Revelation 18:19 - Ömie: God-are Jögoru Iꞌoho

¹⁹ Ëhi uvoruomoromo vavaenimorovoromo tohotohoho jabesi simanore bu'ödivorovoromo nierusuburu'e bamoromo uvoruomo'ë'e: E-e vaevë'e vaevë'e amo börömohajo. Boat baeromo sö jovore va'arue ae aho'o noro ë amo rajore nosi inömoho imëvoromo manaho marohë'e mae ujuohë'e javuajëjo. Jaruvoho ma-majioho sisërëjë'e höjo. Ëhi uvoruomo'ë'e.

Revelation 18:19 ပူးပေါင်းရင်းမြစ်များ

Revelation 17:16

Röhu mi sisëhu'o hesi dane aho'obëhe 10 ga'amanoho ëhu'o jaburo huotorovoromo ë önö'e juvaje magonahoho nue huodivoromo ijumo'aruëjo. Ijumoromo niögu siri'oho jahaho'amo'iramu dë'ahobatëremu jio'iramu ëhi nugoruomo'ajëjo. Dë'ahobatëremu nugonugoromo hesi sino ioro'ioroho ue'aho'i ioro'ioroho vëniro huoruomo'ajëjo.

Revelation 18:10

Nierusuburu'e bamoromo ë amore huë vavaeni börömo baejaruoho garomo juhuonivoromo rori'o ëgoböviro riravo'ë'ö. Riravoromo uvoruomo'ë'e: Babylon vaevë'e amo börömohajo. E-e vaevë'e biriri'e amohajo. Jemesi i'uoho ma-majioho baejë'e jëvajëjo.

Revelation 18:3

Ëhesi bëhoho ëhi höjo. Aehu magonaho hesi vörö'e jovo iromo simane sisërëromo hu'o önö'e vaejarue ëhi jië'e mue gemuoho ë amo rajoho jaburo sa'ae aho'obëhe röjëhijare höjo. Aehu magonaho'o önö'e mu vaejaruëhi sa'are a masijo ömo'ömohuro ë amo gemuore bimuvoromo javoji'e mue gö gö vaejare höjo. O Babylon amo rajohuro mahunö'e raromoromo bövie bise'e imo'i nimare höjo. Ëhi nimë'ëro inömo imo'amarue ariböviohuro sa'ae göro göro jioromo rueromo ë amore jabesi inömoho imoromo ëhuro moni ma'e jëvade höjo.

Revelation 18:8

Ëhuni majae gemuore jabesi i'uoho aho'obëhe ma-majioho rue barë'iramu sisërëjëvo'ajëjo. Ae guomo guomo sisë baeromo vuovëvo'ajëjo. Huë vavaene böröme jabesi örire rue'a'ajëjo. Hömo majae rue'a'ajëjo. Vënëro ravëvo barë'ajëjo ë hesi bëhoho jabumë mevo gëromo i'u bojëmaje aho Bada God-are darugoho börömëro jië'ëro.