Revelation 20:9 - Ömie: God-are Jögoru Iꞌoho

⁹ Nie'u va'ëne jië'ëro sa'ae bövioho ruë numë tagavoromo God-are aribövie hesi amo börömore riravaruoho muorovëmi'i numëvo'ë'e. Numëvo'iramu vënëro ö'idöre jioromo ruvebiromo ravëvo barë'ë'e.

Revelation 20:9 ပူးပေါင်းရင်းမြစ်များ

Luke 17:29

evare Lot-ro Sodom amore jioromo mae va'amu gavë'i vënëro girosijiomë'e munëhuro rireromo ruvebiromo a ioro'ioroho bijuëmamu vuovo barë nahonahovade höjo.

Luke 19:43

Majae ijoho rue'iramu jemë'o muorovarue ariböviohuro rueromo sa'ae babaenemi rova'oromo tugohoromo ruë numë numëvo barë'aruëjo.

Luke 21:20

Röhu jemëro ga'irarije muorovo ariböviehu rueromo amo numamu gavë'iroho uvorëjo: Jerusalem ijumo barë'iröhe majaho iae rovajëjo.

Luke 9:54

Ahoruomamu gagorovo Iesuare ijoraje James'o John'o jaburo Iesu uavareje: Tisajo. Na ja nagajëjo noro uavego vënëro ö'idöre jioromo ruvebiromo ë amo rajoho ravëvojöro.

2 Thessalonians 1:8

vëni hödu'o rueromo God bogo uehorovoromo nosi Bada Iesuare jö ma bogo ejaharue aribövioho i'ue mana bojëmi'ë'e.

Hebrews 13:13

Iesu amore jiamu rori'o bava'amu guomë'ego ëhuni no'o amo rajehu sisë'i uehorovarue bogo jabesi gemuoroho uehorovo'i a'i Iesuare jöëni i'ue baeromo hu'o gemuore riravo'ejo.

Revelation 11:5

Röhu aehu ë ae niö'i jabesi örire ijumëvo'ië'iroho vënëro ë ae niö'i jabesi jö'ore jioromo rueromo nu huodëgarue aribövioho ravëvo barë'ë'e. Ae rahu jabumë ijumëvo'ië'oho iae ëhi vuovëvo'ë'e.

Revelation 13:13

Ijore rovade miohuro urimore rovade mi hesi muoho vaeromo no bogo gavarue vörö'e mu masijoho vaehijo. Mu masije gö gö vaeromo röhu ae aho'obëhe jabesi nunire namiromo uvo'ego vënohuro ö'idöre jioromo sa'are ruvebihijo. Ëhu'o ë'ohijo.