Revelation 12:2 - Ömie: God-are Jögoru Iꞌoho

² Röhu hu dë'ëro jië'ëro raho'irögoro vi'ehe böröme baeromo hara'uoromo darugo'o jö'e dadovavohijo.

Revelation 12:2 ပူးပေါင်းရင်းမြစ်များ

Matthew 24:8

Ëhi jië'e huë vavaenoho rue'iramu mu sisëho bogo burëroho barë'i magonahehu aevoromo raho'i hara'uajëhi ëhi aho aevoromo huë vavaene börömoho baebe va'oruomo'ajëjo.

John 16:21

Magonahehu raho'ië'iroho hejaje höjo vi'ehimavego huë vavaene baejaje höjo. Huë vavaene baeromo harihoho rahonugoromo uvaje höjo: Iae harihoho mabëhe baejë'e jevajëromo nimorohaje höjo. Nimorohego ëhuro hesi vi'ehoho rumonimaje höjo.

Galatians 4:19

O asë'e nasi aboji harihu'ohumë vaevë'e jëve. Magonahehu raho'i hara'uoromo huë vavaene börömo baeromo harihu baegoro evare huë ma baejaruëhi na'o ëhi jeve. Na'o jemesi jöëni huë vavaene bogo bise'oho baeje hujeji Kerisohu uehorovajëhi jemë'o ëhi uehorovo'irarijego.

Galatians 4:27

Ëhesi jöho God-are surire uhu'e uvë'eje: Dë tiojë'e magonahoho jero sine sasohonëjo. Bogo rahoromo vi'ehi baejanue magonahoho jö'e dadovoromo nimorohonëjo. Uvonëjo: Baru'o hijaje magonahoho ado sirino'oho ma-jianovo'i baruehu remo va'ade magonahoho ijonöho ado sirino'e marohë'e mae jevo'ajëjo.

Revelation 12:4

Röhu jije aho'obëhe ö'idöre jio'amajoho niö'i gemu tariojaroho dirö'e gönö niö'i nugo'i dirö'e gönö gemu sigobu hesi uhohuro sa'are ujuoho io'amohijo. Ujuoho io'amoromo ë harihu raho'ië'aje magonaho hesi nuninö raromoromo muebehijo rahego harihoho i'iro.