Revelation 17:16 - Ömie: God-are Jögoru Iꞌoho

¹⁶ Röhu mi sisëhu'o hesi dane aho'obëhe 10 ga'amanoho ëhu'o jaburo huotorovoromo ë önö'e juvaje magonahoho nue huodivoromo ijumo'aruëjo. Ijumoromo niögu siri'oho jahaho'amo'iramu dë'ahobatëremu jio'iramu ëhi nugoruomo'ajëjo. Dë'ahobatëremu nugonugoromo hesi sino ioro'ioroho ue'aho'i ioro'ioroho vëniro huoruomo'ajëjo.

Revelation 17:16 ပူးပေါင်းရင်းမြစ်များ

Revelation 12:3

Ëhi'ego bogo gavarue mu böröme gö'o ö'idöre ruehijo. Ëmu hesi bëhoho kavuë'e sigobu börömo böröme jiohijo. Vörö'e mae jiohijo. Hesi simanoho aho'o övo gö mine övo göre niö'i jio'amohijo. O hesi danoho aho'obëhe övo gö mine övo gö mine jio'amohijo. O sigobu simanoho gemu gemu a masijehu io'amaruëhi jië'e bosöhuro didi'o'amë'e jio'amohijo.

Revelation 16:12

Ëhi'ego urimo anerae övo gö minehu vörö otehö'öjaroho röhu number 6-huro ramare vöröho rova'ë'e jovo böröme Euphrates-are döre otehö'öhijo. Otehö'ö'ego jovoho sinihohijo ëhuro ruhe maja rojomajinö jioromo rueröhe a masijo jabesi öroho jiovëhego maro rueromo muorovoruomoröhego.

Revelation 17:10

Övo gö mine rireromadoho gemu avevejö'oho daruge jioromo hi'i röhu gemu gö'o bogo rovë'e höjo. Rovë'iroho iae majae ma-bisemu hi'a'ajëjo.

Revelation 18:19

Ëhi uvoruomoromo vavaenimorovoromo tohotohoho jabesi simanore bu'ödivorovoromo nierusuburu'e bamoromo uvoruomo'ë'e: E-e vaevë'e vaevë'e amo börömohajo. Boat baeromo sö jovore va'arue ae aho'o noro ë amo rajore nosi inömoho imëvoromo manaho marohë'e mae ujuohë'e javuajëjo. Jaruvoho ma-majioho sisërëjë'e höjo. Ëhi uvoruomo'ë'e.

Revelation 18:8

Ëhuni majae gemuore jabesi i'uoho aho'obëhe ma-majioho rue barë'iramu sisërëjëvo'ajëjo. Ae guomo guomo sisë baeromo vuovëvo'ajëjo. Huë vavaene böröme jabesi örire rue'a'ajëjo. Hömo majae rue'a'ajëjo. Vënëro ravëvo barë'ajëjo ë hesi bëhoho jabumë mevo gëromo i'u bojëmaje aho Bada God-are darugoho börömëro jië'ëro.

Revelation 19:18

ëhuro sa'are masijo vaejarue a jabesi birogoho iromo muorovo a masijo jabesi birogoho darugo'e a jabesi birogoho horse jabesi birogoho horse-re va'arue aribövi jabesi birogoho mae o sisë'i raromarue aribövi jabesi birogoho a masijo o a inino jabesi birogoho ëho i'amo'irarije höjo. Ëhi uëhijo.