Revelation 14:11 - Ömie: God-are Jögoru Iꞌoho

¹¹ Hara'uo'iramu ë aribövi ravëvaje vënoho bogo duoroho'i ma-u'ivemu u'ivonövo'ajëjo. U'ivo'iramu ae rahu mi sisë o mi hesi nu ano'o va'ëne avoharoho uvene aho röjëhijë'oho o mi hesi iho sinore baejë'oho ëhi jië'e aribövioho jabesi vi'ehoho bogo u'uho'i vae majae ma-jiemu jiobe va'a'ajëjo. Anerahuro ëhi uvavohijo.

Revelation 14:11 ပူးပေါင်းရင်းမြစ်များ

Matthew 11:28

Röhu jemë ae rahu sivohoromo i'u'e mu vaejamu u'uvëvë'oho ruerego naro jemesi dë vövöbajo'oho sasohëho'iröjo.

Matthew 25:41

Ëhi uënugoromo huotorovoromo nasi övo adonö riravarue aribövioho uë'ejöjo: I'ue bae'ië'e aribövie jëvaje rori'o va'ohëjo. Ravemu ravaje vëni'e öri ari'oro va'ohëjo. Ëvënoho God-ro Satan'o hesi anera ömo'ömohu'o ëho jabuni avohëhë'e höjo.

Matthew 25:46

Ëhi uë'iramu ë aribövioho sisëro va'oromo ma-ioro'ioremu i'ue baeruomo'ajëjo. A'i aribövi mahuro maro va'oromo ma-ioro'ioremu raromoruomo'ajëjo.

Hebrews 1:8

Anera jabesi jöho ëhi uvo'i Harihu hesi jöho ëhi uvë'eje: God ja böröme namijanuoho ëhi namiemu namibe va'a'anuëjo. Böröme namiromo jero jasi öri ari'oho avoho muebejanue höjo.

Revelation 11:15

Iae anerae övo gö mine övo göre gemuehu hëgö huaroho röhu ijo tugoho'i anerae number 7-huro hëgöho huohijo. Hëgöho huo'ego ö'idöre darugo'o uvoromo uvoruomavohijo: Jaruvoho nosi Bada God'o God-hu uavë'ëro böröme namiromo ajamuijaje aho Keriso'o jabu niö'iro darugoho baejë'e höjo bövie rirarovoromo sa'ae aho'obëhe muebe'amoröhëni. Darugoho baejë'ëro God-ro böröme namiromo muebemu muebebe va'onövo'ajëjo.

Revelation 13:12

Ijore rovade vörö'e mi sisëhuro urimore rovade mi sisë hesi vöröe gemuoho bae barëromo huni röromo muoho vaehijo. Urimore rovade mi hesi muoho vaeromo sa'are raromarue aribövioho uëhijo jabumëro urimore rovade mi sisëho uvene aho röjahi'iröhego. Aehu hesi simanoho gemu anahamu guomoromo i'ovade ë hesi batato'e simano jië'e mioho rajahi'iröhego muoho vaehijo.

Revelation 13:15

Urimore rovade mi hesi nu ano'o va'ëne inömoho avoho'ego God-ro öroho bogo tugohahë'ëro ëhu'ëro ijore rovade miohuro ë mi nu ano'o va'ëne inömo hesi nu gagore jö'o ögëro huosihohijo mi nu ano'o va'ënohuro daruge baeromo jöe jövoromo garöhe ae rahu hesi öriroho bogo uvene aho röjahijego muo'amo'iröhego.

Revelation 13:17

Bogo ejëho'ibejo mi sisëhuro öroho tugohëhego iruno'oho bövioho bise'oho bogo imo'ibejo. Ëjajivëharoho mi hesi iheje.

Revelation 14:9

Ëhi uvo'ego anerae niö'i rueromo jö majëhijaroho röhu number 3-ohuro jabesi ijore rueromo uëhijo: Jöe hehëjo. Ae rahu mi sisë o hesi nu ano'o va'ëne avoharoho uvene aho röjëhiromo hesi iho varijore o övore baejë'oho

Revelation 18:18

garöhe Babylon amoho vënëro ravoromo u'ivo ajiomo'iramu garuomoromo ma-darugo'o uvoruomo'ë'e: Sareri amo börömo böröme jiade höjo. Ëhi jië'e amoho urimoho bogojiade höjo.

Revelation 18:9

Röhu sa'a gö gö a masijohuro ë amo rajohu'o bimuvoromo javoji'e muoho vaeromo hesi inöme marohë'e mae ujuohoromo mahunö'e raromë'ëro garöhe amoho vënëro ravoromo u'ivo ajiomo'iramu garuomoromo amo hesi jöëni vavaenimoromo nierusuburu'e bamoruomo'ë'e.

Revelation 19:3

Ëhi uvoruomoromo röhu maho uvoruomohijo: God mabëhëjo. Ëamo börömoho vënehu ravaje u'oho ëhi ma-ajiomemu ajiomo'ajëjo.

Revelation 20:10

Ravëvo barë'iramu Satan ë aribövi sarerëmiromo gagovëvade aho babu'ö'iramu vënehu munë ravoromo girosijiomoromo e'u börömo va'ëne jiajire be'abue'ë'e. Urimo mi sisëhu'o hesi sareri'e jö majëhijaje ahu'o ba'amëvego abo rireromo'iröhire ë be'abue'ë'e. Be'abueromo mi sisëho o sareri'e jö majëhijaje aho o Satan ëho jaburo vae majae hara'uemu hara'uobe va'ë'ö.

Revelation 22:5

Röhu vahioho ijonöho bogojio'ë'e. Iro hesi ajohu'o maja hesi ajohu'o ajivëvo'iröhe bëhoho bogojio'ë'e. A'i Bada God-are ajohuro ajivëvonövo'ë'e. Ajivëvo'iramu jabumëro ioro'ioremu masije riravoromo öri ari'oho muebebe va'oruomo'ë'e.

Revelation 7:12

Rajahiromo uvoruomohijo: Aveho iae mae-ëjo. Aji maho uehoro maho iho maho darugo maho vörö maho nosi Böröme God-aremu jiajoho ëhi ma-jiemu jiobe va'a'ajëjo. Ma-jiemu jiobe va'ië'ego noro hu gemu rajahiromo huë mabëhe uanövo'ejarëjo. Iae mae-ëjo.