Revelation 16:7 - Ömie: God-are Jögoru Iꞌoho

⁷ Ëhi ua'ego God-ni suvuoro vënehu buejaharue maratuore uavavohijo: Io'ajo. Bada God ja daruge aho'o baejë'e ae javajëjo. Jaehu a gëromo i'u mana bojëmijanuoho ëho bogo mu sisëho vae'iro iae mu mae vaejanue höjo.

Revelation 16:7 ပူးပေါင်းရင်းမြစ်များ

Revelation 1:8

Bada God-ro uëve: Na urimo ni'i'ivevadoho röhu ijo tugoho'ioho ëhi gemuoho jevo'ajëjo. Mami'e jiobe rovadoho röhu avevejö'oho ëhi jioromo röhu ijonöhu'o ëhi jiobe va'iröhe aho daruge aho'o jië'e aho God-ro ëhi uëve.

Revelation 13:10

Aehu jemë guduamëvoromo savoji gagore ba'amëvo'ië'oho iae savoji gagoro ba'amëvo'ë'ö. O aehu muo'amëvamu vuovëvo'ië'oho iae vuovëvo'ë'e. Ëhi jië'e mu sisë rue'iröhohuni ëhuni God-are aribövioho jemëro biririvoromo God gemu uehorovobe va'ore.

Revelation 14:10

ë ariböviohuro God-are i'uoho baeruomo'ajëjo. Aehu vörö'e jovo bogo sanuovë'e ma-ue'ahoromo hara'uarue ëhi jië'e i'uoho God-ro vörö'iraeromo bojëmi'iramu baeruomo'ajëjo. Baeromo God-are anera jabesi nunire God-are Sheep Harihu hesi nunire raromoromo vënohu'o vënehu ravoromo girosijiomë'e munëhu'o ravëvo'iramu hara'uoruomo'ajëjo.

Revelation 14:18

Ëhi'ego anerae gö vëni muebejaje anerahuro God-ni suvuoro vënehu buejaharue maratu bëhire jioromo ruehijo. Rueromo anio ma'e sirava ma'enaje anera hesi örire ma-darugo'o uahijo: Sa'are jiaje grape ö'i bajoho mavë'e jiaje jasi siravahuro tarivoromo ujuohëjo.

Revelation 19:2

God-ro ae mae o sisë jëvego gë'i avoho mevëvaje höjo. Ëhesi bëhoho ë önö'e juvaje magonaho börömehu sa'ae aho'o javoji'e mu röjëhiromo ijumëvadohuni ëhuni huro mevoromo uavade höjo: Sisë javo'ego sisëro va'a'anuëjo. Ëmagonahehu God-are mu vaejarue aribövi muo'amëvadohuni ëhuni i'ue mana bojamijë'e höjo.

Revelation 6:9

Ëhi'ego Sheep Harihohuro urimo surire sivae 4 gohadoho röhu number 5-ho gohohijo. Gohamu evare gavodeje vuovëvë'e a jabesi aru'ahoho God-ni suvuoro bahijarue maratu bëhire sa'are raromamu. Ëraromare hesi bëhoho urimoho ë ariböviohuro God-are jöho uehorovoromo biririvoromo majëhinövareje. God-are jöho biririvoromo majëhijamu gagorovo aëro muo'amamu vuovëvadeje. Muo'amamu vuovëvë'ëro ëhu'ëro jabesi aru'ahoho ë raromohijo.