Revelation 16:19 - Ömie: God-are Jögoru Iꞌoho

¹⁹ Sa'aho hijiohijiovo'ego amo börömoho niö'i gemu tariorovobe va'ohijo. Tariorovobe va'ego ame gö gö sa'ae dinö'e dinö'e jio'amajoho sisërë'amohijo. Röhu God-ro amo böröme Babylon hesi sisëho bogo rumonimo'i vörö'iraeromo i'uoho amo rajoho bojëmihijo ëhuro aehu vörö'e jovo ue'ahoromo hara'uaruëhi ë i'uoho baeromo ëhi hara'uoruomoröhego.

Revelation 16:19 ပူးပေါင်းရင်းမြစ်များ

Revelation 18:5

Ëamo rajehu mu sisë börömo bëhe vaebe rovaroho God iae uehorovajëjo i'ue bojëmi'iro.

Revelation 18:10

Nierusuburu'e bamoromo ë amore huë vavaeni börömo baejaruoho garomo juhuonivoromo rori'o ëgoböviro riravo'ë'ö. Riravoromo uvoruomo'ë'e: Babylon vaevë'e amo börömohajo. E-e vaevë'e biriri'e amohajo. Jemesi i'uoho ma-majioho baejë'e jëvajëjo.

Revelation 17:18

O jaehu gavane magonaho hesi bëhoho iho'e amo börömoho höjo. Ëamohuro sa'ae dinö'e dinö'e muebejarue a ioro'ioroho muebe'amarue höjo.

Revelation 18:21

Röhu darugo'e anerae gemuëro munë ha'osi börömo börömoho banigojiomoromo sö jovore bu'ö'ego jovo gagore be'abuehijo. Jovo gagore be'abue'ego anerahuro uvavohijo: Ëmunëhu e'ure be'abuejë'ëro ijonö bogo gavaruëhi amo börömo böröme Babylon i'ue baeromo ëhi ma-ioro'ioremu beva'oromo sisërë'iramu ijonöho bogo ga'a'anuëjo.

Revelation 18:2

Sa'ae aho'obëhe ajivo'amo'ego ma-darugo'o uvohijo: Amoho barëjë'e höjo. Iho'e amo börömoho Babylon vejö'oho barëjë'e höjo. Avevejö'oho ë amoho Satan-are anera jabesi ame höjo. Aru'aho sisë jabesi öri ari'e höjo. Va'inumi'e ugo sisë ihe göëro göëro ë raromo jijiharue höjo.

Revelation 17:5

O magonaho hesi ihoho hesi varijore uhu'e jajivoromo uvë'e jiohijo: Ave magonaho hesi bëhoho amo börömoho Babylon höjo. Önö'e jijiharue mu gö gö vaejarue sa'ae dinö'e dinö'e raromarue aribövi jabesi vëmoho höjo.

Revelation 11:8

Vuovëvo'iramu jabesi sinoho amo börömo hesi öri börömore ëhi raromëvo'ë'e. Ëamoho sisëgo ëhuni uvarueje: Ëamoho Sodom o Egypt höjo. Röhu urimë'i ë ae niö'i jabesi A Börömoho aëro guduamoromo ë ame gemuore korosire anareje. Amo ë ame gemuore jabesi sinoho raromëvo'ë'e.

Revelation 17:1

Ëhi'ego anerae aho'obëhe 7 rama ujuoharoho röhu gemuëro rueromo uehijo: Rovego na röjahego önö'e juvaje magonaho börömehu i'u baejajoho gavëjo. Ëmagonahoho ruë numë jovemu jië'e öri ari'ere hijaje höjo.