogo iosirëmiromo jemesi suvuoroho baejëho'iröhe höjo.

Revelation 3:11 ပူးပေါင်းရင်းမြစ်များ

1 Corinthians 9:25

Röhu tutuvoromo aehu a ioro'ioro iosirëmi'ië'iroho urimë'i biririvoromo dajoho avoho mueberovobe va'oruomajeje ëhuro darugo ma'ëro tutuvoromo suvuoroho baeröhëni. Ësuvuoroho ijino inovoromo simanore didi'aharuoho jië'ëro ëhu'ëro ma-burëro sisërë hesi jiajeje. Röhu ë sisërëröhe suvuoroho baeröhëro ëhuni ë ariböviohuro biririvoruomajeje. Röhu Christian aribövioho no bogo ëhi jië'e suvuoroho bae'i a'i ioro'ioremu jioröhe suvuoroho baeröhëni ëhuni Keriso-are muoho vaejarueje.

Philippians 4:5

Ma-sanuovoromo ae aho'obëhe jabesi öroro huë mae baejëvore. Badahu rueröhe majaho dunove.

2 Timothy 2:5

O uhu jö göho. Ajajovoromo tutuvoromo ae göehu gö iosirëmi'ië'iroho diehi ajajovarue jögoroho ejëhoromo evare tutuvarueje bogo ejahë'oho suvuoroho bogo baejöëni.

2 Timothy 4:8

Ëhu'ëro avevejö'e mu mae vaeromo ruahö'öjode hesi suvuoroho ö'idöre nugehë'eje. Badare majaho rue'iramu huro no avoho mevavuoromo gövuajëro jië'ëro ë suvuoroho bojemi'ë'e. Röhu bogo na gemuoho bojemi'i a'i ae rahu hu rovego ga'i nimarue ariböviohu'o ëhi jië'e suvuoroho bojëmi'ë'e.

James 1:12

Röhu huë vavaeni bövi bise'o rueromo dëre bijaho gavamu jaehu biririvoromo hijë'iroho huë mae javajeje. Biririvoromo ruahö'öjë'iroho maro hi'irane röhoho iae bae'a'anue. Ëröhoho God-ro uövuadeje: Na uehorovevaruje aribövioho bojëmi'ejöjo.

James 5:9

Nasi ö mueno'e huë vavaene rovego baejarujoho nadi göëro göënioho dë vi'ehimoromo ëma nibejahirovoromo uarovore: Jero ë'ane höjo. Ëhi'amu gavë'oho God-ro mevëvoromo i'ue mana bojëmi'ë'e. Gare. No mevavuo'iröhe a hesi majaho dunove.

Revelation 1:3

Ae rahu ave surire jö adahë'oho o ave God-are örire jioromo rovade jö heromo rabe rabe jajivadoho ëho ejahë'oho iae huë mae bae'a'anue maja börömoho dunovë'ëro.

Revelation 16:15

Röhu Iesuro uve: Jöe hehëjo. Naro vajiohu'e aëro ö'anovo'ië'ajëjo. Ëhuni ae rahu nune jioromo niögu avo'avoho mueberovë'oho iae mae jioruomo'ajëjo. Ëhi jië'oho bogo ma-sinëremuoho a nuniroho jijihoromo javojoho baeruomo'ajëjo. Iesuro ëhi uve.

Revelation 2:10

Jemë vi'ehe huë vavaene bae'ië'arujoho nadi juhuonivorëjo. Gahëjo. Iae Satan-ro ae uë'a'ajëjo jaburo jemë ae gö gö savoji gagore ba'amëvego huro jemesi dëho bijioho gëröhëro. Ëhi'o'iramu huë vavaene baebe va'ojuvo majae ma-bisemu barë'iramu barëjëho'ajëjo. Röhu biririvemu biririvamu vuovëvë'iroho ioro'ioremu raromo'irarije suvuoroho naro bojëmi'ejöjo ruahö'öjarijohuni.

Revelation 2:13

Vaevë'e diehi jië'e amore raromarujoho iae na gëvajëjo. Satan hu ë amore a böröme vaeromo muebejëvaje höjo. Ëhi höjo röhu nasi ekaresia aribövioho jemëro biririvoromo nasi ihoho ma'enaruje höjo. Urimë'i Antipas-ro nasi jöho mae majëhijamu hegorovo ë Satan-hu hijajire raromarue amo rajohuro hu anamu guomade höjo. Guomamu röhu jemëhu nasi örire mae uehorovevarijoho bogo vuonugarije höjo.

Revelation 2:25

Röhu ë mu baejarijoho biririvoromo ma'enego Iesu na ö'iröjo.

Revelation 22:12

Röhu Iesuro uve: Jöe hehëjo. Na ma-burëro ö'ië'ajëjo. Jemesi mu hesi suvuoroho ujuohoromo ö'ejöjo mu diehi diehi mae o bisemu sisë'i sisë'i vaejarijëhi ae gö gö suvuoroho ëhi bövie o bise'e bojëmi'irodëni.

Revelation 22:20

John naehu jajivode jö mae hö uvaje Ahuro uve: Iae na ma-burëro ö'ië'ajëjo. Bada Iesu iae mae uvanue. De je rove.

Revelation 22:7

Röhu Iesuro uve: Jöe hehëjo. Na ma-burëro ö'ië'ajëjo. God-are jö börömoho ave surire jajivë'e höjo. Ëhuni ae rahu ejë'oho huë mabëhe jioruomo'ajëjo. Ëhi uve.

Revelation 3:3

Ëhuni Christian jö rabe majëhijamu hejarijoho avo'avoho uehorovoromo eromo uehoro sisëho vuonugohëjo. Bogo ri'ö nuni dadovoromo avoho uehorovë'oho naro vajiohëro ö'ejöjo. Naehu ö'irode majaho bogo mae bogo ga'a'arujëjo.

Revelation 4:10

Ëmaje 4-ehu ëhi rajahiromo jö ië'iroho rue a duvahoho aho'obëhe 24 jaburo röho mare hijaje a hesi nuninö ague aho raromoromo hesi örire rajahijarueje hu ioro'ioremu hibe va'aje jië'ego. Rajahiromo jabesi a masijehu simanore didi'arue bosöho God-hu hijaje nuninö rideho bahijarueje. Bahiromo uavarueje:

Revelation 4:4

Ëröho maho ririre jio'i a duvahe aho'obëhe 24 ruë numë gemu gemu röho mare raromo rova'oruomohijo. Ajivë'e niögoho io'amoruomë'e a masijehu didi'aruëhi jië'e bosöe gold-ehu avoho'amaroho simanore didi'oruomë'e ëhi raromohijo.