Revelation 13:6 - Ömie: God-are Jögoru Iꞌoho

⁶ Öroho bogo tugohahë'ëro vörö'e mi sisëhuro ri'öromo God agoromo hesi ihoho ijumoromo God-hu hijaje öri ari'oho sivoromo God'o gemu mae ö'idöre raromarue aribövi jabesi sisëho sarerivoromo ëma jövohijo.

Revelation 13:6 ပူးပေါင်းရင်းမြစ်များ

Matthew 12:34

Sigobu aboji harihu'e jëvanovajëjo. Ijo sisë va'ëne jëvë'oho jemë diehi'oromo ijo bajo manö'e raeromo jö mae atorëjo. Bogo eni jëvajëjo. Uehoro maehu o uehoro sisëhu dë vövöbajo'ere rarovëvajoho ëhi jië'e jöho jö'ëro atarue höjo.

Matthew 15:19

Ëhesi bëhoho uehoro sisëhuro dë vövöbajo'ere jioromo rojomego ëhuro ae muo'amoruomaje höjo. Goho'amoruomaje höjo. Öëro jijihanovoruomaje höjo. Vajiohëro ujuohoruomaje höjo. Ae sarerëmiruomaje höjo. Ae gö jabesi ihoho ijumoruomaje höjo.

John 1:14

Röhu God-are Jö jumuvë'e ahuro sino haho'e baeromo ro God-are jöho mae röjahui avohoromo huë baejavuo avohoromo no'o gemu mae hibe juvadeje. Hi juvamu no hesi ajoho gavareje ë ajoho hesi Vavu hesi Harihe hu gemu'ëro jië'ëro baejë'ëro.

Romans 3:13

Jö sisë ataruohuro ëhuro sisë bëhe jëvajëjo. Ae guavoromo bogo duho'i ma-nugego usihövo rojomajëhi jabesi huë gagore ëhi rojomanovaje höjo. Jö'ëro jö sareri sareri'e atoromo jovëro rovanovaje höjo. Bitaro vuodovë'ohuro bitaro gagore sigobu vörö va'ënoho rojomaje höjo.

Colossians 1:19

God-ro nimamu Kerisoro hesiro daruge uehore bövie bise'e bae barëjë'eje.

Colossians 2:9

Ëhuni jabesi jöho nadi ejëhore. Ëhesi bëhoho God-hu diehi jiajoho iae Kerisoro hesi sino haho'ere bae barëjë'eje.

Hebrews 9:2

Ëjavuoho niögëro vaejareje. Ëosa gagoho ririro iromo tariojamu osae niö'i jëvadeje. Viënörire osaroho iro bahijarue gijoho maratuoho maratu döre bahijare God-are ioho ëhi jio'amonövadeje. Ëosa hesi ihoho God-are osa maho jiadeje.

Hebrews 9:24

Ësuvuoro mabëhi hesi bëhoho ö'idöre God-hu jiaje öri ari'o va'ëne ma-aehu vaejare osaroho Keriso ëho bogo rumo va'i a'i God-hu jiaje ö'idö mare va'adeje. Ö'idöre va'ë'ëro God-are nunire hiromo nosi muoho avohahuajeje.

Revelation 11:12

Juhuonivo'iramu ë ae niö'iohuro he'ë'ö ö'idöre jöe uvo'iramu: Avehuro rojomohëjo. Avehuro rojomohë'iramu evare jabumë nu huodëgarue ariböviohuro ga'ë'ö ë ae niö'ioho ö'idöre suëro numëvobe ajiomo'iramu.

Revelation 12:12

Ëhuni ö'idöho mabëhe höjo. Ö'idöre jiaruje aribövioho mabëhe jëvaje nimorohohëjo. A'i sa'ahu'o jovohu'o vaevë'e höjo ë hesi bëhoho Satan hu ë abuejë'ego. Abuejë'ëro garomo uvaje höjo: Nasi majaho barë'irögoro ë'ajëromo vörö'iraejë'e höjo. Ëhi uvoruomohijo.

Revelation 15:5

Ëhi'amu gavodeje ö'idöre God-hu jiajire niögu javu maho jiovë'e jiamu.

Revelation 18:20

Röhu ö'idö rajoho apostle ömo'ömoho jö God-aro baeromo majëhijarue aribövioho God-are aribövi ioro'ioroho jemëro nimorohore. Ëamo rajehu jemesi örire sisë'i vaejëvaroho God-ro ëho gëromo ë hesi i'uoho mana bojëmijë'eje.

Revelation 21:3

Ëhi jiamu gagorovo hejodeje röho mare ma-darugo'o uvavamu: Jöe hehëjo. Avevejö'oho God-are javu maho a ririro jië'ëro huro a'o gemu mae hinövo'ajëjo. Jabumë hesi aribövie jëvo'i huro jabu'o gemu mae hiromo muebejëvonövo'ajëjo jabesi Börömëro jië'ëro.

Revelation 4:1

Ëhi'amu naro ga'i gavodeje ö'idöre va'arue ojoho jiovo nugë'e jiamu. Jiovo nugë'e jiamu gagorovo hejode hëgöehu uvanovaje urimo jö majehijade ahuro röhu maho ma-darugo'o jöe majehiromo uevavamu: Avehuro rojomego ijonö mu diehi diehi jio'iröhoho na röjahijöjo.

Revelation 4:4

Ëröho maho ririre jio'i a duvahe aho'obëhe 24 ruë numë gemu gemu röho mare raromo rova'oruomohijo. Ajivë'e niögoho io'amoruomë'e a masijehu didi'aruëhi jië'e bosöe gold-ehu avoho'amaroho simanore didi'oruomë'e ëhi raromohijo.

Revelation 5:13

Ëhi uvoruomamu hegorovo hejodeje God-hu bamade bövie bise'e ö'idöre sa'are sa'a uhure jovo gagore raromaruoho ëho jaburo aho'obëhe uvoruomavamu: God röho mare hijaje ahu'o Sheep Harihohu'o iho maho aji maho darugo maho ma-jabesiro gemu höjo. Ëhi jiemu jiobe va'ië'ego jabumë gemu rajëhiemu rajëhinövo'ejarëjo.

Revelation 7:15

Ëhu'ëro jië'ëro jabumë God-hu hijaje röho ma ë hesi nuninö riravoromo hesi osare vahie majae ma-hesi muohemu vaemu vaejahoruomaje höjo. Vaejaho'iramu röho mare hijaje ahuro jabu'o gemu mae hiromo mu sisëho raboho tugohëho'iramu munë bururo raromanovoruomo'ajëjo.

Revelation 7:9

Ëhi'amu naro ga'i gavodeje ae aho'obëhe mae riravamu. Bogo adaho varijënoho jiohijo. Sa'ae dinö'e dinö'e agane gö gö sine gö gö huë gö gö aribövioho ajivë'e niögu ëgoho io'amë'e juva hanoho ujuohë'e God-are röho ma hesi nuninö Sheep Harihu hesi nuninö riravohijo.